கமல்ஹாசனுடன் இணையும் சிம்பு! இயக்குநர் இவரா?
சிம்பு நடிக்கும் அடுத்த படத்தின் இயக்குநர் யார் என்பது ஒருபுறம் பரவலாக பேசப்பட்டு வரும்போது சிம்பு கமல்ஹாசன் படத்தில் இணைகிறார் என்கிற தகவல் வந்துள்ளது. இதனால் சிம்பு ரசிகர்களும் கமல்ஹாசன் ரசிகர்களும் மகிழ்ச்சியடைந்துள்ளனர்.
கடந்த ஆண்டு சிம்பு தனது இரண்டாவது இன்னிங்க்ஸை துவங்கினார். முதல் வெற்றியாக மாநாடு படத்தையும் இரண்டாவது வெற்றியாக வெந்து தணிந்தது காடு திரைப்படத்தையும் எடுத்து கொடுத்துவிட்டு அடுத்து பத்து தல படத்தையும் முடித்துவிட்டு இப்போது அதை ரிலீஸ் செய்ய உதவி செய்து வருகிறார்.
சிம்பு கேங்க்ஸ்டராக நடித்துள்ள பத்து தல படத்துக்கு ரசிகர்கள் ஆர்வமாக காத்திருக்கிறார்கள்.. மேலும் சிம்பு யார் யார் இயக்கத்தில் அடுத்தடுத்து நடிக்கப் போகிறார் என பட்டியலை எடுத்து பார்த்தார் ஒரு நிமிசம் தலையே சுற்றுகிறது.
கௌதம் மேனனுன் வெந்து தணிந்தது காடு 2, விண்ணைத் தாண்டி வருவாயா 2, சுதா கொங்கராவுடன் ஒரு படம், ஏ ஆர் முருகதாஸுடன் ஒரு படம், மிஷ்கின் இயக்கத்தில் ஒரு படம் என பலரும் சிம்புவுக்கு கதை சொல்லி காத்திருக்கின்றனர். ஒன்லைன் படமாக மாறுமா அதில் சிம்பு நடிப்பாரா இல்லை வேறு நடிகர்களுக்கு கைமாறுமா என சிம்பு ரசிகர்கள் காத்துக்கொண்டிருக்க, லெஃப்டில் கை காட்டி யூடர்ன் போட்டு முதல் ஆளாக வந்து நிற்கிறார் நம்ம தேசிங்கு பெரியசாமி.
கண்ணும் கண்ணும் கொள்ளையடித்தால் படத்தை இயக்கி தமிழ் சினிமாவின் சிறந்த அறிமுக இயக்குநர்களில் ஒருவராக தடம் பதித்த இவர், ரஜினிகாந்த் அவர்களின் ரசிகர். அவருக்கும் ஒரு கதை தயார் செய்து அவருக்கு சொல்லி படமாக்கும் முயற்சியில் இருந்தார். அந்த கதை அப்படியே இருக்கிறது. இப்போது இன்னொரு கதையை சிம்புவுக்காக தயார் செய்திருக்கிறாராம்.
இந்த படத்தில் கமல்ஹாசனின் பங்கு இருப்பதாக முதலில் தகவல் வெளியான போது இதில் கேமியோ எதுவும் செய்கிறாரா என்று விசாரித்தால், அந்த படத்தின் தயாரிப்பாளரே கமல்ஹாசன்தான் என்கிறார்கள். RKFI தயாரிப்பில் சிம்பு நடிக்கும் படத்தை கண்ணும் கண்ணும் கொள்ளையடித்தால் இயக்குநர் தேசிங்கு பெரியசாமி இயக்குகிறார்.
சிம்பு, கமல், தேசிங்கு இணையும் இந்த படத்துக்கு இசையமைக்க அனிருத் ஒப்பந்தம் செய்யப்பட இருப்பதாகவும் கூறப்பட்டு வருகிறது.
கமல்ஹாசனின் ராஜ்கமல் பிலிம்ஸ் இண்டர்நேஷனல் பட நிறுவனம் வரிசையாக படங்களைத் தயாரிக்க திட்டமிட்டுள்ளது. சிவகார்த்திகேயன், சிம்பு, கவின் என அடுத்தடுத்து வளர்ந்த, வளர்ந்து வரும், புதுமுக நடிகர்கள் என பாரபட்சம் பார்க்காமல் இணைந்து பணிபுரிந்து வருகின்றனர்.
