நடிகர் தனுஷ் நடிப்பில் உருவாகும் பீரியட் படம்..!
நடிகர் தனுஷ்.
Dhanush Latest Movie-தமிழ்த் திரையுலகின் உச்ச நட்சத்திரங்கள் முன்னணி நாயகர்கள் பிரபல இயக்குநர்கள் என திறமை வாய்ந்த ஆளுமைகளின் உருவாக்கத்தில் பல வெற்றிப் படங்களை தயாரித்த தயாரிப்பு நிறுவனம்தான் தயாரிப்பாளர் டி.ஜி.தியாகராஜனின் சத்யஜோதி பிலிம்ஸ்.
இந்நிறுவனம் தற்போது, இயக்குநர் அருண் மாதேஸ்வரன் இயக்கத்தில், நடிகர் தனுஷ் நடிக்கும் 'கேப்டன் மில்லர்' என்கிற புதிய பீரியட் திரைப்படத்தை உருவாக்கத் திட்டமிட்டுள்ளது. இப்படம் 1930-40களின் பின்னணியில் எடுக்கப்படவுள்ள பிரமாண்ட பீரியட் படமாகும். தமிழ், தெலுங்கு, இந்தி ஆகிய மொழிகளில் ஒரே நேரத்தில் இந்தப் படம் வெளியாகவுள்ளதாக தயாரிப்பு நிறுவனம் அறிவித்துள்ளது.
இந்தநிலையில், இப்படம் குறித்து பேசிய தயாரிப்பாளர் டி.ஜி.தியாகராஜன், "எங்களின் மதிப்புமிக்க திரைப்படமான 'கேப்டன் மில்லர்' படத்தை அறிவிப்பதில் நான் பெரிதும் மகிழ்ச்சியடைகிறேன். எங்கள் தயாரிப்பு நிறுவனத்தில், பிரமாண்டமான அளவில் உருவாகும் நம்பிக்கைக்குரிய திரைப்படங்களில் ஒன்றாக இந்தப் படம் இருக்கும்.
நடிகர் தனுஷுடன் பணிபுரிவது எப்போதும் மிகுந்த மகிழ்ச்சியைத் தரும். ஏனெனில், எங்களின் கூட்டணியில் வெளியான முந்தைய திரைப்படங்களின் வெற்றியே அதற்கு மறுக்க முடியாத சாட்சி. இயக்குநர் அருண் மாதேஸ்வரன் எனக்கும், தனுஷுக்கும் ஸ்கிரிப்டை விவரித்தபோது, நாங்கள் இருவரும் உற்சாகமானோம். அப்போதே, பெரிய அளவில் இப்படத்தை உருவாக்க விரும்பினோம்.
இந்தப் படம் சிறந்த முறையில் வடிவமைக்கப்படுவதை உறுதி செய்ய, ஒரு குழு ஒரு வருடமாக, முன் தயாரிப்பு பணிகளிலும், ஆய்வுப் பணிகளிலும் ஈடுபட்டது. இசையமைப்பாளர் ஜி.வி.பிரகாஷின் தனித்துவமான இசை இந்தப் படத்தின் தரத்தை மேலும் உயர்த்தும். இந்தப் படத்தில் நடிக்கும் ஒவ்வொரு நடிகரும், தொழில்நுட்பக் கலைஞர்களும் ஏற்கெனவே திரைப்படத் துறையில் தங்களுக்கென சிறப்பான ஓர் இடத்தைப் பெற்றிருக்கிறார்கள். அவர்களின் பங்களிப்பு 'கேப்டன் மில்லரை' பெரிய அளவில் கொண்டு செல்லும். உண்மையில், இந்தப் படத்தின் நடிகர்கள் மற்றும் தொழில்நுட்பக் கலைஞர்கள் அந்தந்த துறையினுள் சாதனை புரிந்த, சிறந்த திறமைகளின் அடிப்படையில் இறுதி செய்யப்பட்டுள்ளனர். இதில் நடிக்கும் நடிகர்கள் குறித்த அதிகாரபூர்வ அறிவிப்பு விரைவில் வெளியாகும்.
இந்தத் திரைப்படம் தமிழ் சினிமாவில் புதியதாகவும் கவர்ச்சிகரமான படைப்பாகவும் இருக்கும். எங்களது சத்ய ஜோதி பிலிம்ஸ் நிறுவனம் இந்தப் படத்தைப் பார்வையாளர்களுக்கு ஓர் அற்புதமான சினிமா அனுபவமாக வழங்குவதற்கான அனைத்து முயற்சிகளையும் மேற்கொள்ளும்" என்றார் உறுதியுடன்.
அடுத்த முக்கியமான செய்திகளை தெரிந்துகொள்ள: Click Here-1, Click Here-2
