ஹாலிவுட் தரத்தில் கங்குவா! இசையில் மிரட்ட காத்திருக்கும் தேவி ஸ்ரீ பிரசாத்...!
சிறுத்தை சிவா இயக்கத்தில் சூர்யா நடித்துள்ள கங்குவா படத்தின் டீசர் தற்போது இணையத்தில் வெளியாகி நல்ல வரவேற்பை பெற்று வருகின்றது.
தமிழ் சினிமாவின் முன்னணி நடிகர்களில் ஒருவரான சூர்யா, தற்போது நடித்து முடித்துள்ள படம் கங்குவா. இந்த படத்தின் படப்பிடிப்பு நிறைவடைந்துள்ள நிலையில், டப்பிங் மற்றும் போஸ்ட் புரடொக்ஷன் பணிகள் நடைபெற்று வருகின்றன. இந்நிலையில், தற்போது கங்குவா படத்தின் டீசர் வெளியாகியுள்ளது.
கங்குவா டீசர் | kanguva teaser
சூர்யா, திஷா பதானி, பாபி தியோல் இணைந்து நடித்துள்ள கங்குவா திரைப்படத்தின் டீசர் தற்போது வெளியாகியுள்ளது. இன்றைய தினம் வெளியாகும் என்று அறிவிக்கப்பட்டிருந்த நிலையில், தற்போது இந்த வீடியோ வெளியாகி இணையத்தில் டிரெண்டிங் ஆகி வருகிறது.
தேவி ஸ்ரீ பிரசாத் | Kanguva Music Director
தமிழில் இனிது இனிது காதல் இனிது படத்தில் இவரது இசையில் பாடல்கள் இடம்பெற்றிருந்தாலும், நேரடியாக இவர் இசையமைத்தது விஜய்யின் சச்சின் படத்தில்தான். இந்த படத்தின் பாடல்கள் அனைத்துமே சூப்பர் ஹிட் ஆன நிலையில், அடுத்து ஆறு படத்தில் வாய்ப்பு கிடைத்தது. அடுத்து ஜெயம் ரவியின் உனக்கும் எனக்கும், சந்தோஷ் சுப்ரமணியம், விஜய்யுடன் வில்லு, விக்ரமுடன் கந்தசாமி, தனுஷுடன் குட்டி, வேங்கை, சூர்யாவுடன் மீண்டும் சிங்கம், சிங்கம் 2, கமல்ஹாசனுடன் மன்மதன் அம்பு, கார்த்தியுடன் அலெக்ஸ் பாண்டியன் என பாடல்கள் அனைத்தும் பட்டிதொட்டியெல்லாம் ஒலிக்க, அஜித் படத்துக்கு இசையமைக்கும் வாய்ப்பு கிடைத்தது.
வீரம் படத்தில் தேவி ஸ்ரீ பிரசாத் இசையமைத்திருந்த நிலையில், அடுத்து தெலுங்கு பக்கமாக ஒதுங்க வேண்டிய சூழல் ஏற்பட்டுவிட்டது. இந்த காலக்கட்டத்தில் புலி, சாமி 2 மட்டுமே இவரது தமிழ் படமாக இருந்தது.
புஷ்பா
இந்நிலையில்தான் புஷ்பா திரைப்படம் வெளியாகி பட்டிதொட்டியெல்லாம் ஊ சொல்றியா ஊஊ சொல்றியா பாடல் ஒலிக்க, தமிழில் அடுத்தடுத்து படங்களில் புக் ஆனார் தேவி. தற்போது விஷால் நடிக்கும் ரத்னம், சூர்யா நடிக்கும் கங்குவா, அஜித் நடிக்கும் குட் பேட் அக்லி ஆகிய படங்களில் இசையமைக்கிறார்.
அடுத்து நடிகர் விஜய் நடிக்கும் தளபதி 69 படத்துக்கும் இவர்தான் இசையமைக்க இருப்பதாக கூறப்படுகிறது. இப்படி ஒரே நேரத்தில் விஜய், அஜித், சூர்யா என மூன்று நடிகர்களின் படங்களும் வரிசையாக இவரது இசையில் வெளியாக இருக்கிறது.
தமிழில் இதுமாதிரியான ஒரு படம் உருவாவது இதுதான் முதல் முறை என்றே தெரிகிறது. இந்த படத்துக்கு பிறகு சூர்யா உலக அளவில் பிரபலமான நடிகராக கொண்டாடப்படுவார் என்று கூறப்படுகிறது. உலகம் முழுக்க நிறைய மொழிகளில் இந்த படத்தை உருவாக்க திட்டமிட்டுள்ளது படக்குழு. அநேகமாக இந்தியாவிலேயே ஆங்கிலம் உட்பட 10 மொழிகளில் இந்த படம் வெளியிடப்படும் என்றும் கூறப்படுகிறது.
கமல்ஹாசன் நடிப்பில் வெளியான விக்ரம் படத்தில் சூர்யா ரோலெக்ஸ் கதாபாத்திரத்தில் வந்து வெறித்தனமான ஆட்டத்தை காண்பித்திருப்பார். இதனால் ரசிகர்கள் அவரைக் கொண்டாடுகின்றனர். இப்போது கங்குவா படத்தில் அதற்கும் ஒரு படி மேலே செல்வார் என்று கூறப்படுகிறது.
தயாரிப்பாளர் ஞானவேல் | Kanguva producer
கங்குவா தயாரிப்பாளர் ஞானவேல் ராஜா, சூர்யாவின் நெருங்கிய நண்பர் என்பதால் மட்டுமின்றி இந்த படத்துக்கு தேவையான அனைத்து பண உதவிகளையும் கேட்ட நேரத்தில் செய்து கொடுத்துள்ளார். தயாரிப்பு தரப்பிலிருந்து கொடுக்கப்பட்ட ஒத்துழைப்பே படம் இத்தனை சிறப்பாக வந்ததற்கு காரணம் என்கிறார்கள்.
மிரள வைக்கும் ஹீரோயின் | Disha Patani in Kanguva
சூர்யாவுடன் திஷா பதானி, பாபி தியோல் ஆகியோரும் முக்கிய கதாபாத்திரத்தில் நடித்துள்ளனர். சூர்யா மொத்தம் 10 விதமான கெட்டப்களில் இந்த படத்தில் நடித்திருப்பதாகவும் தகவல் வெளியாகியுள்ளது. படத்தின் போஸ்டர்கள் ரசிகர்கள் மத்தியில் நல்ல எதிர்பார்ப்பை ஏற்படுத்தியுள்ளது. தற்போது டீசர் வெளியாகி எதிர்பார்ப்பை கூட்டியுள்ளது.
வரும் ஆகஸ்ட் மாதம் இந்த படத்தை ரிலீஸ் செய்ய ஏற்பாடுகள் நடந்து வருகின்றன என்கிறார்கள். இருந்தாலும் இதுகுறித்து உறுதியாக எதுவும் தெரியவில்லை. விரைவில் படத்தின் முதல் பாடல் வெளியாகும் என்று ரசிகர்கள் எதிர்பார்த்து காத்திருக்கின்றனர்.
கங்குவா பேக்ரவுண்ட் மியூசிக் | Kanguva bgm download
கங்குவா படத்தின் டீசரில் இடம்பெற்றுள்ள பின்னணி இசை பலருக்கும் பிடித்ததாக இருக்கிறது. ரசிகர்கள் பலரும் இதனை டவுன்லோடு செய்து தங்களது மொபைல் டியூனாக வைத்திருக்கிறார்கள்.
