சரிபோதா சனிவாரம் இரண்டு நாள் பாக்ஸ் ஆபிஸ் கலெக்ஷன்!
சரிபோதா சனிவாரம் இரண்டு நாள் பாக்ஸ் ஆபிஸ் கலெக்ஷன்! | Saripodhaa Sanivaaram Box Office Collection
நடிகர் நானி மற்றும் இயக்குனர் விவேக் ஆத்ரேயா கூட்டணி முதல் முறை இணைந்த 'அடடே சுந்தரா' திரைப்படம் எதிர்பார்த்த வெற்றியை தரவில்லை. ஆனால், இந்தக் கூட்டணி இரண்டாவது முறையாக இணைந்து வெளியிட்டுள்ள 'சரிபோதா சனிவாரம்' திரைப்படம் ரசிகர்களிடம் நல்ல வரவேற்பைப் பெற்று வருகிறது.
ஆகஸ்ட் 29 அன்று வெளியான இந்தப் படம் ஒரு புதுமையான கதைக்களத்துடன் உருவாக்கப்பட்டுள்ளது. நானிக்கு ஜோடியாக பிரியங்கா மோகன் நடிக்க, வில்லனாக எஸ்.ஜே. சூர்யா மிரட்டியிருக்கிறார். ஜேக்ஸ் பிஜாய் இசையில் பாடல்கள் அனைத்தும் ரசிகர்களைக் கவர்ந்துள்ளன.
சுமார் 90 கோடி ரூபாய் செலவில் தயாரிக்கப்பட்ட இந்தப் படம் முதல் நாளிலேயே உலகம் முழுவதும் 24.11 கோடி வசூலித்து சாதனை படைத்தது. இரண்டு நாட்கள் முடிவில், படம் உலகளவில் 40 கோடி வசூல் செய்துள்ளதாக தகவல்கள் தெரிவிக்கின்றன.
இந்த வெற்றி நானிக்கு மீண்டும் ஒரு வெற்றிப் புன்னகையைத் தரும் என்பதில் சந்தேகமில்லை. முதல் படத்தின் தோல்வியை மறந்து, இந்தப் படத்தின் வெற்றி நானி-விவேக் கூட்டணிக்கு ஒரு மிகப்பெரிய திருப்புமுனையாக அமையும் என எதிர்பார்க்கப்படுகிறது.
