kh233 music director யாரு? சஸ்பென்ஸ் வைக்கும் படக்குழு!
கமல்ஹாசன் நடிப்பில் விரைவில் துவங்க இருக்கும் படத்தை ஹெச் வினோத் இயக்குகிறார். விக்ரம் படத்துக்கு பிறகு கமல்ஹாசனும், துணிவு படத்துக்கு பிறகு ஹெச் வினோத்தும் இணையும் இந்த படத்தின் இசையமைப்பாளர் யார் என்பதை சஸ்பென்ஸாக வைத்திருக்கிறது படக்குழு.
கமல்ஹாசனை வைத்து வலிமை படத்தின் இரண்டாம் பாகத்தை எடுக்க இருக்கிறாரா ஹெச் வினோத் என சமூக வலைத்தளங்களில் பேசப்பட்டு வருகிறது. இதற்கு காரணம் ராஜ்கமல் இண்டர்நேஷனல் பட நிறுவனம் சமீபத்தில் வெளியிட்ட ஒரு வீடியோதான்.
ஹெச் வினோத் இயக்கத்தில் கமல்ஹாசன் தயாரித்து நடிக்க இருப்பதாக அறிவிக்கப்பட்டுள்ள புதிய படத்துக்கு கமல்ஹாசன் தயாராகும் வகையில் ஒரு வீடியோ வெளியாகியுள்ளது. KH233 என்று தற்காலிகமாக அழைக்கப்பட்டு வரும் இந்த படத்தின் ஷூட்டிங் விரைவில் துவங்கும் என்று எதிர்பார்க்கப்படுகிறது. இந்த வீடியோவில் கமல்ஹாசன் மிகவும் ஃபிட்டாக இருக்கிறார்.
பிசினஸ் கணக்கு
கமல்ஹாசன் - ஹெச் வினோத் இணையும் புதிய படத்துக்கு ஏகப்பட்ட எதிர்பார்ப்பு நிலவி வருகிறது. இதற்கு முன்னதாக ஹெச் வினோத் இயக்கத்தில் வெளியான துணிவு படம் நல்ல வரவேற்பை பெற்றதால், அவரின் அடுத்த படத்துக்கு மிகப் பெரிய பிசினஸ் ஏற்பட்டுள்ளது. மேலும் கமல்ஹாசனின் முந்தைய படமான விக்ரம் படத்துக்கும் உலக அளவில் மிகப் பெரிய வரவேற்பு இருந்ததால் இவர்கள் இணையும் அடுத்த படத்துக்கு மிகப் பெரிய கணக்கு திட்டமிடப்பட்டு வருகிறது.
இந்த படத்தின் ஷூட்டிங்கே இன்னும் திட்டமிடப்படாத நிலையில், நெட்பிளிக்ஸ் நிறுவனம் இந்த படத்தின் டிஜிட்டல் உரிமையை 125 கோடி ரூபாய்க்கு வாங்கியுள்ளது.
கடந்த சில மாதங்களாக இந்த படத்தைப் பற்றிய தகவல்கள் இப்போது வரும் அப்போது வரும் என பேசப்பட்ட நிலையில், ஹெச் வினோத் பிறந்தநாளில் அப்டேட் கிடைக்கும் என எதிர்பார்க்கப்பட்டது. ஆனால் தாமதமாகவே இந்த வீடியோ வெளியிடப்பட்டுள்ளது. ஆனாலும் இதுகுறித்து தகவல் கிடைத்ததால் ரசிகர்கள் மகிழ்ச்சியடைந்துள்ளனர்.
ரைஸ் டூ ரூல் எனும் வாசகம் இடம்பெற்றுள்ளதாலும் வீடியோவில் இசை வெறித்தனமாக இருப்பதாலும் படத்தின் மீதான எதிர்பார்ப்பு இன்னும் அதிகரித்துள்ளது.
இந்த படத்தின் கதையமைப்பு என்பது வலிமை படத்தைப் போல இருக்கும் என்று கூறப்படுகிறது. அதாவது உண்மை சம்பவத்தை அடிப்படையாக கொண்ட ஒரு கதை என்றும் அதனை தழுவி திரைக்கதை எழுதியிருக்கிறார் ஹெச் வினோத் எனவும் தகவல் வெளியாகியுள்ளது.
யாரந்த இசையமைப்பாளர்?
ஏ ஆர் ரஹ்மான், ஜிப்ரான் அல்லது அனிருத் இந்த மூவரில் ஒருவர்தான் KH233 படத்தின் இசையமைப்பாளராக இருப்பார் என ரசிகர்கள் கணித்துள்ளார்கள். அதிக வாய்ப்பு ஜிப்ரானுக்கே என்றும் தகவல் வருகிறது. காரணம் கமல்ஹாசனுக்கு மிகவும் பிடித்த இசையமைப்பாளர் ஜிப்ரான். அவருக்கு அடுத்து கமல்ஹாசனின் ஃபேவரைட் புக்கில் இடம்பிடித்திருப்பவர் அனிருத். அதேநேரம் ஹெச் வினோத்துக்கு ஜிப்ரான் மீது நல்ல அபிப்ராயம் இருக்கிறது.
ஆனால் ஏ ஆர் ரஹ்மான் தற்போது கமல்ஹாசனுடன் இணைந்து பல இடங்களுக்கு பயணப்படுகிறார். அது மணிரத்னம் படத்துக்காக இருக்கலாம் என்றாலும், ஹெச் வினோத் படத்திலும் அவரேதான் இசையமைப்பாளராக இருப்பார் அதுதான் உலகளாவிய பிசினஸ் கணக்குக்கு சரியாக இருக்கும் என்று தகவல் வெளியாகியுள்ளது.
