மஞ்சுமெல் பாய்ஸில் பிரபல நடிகரின் மகன்,மருமகன்...! வாவ் இது என்ன புது நியூஸூ?

தமிழ் சினிமாவில் வாரம் 10 படங்கள் ரிலீஸ் ஆகினாலும் திரையரங்குகள் காத்து வாங்கிக் கொண்டிருந்த சமயத்தில், திடீரென ஒரு மலையாளப்படம் கமல்ஹாசனின் குணா குகையை அடிப்படையாக வைத்து, வெளியாகியது. முதலில் கேரளத்தில் திரையிடப்பட்ட இந்த திரைப்படம், தமிழகத்தின் கேரளக் கரையோர திரையரங்குகளிலே கூட 1 ஷோ என்ற அளவில் திரையிடப்பட்டிருந்தது.

முதல்நாள் படத்தைப் பார்த்துவிட்டு கொஞ்சம் நல்லா இருக்கிறது என்று பேச ஆரம்பித்ததுதான் உண்டு. அடுத்தடுத்து பல திரையரங்குகளில் படத்தை திரையிட ஆரம்பித்தனர். காரணம் இந்த படத்தைப் பற்றிய பேச்சு அடுத்தடுத்து வாரத்தில் மிகப் பெரிய அளவில் மேலோங்கியது.

மஞ்சுமெல் பாய்ஸ் படம் சமீபத்தில் வெளியாகி மலையாளம் மட்டுமல்லாமல் தமிழ், தெலுங்கு, கன்னட ரசிகர்களையும் கவர்ந்துள்ளது. சிதம்பரம் இயக்கிய இந்த படத்தில் நடித்திருப்பவர்கள் யார் யார் என்று தெரிந்தால் உங்களுக்கு ஆச்சரியமாக இருக்கும்.

படத்தில் இரண்டு சகோதரர்கள் நடித்திருக்கிறார்கள். யார் யார் என்று பார்க்கலாமா?

சிஜு: இயக்குநர் சிதம்பரத்தின் சகோதரர் கணேஷ் தான் சிஜு கதாபாத்திரத்தில் நடித்திருக்கிறார். இவர் படத்தின் காஸ்டிங் டைரக்டர். குணா குகை பயணத்தின்போது, அதிக அக்கறை கொண்டவராகவும், பெருமைகள் பேசாமல் பக்குவமாக நட்பை மதிப்பவராகவும் காட்டப்படும் சிஜுவின் நடிப்பு ரசிக்கும்படியாகவே உள்ளது.

அர்ஜுன்: படத்தின் ஒளிப்பதிவாளர் ஷைஜு காலித் தான் அர்ஜுன் கதாபாத்திரத்தில் நடித்திருக்கிறார். இவர் நடிகர் காலித் ரஹ்மானின் சகோதரர். பொறுப்பில்லாத கேரக்டராக, அதேநேரம் நண்பர்கள் மீது உண்மையான அன்பும் வைத்திருக்கும் அர்ஜுன் பாத்திரத்தில் ஷைஜு காலித் நன்றாகவே பொருந்துகிறார்.

இது மட்டுமல்லாமல்,

சிக்சன்: பிரபல நடிகர் லாலின் மருமகன். குறும்புக்காரனாக, சக நண்பர்களை கலாய்த்துக்கொண்டே இருக்கும் சிக்சன் பாத்திரம் சுவாரஸ்யமாக உள்ளது.

ஜீன் லால்: நடிகர் லாலின் மகன் - ஜீன் லால் ஒரு வெற்றிகரமான இயக்குநர். இதுவரை பெரிதாக தாடியை வளர்த்ததில்லை என்ற செய்திகளும் உள்ளன. மஞ்சுமெல் பாய்ஸுக்காக தாடியை எடுத்தது படத்தின் கதைக்கு கச்சிதமாக அமைந்திருக்கிறது.

அபிலாஷ்: பிரபல மலையாள நடிகரான சலீம்குமாரின் மகன் சந்து. நட்பு வட்டத்திலேயே அடக்கமானவராக, பெரிய ஆர்வங்கள் இல்லாமல் வாழும் அபிலாஷ் பாத்திரம் பரிதாபத்தையும் நகைச்சுவையையும் ரசிகர்கள் மனதில் விதைக்கிறது.

இப்படி பல பிரபலங்களின் உறவினர்கள் இந்த படத்தில் நடித்திருக்கிறார்கள். இந்த திரைப்படம் வந்த பிறகு பிரபலமான கொடைக்கானலின் குணாக் குகை பற்றி இன்னும் தெரிந்துகொள்ளலாமா?

குணா படத்துடனான தொடர்பு:

மலையாள இளைஞர்கள் குழுவின் சுற்றுலா, உலக நாயகன் கமல்ஹாசனின் 'குணா' படத்தின் ஷூட்டிங் நடந்த குணா குகையை நோக்கி பயணிப்பதுதான் மஞ்சுமெல் பாய்ஸ் படத்தின் அடிநாதம். கொடைக்கானலின் அழகை, அந்தக் குகையின் தனிமையை, அங்கு உலவும் மர்மங்களை இரண்டு படங்களும் வெவ்வேறு விதமாகக் காட்டுகின்றன. குறிப்பாக குணா படத்தில் வரும் குகையின் ரிஸ்க்கான காட்சிகள், குணசேகரன் (கமல்ஹாசன்) கதாபாத்திரத்தின் மனநிலையை பிரதிபலிக்கும் விதம் ஆகியவை பலரது நினைவில் நிற்கும்.

மஞ்சுமெல் பாய்ஸ் படத்தை பார்த்த பலர் குணா படத்தை மீண்டும் ரிலீஸ் செய்யுமாறு கோரிக்கை விடுத்துள்ளனர். குணா படத்தைப் பார்த்து பல வருடங்கள் ஆன நிலையில் மீண்டும் ஒருமுறை அந்தப் படத்தை ரசிக்க வேண்டும் என்ற ஆவலை இந்த மஞ்சுமெல் பாய்ஸ் திரைப்படம் தூண்டியிருக்கிறது.