'முழு நிலவு' - ஐஸ்வர்யா ராய்… பார்த்திபன் பரவச ட்வீட்..!

இயக்குநர் மணிரத்னம் இயக்கத்தில் பிரமாண்டமாக உருவாகியிருக்கும் திரைப்படம் கல்கியின் வரலாற்றுப் புதினமான 'பொன்னியின் செல்வன்'. உலகெங்கிலும் உள்ள ரசிகர்களின் எதிர்பார்ப்புக்கு விருந்தாக படத்தின் முதல் பாகம் செப்டம்பர் 30-ம் தேதி திரையரங்குகளில் வெளியாகிறது.

படத்தில் நடிகரும் இயக்குநருமான பார்த்திபன் சின்ன பழுவேட்டரையர் கதாபாத்திரத்தில் நடித்துள்ளார். இந்தநிலையில், படப்பிடிப்பு தளத்தில், தான் ஐஸ்வர்யா ராயுடன் இணைந்து எடுத்துக்கொண்ட புகைப்படங்களை தனது ட்விட்டர் பக்கத்தில் பகிர்ந்துள்ளார்.

அந்த ட்விட்டர் பதிவில் நடிகர் பார்த்திபன், 'ஐஸ் வாரியம்! கற்றுக்கொள்ள… காற்று கொள்ளும் மூங்கில் துளைகளில் இருந்து இசை வரும் என கோடியாய்க் கொட்டிக் கிடக்கின்றது இப்பூமியில்.

அப்படி இப்பெண்ணிடமிருந்து… தாயான பிறகும், தான் விரும்பும் கலையைத் தொடர, ஆரோக்கியத்தை + அழகைக்காத்திட கடும் முயற்சியும் விடா பயிற்சியும் செய்கிறார்.

அழகென நான் காண்பது, பிறைநிலவு வானில் இருந்து மறையுமுன்னே முழுநிலவாய் படப்பிடிப்பு தளத்தில் நுழைபவர், வசனங்களை(இடை வரும் புன்னகை உட்பட) மனப்பாடம் செய்து ஒன் மோர் கேட்கா ஈகோவுடன் தயாராகிவிட்டு, பின் அனைவரிடமும்(selfie) அன்பொழுகப் பழகுகிறார்" என்று குறிப்பிட்டு பதிவிட்டுள்ளார்.