தென்னிந்திய திரையுலகம்: அம்மாடியோவ்.... இந்த மாதத்தில் மட்டும் 23 படம் ரிலீஸ்

South indian movies releasing in february 2023-பிப்ரவரி மாதம் குறுகிய நாட்கள் இருக்கலாம். ஆனால் இந்த மாதத்தில் மட்டும் தென்னிந்திய திரைப்பட உலகில் 23 படங்கள் வெளியாக உள்ளது. இதில் சமந்தா நடிக்கும் சாகுந்தலம், தனுஷ் நடிக்கும் வாத்தி உள்ளிட்ட சில படங்கள் மிகப்பெரிய எதிர்பார்ப்புடன் தியேட்டர்களில் களமிறங்க உள்ளது. இவற்றில் சில படங்களின் ரிலீஸ் தேதி மற்றும் படத்தின் முக்கிய நடிகர்கள் குறித்து இந்த செய்தியில் பார்க்கலாம்.

சாகுந்தலம்:

நடிகை சமந்தா நடித்துள்ள சாகுந்தலம் படம் இந்த மாதத்தின் மிகப்பெரிய ரிலீஸ்களில் ஒன்றாகும். காளிதாசாவின் பிரபலமான இந்திய நாடகமான சகுந்தலாவை அடிப்படையாகக் கொண்டு இந்த படம் உருவாக்கப்பட்டுள்ளது. மேலும், மிகவும் எதிர்பார்க்கப்பட்ட பான் இந்தியா திரைப்படமான இந்த படத்தில், மலையாள நடிகர் தேவ் மோகன் துஷ்யந்தாவாகவும், அதிதி பாலன், அனன்யா நாகல்லா, மோகன் பாபு மற்றும் கௌதமி ஆகியோர் துணை வேடங்களில் நடித்துள்ளனர். அல்லு அர்ஜுனின் மகள் அர்ஹா இந்த படத்தின் மூலம் அறிமுக குழந்தை நட்சத்திரமாக அறிமுகமாகிறார். குணா டீம்வொர்க்ஸுடன் இணைந்து ஸ்ரீ வெங்கடேஸ்வரா கிரியேஷன்ஸின் கீழ் தில் ராஜு வழங்கும், நீலிமா குணா தயாரித்துள்ள சாகுந்தலம் பிப்ரவரி 17 அன்று தியேட்டர்களில் வெளியாகிறது.

மைக்கேல்:

ரஞ்சித் ஜெயக்கொடி இயக்கிய மைக்கேல் படத்தில் விஜய் சேதுபதி, சந்தீப் கிஷன், வரலட்சுமி சரத்குமார், கௌதம் வாசுதேவ் மேனன் ஆகியோர் முக்கிய வேடங்களில் நடித்துள்ளனர். மைக்கேல் பட டிரெய்லர் வழக்கமான கேங்க்ஸ்டர் கார்கள், சிவப்பு-தீம் பின்னணிகள் மற்றும் ரெட்ரோ ஆடைகளைக் காட்டுவதன் மூலம் ஒரு பழங்கால உணர்வைக் கொண்டுள்ளது. மைக்கேல் படம் பிப்ரவரி 3ஆம் தேதி உலகம் முழுவதும் வெளியாக உள்ளது.

அமிகோஸ்:

நந்தமுரி கல்யாண் ராமின் ஆக்‌ஷன் படமான அமிகோஸ் கொல்கத்தாவை சேர்ந்த மைக்கேல் என்ற நபரின் கதையை அடிப்படையாக கொண்டு உருவாக்கப்பட்டது. தெலுங்கு ரசிகர்களின் பெரும் எதிர்பார்ப்புடன் பிப்ரவரி 10 ம் தேதி தியேட்டர்களில் இந்த படம் வெளியாக உள்ளது. இந்தப் படத்தின் மூலம் கன்னட நடிகை ஆஷிகா ரங்கநாத் தெலுங்கில் அறிமுகமாகிறார். அமிகோஸ் ராஜேந்திர ரெட்டி எழுதி இயக்குகிறார் மற்றும் மைத்ரி மூவி மேக்கர்ஸ் தயாரித்துள்ளது.

வாத்தி:

நடிகர் தனுஷின் தெலுங்கு-தமிழ் இருமொழிப் படமான 'எஸ்ஐஆர்' (தெலுங்கு)'/'வாத்தி' (தமிழ்) பிப்ரவரி 17ஆம் தேதி வெளியாகிறது. படத்தில் தனுஷ் ஜூனியர் லெக்சரராகவும், சம்யுக்தா மேனன் கதாநாயகியாகவும் நடித்துள்ளனர். வெங்கி அட்லூரி இயக்கியிருக்கும் இந்தப் படத்தை சித்தாரா எண்டர்டெயின்மெண்ட்ஸ் தயாரித்துள்ளது.

ரன் பேபி ரன்:

மலையாள இயக்குனர் ஜியென் கிருஷ்ணகுமார் இயக்கத்தில், ரன் பேபி ரன் பிப்ரவரி 3 அன்று வெளியாகிறது. முதன்முறையாக, ஆர்.ஜே. பாலாஜி ஒரு திரில்லர் படத்தில் நடிக்கிறார். இதில் ஐஸ்வர்யா ராஜேஷ் கதாநாயகியாக நடிக்கிறார்.

சுவர்ண சுந்தரி :

பழம்பெரும் நடிகை ஜெய் பிரதா, அகானா நட்சத்திரம் பூர்ணா மற்றும் தெலுங்கு நடிகை சாக்ஷி சவுத்ரி நடித்துள்ள சுவர்ண சுந்தரி பிப்ரவரி 3-ஆம் தேதி வெளியாக உள்ளது. சூப்பர்நேச்சுரல் த்ரில்லர், சுரேந்திர மதரபு இப்படத்தை இயக்கியுள்ளார்.

வினரோ பாக்யமு விஷ்ணு கதா:

கிரண் அப்பாவரத்தின் ரொமாண்டிக் ஆக்‌ஷன் என்டர்டெய்னர் நிறுவனத்தின் வினரோ பாக்யமு விஷ்ணு கதா படம் பிப்ரவரி 17 ம் தேதி தியேட்டர்களில் வெளியாகிறது. காஷ்மீரா கதாநாயகியாக நடிக்கிறார் மற்றும் முரளி ஷர்மா ஒரு துணை வேடத்தில் நடிக்கிறார். இது இரண்டு நபர்கள் தங்கள் வாழ்க்கை பாதைகளைக் கடப்பது மற்றும் அவர்கள் ஒருவருக்கொருவர் வாழ்க்கையின் ஒருங்கிணைந்த பகுதியாக மாறும்போது ஏற்படும் விஷயங்கள் மற்றும் எதிர்பாராத திருப்பங்கள் பற்றிய கதை என படக்குழு தெரிவித்துள்ளது.

புட்ட பொம்மா:

சந்திரசேகர் டி. ரமேஸ் இயக்கத்தில், அனிகா சுரேந்திரன், அர்ஜுன் தாஸ், சூர்யா வசிஷ்டா, நவ்யா சுவாமி ஆகியோர் முக்கிய வேடங்களில் நடித்துள்ள படம் புட்ட பொம்மா. இது இளமைப் பருவம் மற்றும் காதல் பற்றிய கசப்பான கதையை அடிப்படையாக கொண்டு தயாரிக்கப்பட்டடுள்ளது.