சூர்யா ஜோடியாக பிரபல பாலிவுட் நடிகை..!

சூர்யா நடிக்க இருப்பதாக கூறப்படும் கர்ணா படத்தில் அவருக்கு ஜோடியாக பிரபல பாலிவுட் நடிகை நடிக்க இருக்கிறார். இவர் இந்தியாவையே கலக்கிய பிரபல நடிகையின் மகள் என்பதால் எதிர்பார்ப்பு அதிகரித்துள்ளது.

தமிழ் சினிமாவின் கொண்டாடப்படும் நாயகர்களில் ஒருவரான சூர்யா, அடுத்ததாக சுதா கொங்காரா இயக்கத்தில் ஒரு உணர்வுப்பூர்வமான திரைப்படத்தில் நடிக்கவுள்ளார். இது குறித்து ஏற்கனவே அதிகாரப்பூர்வ அறிவிப்பு வெளியாகி சினிமா ரசிகர்களை ஆவலில் ஆழ்த்தியுள்ளது. இந்நிலையில், சூர்யா இன்னொரு மாபெரும் புராணப் படத்திலும் கமிட் ஆகியுள்ளது தான் தற்போது சூடான செய்தி.

'கர்ணா' என்று தலைப்பிடப்பட்டுள்ள இந்த பிரம்மாண்டமான திரைப்படத்தை பிரபல இயக்குநர் ராகேஷ் ஓம் பிரகாஷ் மெஹ்ரா இயக்கவுள்ளார். 'ரங் தே பசந்தி', 'பாக் மில்கா பாக்' உள்ளிட்ட மாஸ்டர் பீஸ் படங்களால் அனைவரையும் கவர்ந்த ஹிந்தித் திரையுலகின் தேர்ந்த இயக்குனர் ராகேஷ் ஓம் பிரகாஷ் மெஹ்ரா தமிழுக்குள் காலடி எடுத்து வைப்பது பரபரப்பை ஏற்படுத்தியுள்ளது.

மாபெரும் 'கர்ணா' - உறுதியான ஜான்வி

இப்படத்தின் தயாரிப்பாளர் போனி கபூர் அளித்த அதிரடி அப்டேட்டே உங்கள் வாட்ஸ் அப் குழுக்களில் தற்போது வைரலாகி கொண்டிருக்கும். ம்ம்ம்... அது என்ன அப்டேட்னு கேட்குறீங்களா?

'கர்ணா'வில் சூர்யாவுக்கு ஜோடியாக பாலிவுட் இளம் தாரகை ஜான்வி கபூர் நடிக்க உள்ளதாக தயாரிப்பு நிறுவனத்திலிருந்து செய்திகள் கசிந்துள்ளன. உலகமே வியக்கும் மகாபாரதக் காவியத்தில் துரியோதனனின் நெருங்கிய நண்பரும், தான வீரருமான கர்ணனின் கதையை மையமாக வைத்து இந்த பிரம்மாண்டம் உருவாகவிருக்கிறது. தமிழ் சினிமாவிற்கே வலுசேர்க்கும் விதமான, இரண்டு பாகங்களாக இப்படம் திட்டமிடப்பட்டுள்ளது.

எப்போ படப்பிடிப்பு ஆரம்பிக்கும் தெரியுமா?

இந்த வருடத்திலேயே படப்பிடிப்பு தீவிரமாகத் துவங்கும் என படக்குழு தெரிவித்துள்ளது.

2001இல் சூர்யா, நந்தா என்கிற அதிரடி ஆக்‌ஷன் படத்தின் மூலம் அறிமுகமாகி தொடர்ந்து 'காக்க காக்க', 'பிதாமகன்', 'கஜினி', 'ஆய்த எழுத்து', 'வாரணம் ஆயிரம்' போன்ற பல்வேறு சூப்பர்ஹிட் படங்களைக் கொடுத்துள்ளார். குறிப்பாக, பாலா இயக்கத்தில் 'பிதாமகன்', ஹரி இயக்கத்தில் 'ஆறு', 'வேல்', 'சிங்கம்' தொடர், கே.வி.ஆனந்த் இயக்கத்தில் 'அயன்', ஏ. ஆர். முருகதாஸ் இயக்கத்தில் 'ஏழாம் அறிவு' போன்ற படங்களில் கலக்கினார்.

தற்போது இயக்குநர் சிறுத்தை சிவாவுடன் 'கங்குவா' என்கிற புதிய படத்தில் நடித்து வருகிறார். அதிரடி ஆக்‌ஷன் கதாபாத்திரங்களில் கச்சிதமாகப் பொருந்தும் ஆளுமை கொண்ட நடிகரான சூர்யா 'கர்ணா'வாக அவதரிக்கும் நாளை எதிர்பார்த்து ஏங்கிக் கொண்டிருக்கின்றனர் ரசிகர்கள்.

ஆஹா... ஒரு மெகா அறிமுகமா?

ஒரு இந்தி இயக்குநர்+மாபெரும் வரலாற்றுக் காவியம்+ பாலிவுட் நாயகி என்று கூறும்பொழுதே எதிர்பார்ப்புகள் தானாகவே எகிற ஆரம்பித்துள்ளன. அப்படி இருக்கையில் இணையும் ஜான்வி கபூர், ரசிகர்களை நல்லா கவருவாரா? என்ற சிந்தனை பலருக்கும் உள்ளது. நடிப்பு குறித்து பலவிதமான விமர்சனங்கள் அவர் மீது எழுந்தாலும், கிளாமர் விஷயத்தைப் பொறுத்தவரை தன் அம்மா ஸ்ரீதேவியின் வாரிசு என்பதை இவர் நிரூபித்து வருகிறார். ஜான்வி கபூர் தமிழ் சினிமா உலகிற்கு அறிமுகமாவது 'கர்ணா' மூலமாக என்பது அவரது ரசிகர்களுக்கு டபுள் டமாக்கா காம்போவைப் போல உள்ளது.

பாலிவுட் தயாரிப்பு நிறுவனம் ஒன்று ம்ம்ம்ம்.. ராகேஷ் ஓம் பிரகாஷ் மெஹ்ரா என்கிற மிகப்பெரிய இயக்குநர் .. நம்ப சூர்யா னு ஒவ்வொரு அப்டேட்டையும் விசிறி அடிப்பதைப் போல ‘கர்ணா’ குறித்த வரும் தகவல்கள் வியப்பில் ஆழ்த்துகின்றன. சூர்யா ரசிகர்களுக்கு தீபாவளி தான் வருமோ என்னமோ!

இது தவிர, விக்ரம் நடிப்பில் மாவீரன் கர்ணா எனும் படமும் பேசப்பட்டு வருவதாக தகவல் வெளியாகியுள்ளது. ஆனால் ஒரே மாதிரியான இரண்டு கதைகளில் தமிழ் சினிமாவின் முன்னணி நடிகர்களில் ஒருவரான விக்ரம் ஏற்று நடிப்பாரா என்பது சந்தேகமே!