சூர்யா 42 அறிவிப்பு வந்துடிச்சி! இத இததான எதிர்பார்த்தோம்..!
சூர்யா 42 படத்தின் தலைப்பு எப்போது வெளியாகும் நாள் மற்றும் நேரம் தற்போது அறிவிக்கப்பட்டுள்ளது. படத் தயாரிப்பு நிறுவனமான ஸ்டூடியோ கிரீன் சார்பில் இந்த அறிவிப்பு வெளியிடப்பட்டுள்ளது.
தமிழ் சினிமாவின் உச்ச நட்சத்திரங்களான கமல்ஹாசன், ரஜினிகாந்த் இருவருக்கும் பிறகு விஜய், அஜித், சூர்யா எனும் மூன்று பேரும் மிகப் பெரிய பிஸினஸ்ஸை கையில் வைத்திருக்கும் நடிகர்களாக இருக்கின்றனர். அவ்வப்போது சூர்யா விஜய், அஜித் இருவரையும் ஓவர்டேக் செய்வதும், பின்தங்குவதுமாக இருந்து வருகிறார். அஜித் கூட இந்த ரேஸில் பெரிய அளவில் கவனம் செலுத்தாமல் இருப்பார் ஆனால் சூர்யாவும், விஜய்யும் போட்டி போட்டுக் கொண்டிருக்கின்றனர்.
சில ஆண்டுகளுக்குப் பிறகு மீண்டும் வெற்றிப் பாதைக்கு திரும்பியிருக்கிறார் சூர்யா. இப்போது சூரரைப் போற்று, ஜெய்பீம் என இரண்டு தொடர் வெற்றிகளைக் கொடுத்து அடுத்ததாக சூர்யா 42 படத்துக்காக காத்திருக்கிறார்.
சுதா கொங்கரா இயக்கத்தில் சூர்யா நடித்த சூரரைப் போற்று படம் மிகப் பெரிய அளவில் வரவேற்பை பெற்றது. சிறந்த நடிகருக்கான தேசிய விருதை அந்த படம் பெற்றுத் தந்தது. இதனைத் தொடர்ந்து அவர் நடிப்பில் த செ ஞானவேல் இயக்கிய ஜெய்பீம் படமும் நல்ல விமர்சனங்களைப் பெற்றது.
சமீபத்தில் கமல்ஹாசன் நடிப்பில் லோகேஷ் கனகராஜ் இயக்கிய விக்ரம் படத்தில் கிளைமேக்ஸ் காட்சியில் தலையைக் காட்டினார் சூர்யா. அப்போதி்லிருந்து அவர் ரோலெக்ஸாக மிளிர்ந்து வருகிறார். ஐந்து நிமிடங்கள் வந்தாலும் மக்கள் மனதில் மிகப் பெரிய தாக்கத்தை ஏற்படுத்தியிருப்பார். அதே கதாபாத்திரத்தைக் கொண்டு விக்ரம் பார்ட் 2 வரும் எனவும் தகவல் வெளியாகியுள்ள நிலையில், தற்போது அவர் சிறுத்தை சிவா இயக்கத்தில் நடித்து வரும் படத்துக்கு மிகப் பெரிய வியாபாரம் ஏற்பட்டுள்ளது.
இதுவரை சூர்யாவின் சினிமா வரலாற்றிலேயே இல்லாத அளவுக்கு மிகப் பெரிய பொருட்செலவில் உருவாகி வரும் இந்த படம் 10 மொழிகளில் வெளியிடப்படவிருக்கிறதாம். இதனால் டிஜிட்டல் ரைட்ஸும் மிகப் பெரிய தொகைக்கு விலை போயிருக்கிறது. அமேசான் ப்ரைம் வீடியோஸ் நிறுவனம் இதனை மிகப் பெரிய தொகைக்கு வாங்கியிருக்கிறது.
சூர்யா 42 படத்தை இயக்கி வருபவர் நம்ம சிறுத்தை சிவா. வீரம், வேதாளம், விவேகம், விஸ்வாசம் உள்ளிட்ட படங்களை இயக்கிய சிவா இப்போது வரலாற்று காவியத்தை மிகப் பெரிய பொருட்செலவில் இயக்கி வருகிறார்.
ஏப்ரல் 16ம் தேதி காலை 9.05 மணிக்கு சூர்யா 42 படத்தின் டைட்டில் வெளியாகும் என்று அறிவிப்பு வெளியிடப்பட்டுள்ளது. இதனை சூர்யா ரசிகர்கள் உட்பட பல தமிழ் சினிமா ரசிகர்களும் எதிர்பார்த்து காத்திருக்கின்றனர். தேவி ஸ்ரீ பிரசாத் இந்த படத்துக்கு இசையமைக்கிறார். சிங்கம் படத்துக்கு பிறகு சூர்யா படத்துக்கு வெகு நாட்களுக்கு பிறகு இசையமைத்து வருகிறார் டிஎஸ்பி.
