உலகம்மை படத்தின் இசை வெளியீட்டு விழா இன்னிக்கு இருக்குது
உலகம்மை' படத்தின் இசை வெளியீட்டு விழா இன்னிக்கு இருக்குது
தமிழ் சினிமாவில் நாவலை தழுவி திரைப்படங்களை உருவாக்கும் போக்கும் மீண்டும் அதிகரித்துள்ளது. அந்த வகையில் தற்போது 'ஊருக்குள் ஒரு புரட்சி', 'வேரில் பழுத்த பலா' போன்ற முக்கியத்துவம் வாய்ந்த புரட்சிகரமான நாவல்களையும் எண்ணற்ற சிறுகதைகளையும் தமிழ் உலகிற்கு அளித்த எழுத்தாளர் சு.சமுத்திரத்தின் 'ஒரு கோட்டுக்கு வெளியே' நாவலை தழுவி 'உலகம்மை' திரைப்படம் உருவாகி இருக்குது.
நாவலின் மையமான பெண் கதாபாத்திரமான 'உலகம்மை' என்ற பெயரிலே இந்தப் படம் உருவாகிறது. கெளரி கிஷன் நாயகியாக நடிக்கும் இந்தப் படத்திற்கு இளையராஜா இசையமைச்சு இருக்கார். பாடல் வரிகளை இளையராஜா, முத்துலிங்கம், சரவணன் ஆகியோர் எழுதியுள்ளனர்.
'காதல் எஃப்.எம்', 'குச்சி ஐஸ்' உள்ளிட்டப் படங்களை இயக்கிய விஜய் பிரகாஷ் டைரக்ட் செஞ்சிருக்கார். மித்ரன் நாயகனாக நடிச்சிருக்கார். மெட்ராஸ் டிஜிட்டல் சினிமா அகாடமி பேனரில் டாக்டர் வீ .ஜெயப்பிரகாஷ் இப்படத்தை தயாரிச்சிருக்கார். இப்படத்தின் இசை வெளியீட்டு விழா ராஜா இசைக்கூடத்தில் வெப்பம் தகிக்க நடக்க போகுது.
