GOAT அப்டேட்... ஷூட்டிங் எப்ப முடியுதாம் தெரியுமா?

விஜய் ரசிகர்களின் கவனத்துக்கு, வெங்கட் பிரபு இயக்கத்தில் விஜய் நடித்துவரும் கோட் திரைப்படம் எப்போது முடியும், எப்ப அடுத்தடுத்து அப்டேட்கள் வெளியாகும்னு நீங்க காத்திருந்ததற்கு ஒரு பலன் கிடச்சிருக்கு. அடுத்த மாசத்துல இருந்து அதிரடி சரவெடி அப்டேட்ஸ் கிடைக்கப்போகுது.

விஜய் ரசிகர்களே, பட்டாசு கொளுத்துங்க... தளபதி பத்தி ஒரு வெறித்தனமான அப்டேட் வந்துருக்கு! ஆமாங்க, வெங்கட் பிரபு இயக்குற அவரோட அடுத்த கலக்கல்...அதான், 'GOAT'... ஏப்ரலுக்குள்ள முடிஞ்சுடுமாம். 'தளபதி 68' – தமிழ் சினிமாவே இந்தப் படத்துக்காக பல வருஷமா காத்திருக்கு. இப்போ படப்பிடிப்பு சூடுபிடிச்சுருக்குன்னு செய்திகள் வெளியில கசிஞ்சிருக்கு.

GOAT – வேற லெவல் எதிர்பார்ப்பு

வெங்கட் பிரபு எழுதி இயக்கறதுனாலயே இந்தப் படத்துக்கு எதிர்பார்ப்பு வேற லெவல். அதிலும் தளபதி விஜய்... ஆஹா, தனி ஸ்டைல், அந்த மாஸ்... யாருக்குத்தான் பிடிக்காது? 'லியோ' படத்துக்கு அப்புறம் விஜய் நடிக்குற படம், அதுவும் மாநாடு வெற்றிக்கு அப்றம் வெங்கட் பிரபு கூட்டணில உருவாகுற படம்ங்கிறதுனால 'GOAT' மீது இருக்குற எதிர்பார்ப்பு வானத்த தொடுது. இதுமாதிரி வித்தியாசமான கதைகள எடுக்குறதுல அவரு கில்லாடி.

புதுச்சேரி ஷெட்யூல் முடிவு, இனி இலங்கைக்கு படையெடுப்பு

இந்த தகவல் எங்கிருந்து பறந்து வந்துச்சு தெரியுமா? புதுச்சேரில இருந்து! அங்க ஒரு முக்கியமான படப்பிடிப்பு அட்டகாசமா முடிஞ்சிருக்கு. படக்குழு உடனே ஸ்ரீலங்கா பக்கம் நகர்ந்து அங்க அடுத்தகட்ட வேலைகள ஆரம்பிக்கப் போறாங்களாம். இது எல்லாமே ரகசியமாவே வெச்சிருந்தாங்க பாருங்க... கொஞ்சம் கொஞ்சமா செய்திகள் கசிஞ்ச பிறகுதான் ரசிகர்களுக்கு பத்திக்கிச்சு! புதுச்சேரிக்கு படையெடுத்துட்டே இருக்காங்க பல ரசிகர்கள். ஆனா பாவம் விஜய் அங்க இல்லையாம். மணிக்கணக்குல காத்து கிடக்க வேண்டாம் அன்பு நெஞ்சங்களே. தளபதி விஜய்யோட ஷெட்யூல் இனி இலங்கைலதான் நடக்கப் போகுது.

என்னப்பா டைட்டில் இப்படி வெச்சுருக்காங்க?

இந்த 'GOAT'... சும்மாவா? Greatest of All Time! அட ஆமாங்க, 'எல்லா காலத்துக்கும் சிறந்த மாபெரும்'... தளபதிக்கு ரொம்ப பொருத்தமான டைட்டில் தான். அதுக்குத் தகுந்த படமா உருவாகுதான்னு அத விஜய்-வெங்கட் பிரபு கூட்டணி பார்த்துக்கும்.. ரசிகர்கள் நம்பிக்கையோட இருக்கோம்னு சமூக வலைத்தளங்கள்ல தினமும் ஒரு டிரெண்டிங்க் டேக்க தூக்கிட்டு வந்துடுறாங்க விஜய் ரசிகர்கள்.

யோகி பாபு, பிரபு தேவா, பிரசாந்த், லைலா... வாவ், என்னவொரு கூட்டணி!

இந்தப் படத்துல தளபதி மட்டுமா? யோகி பாபுவின் காமெடி, பிரபுதேவாவின் டான்ஸ், ஜெயராமோட அனுபவம், பிரசாந்த் திரும்பி வருவதன் பரபரப்பு, லைலாவின் நளினம்... பக்காவான பொழுதுபோக்குக்கு எல்லா அஸ்திரமும் இந்தப் படத்தில் இருக்கு! கூட்டணி அட்டகாசமா இருக்குல்ல. இருக்காதா பின்ன, 90களின் மிகப் பெரிய நடிகர்களான பிரசாந்த், பிரபுதேவா, மோகன், விஜய் னு இந்த காம்போவே ஒரு மாதிரி பக்காவானதா அமஞ்சிருக்கே.

வெங்கட் பிரபு ஸ்டைல் - ஏப்ரலில் திரையில் வெடிக்குமா?

வெங்கட் பிரபு படமுன்னா என்ன நினைவுக்கு வரும்? காமெடி, குத்துப்பாட்டு, ட்விஸ்ட், அதிரடி.. எல்லாமே கொஞ்சம் கொஞ்சம் கலந்த கலவை இருக்கும். விஜய்க்கு அந்த ஸ்டைல் செமயா செட் ஆகும். ரசிகர்கள் இப்போதே விசிலடிக்க தயாராயிருங்க! எது எப்படியோ, ஏப்ரல்ல படம் முடியுது. ஆகஸ்ட் முன்னாடியே ரிலீஸ் இருக்கோ, இல்லையோ, இந்த 'GOAT' படப்பிடிப்பு முடிந்திடும் அப்டேட்டே செம்ம மகிழ்ச்சி தான்!

கடைசி படம்...?

விஜய் தனது எஞ்சியுள்ள கமிட்மெண்ட் முடிஞ்சதும் அரசியலுக்குள்ள நுழைய போறேன்னு அறிவிச்சிட்டாரு. அதனால இன்னும் 2 படம்தான் பாக்கி. வெங்கட் பிரபு போக இன்னும் ஒரு இயக்குநரோட அவரு இணைய போகுறாரு. அவரு யாருன்னுதான் தெரியல. அநேகமா வெற்றிமாறனோட சேர வாய்ப்பிருக்கு.