குணசேகரன் வீட்டில் போலீஸ்! அதிரடியாக நிகழும் ஆட்டம்!

இன்றைய எபிசோட் | Ethir neechal serial today episode youtube 4th March 2023

குணசேகரன் வீட்டில் போலீஸ் சென்று விசாரிக்கிறது. அங்கு போலீஸ் வந்திருப்பதை அறிந்த குணசேகரன் காவலர்களிடம் என்ன என விசாரிக்கிறான். என்ன இந்த பக்கம் என தனக்கே உரிய அந்த அதிகார திமிர்த்தனத்தில் கேட்கிறான்.

குணசேகரனின் அதிகாரத்துக்கு அடிபணிந்து நிற்கும் காவல் அதிகாரியும் அமைதியாக தம்பி கதிரை கூட்டிட்டு போக வந்திருக்கோம்னு சொல்றார். இதைக் கேட்ட கதிர் அவர்களைப் பார்த்து எகத்தாளமான லுக் ஒன்றை விடுகிறான். உடனே காவலர்கள் ஸ்டேசன் வரைக்கும் கொஞ்சம் கூட்டிட்டு போயிட்டு வரோம்னு போலீஸ் சொல்ல, எதுக்கு என்று கேட்கிறான் குணசேகரன்.

தம்பி கதிர், அருணை அடித்து தங்கை ஆதிரையை இழுத்துவிட்டு வந்த விசயத்தை கூறியிருப்பார்கள் போல. அதற்கு ஆதாரம் இருக்கா என்று கேட்கவே, கையிலிருக்கும் மொபைல் ஃபோனை எடுத்து ஆதாரத்தை நீட்டுகிறது போலீஸ்.இதனைப் பார்த்து கொஞ்சம் கோபமடைந்த கதிர் போலீஸை முறைத்து பார்க்கிறான்.

அங்கே மருத்துவமனையில் தனது நாடகத்தைப் போட தயாராகிவிட்டாள் கரிகாலனின் தாய். கரிகாலன் தன் தாயை மருத்துவமனைக்கு அழைத்து வந்ததை சற்றும் எதிர்பாராத சக்தி அவனை இங்கு வரச் சொன்னது யார் என்று கேட்க முன்னே செல்கிறான்.

அவனிடம் கோபத்தில் உன்னை யார் இங்க வரச் சொன்னது என்று கோபமாக கேட்க, உங்க அண்ணன் சொல்லிவுட்டுதான் நாங்க வந்தோம் என்று கரிகாலனின் தாய் கூறுகிறாள்.

அண்ணன் சொல்லிட்டா.. ஆதிரை கட்டிக்க மாட்டா என கோபமாக சொல்ல, அதற்கு கரிகாலனின் தாய் அவனை முறைத்து பார்க்கிறாள்.

முந்தைய எபிசோட் | Ethir neechal serial today episode youtube 3rd March 2023

பெரிய இடத்தில் சம்மந்தம் பேசப் போகிறோம் அது நடந்துவிடும் என நம்பி பல இடங்களில் கடன் வாங்கி வைத்திருப்பதால் கரிகாலனின் தாய் பயத்தில் இருக்கிறாள். ஆதிரைக்கு ஏதாவது ஆகி அவளை கரிகாலன் திருமணம் செய்ய முடியாமல் ஆகிவிட்டால் சொத்து இல்லை ஒரு பைசா கூட கிடைக்காது என நினைத்து வருத்தப்படுகிறாள்.

கரிகாலனைக் கூட்டிக் கொண்டு அவசர அவசரமாக மருத்துவமனைக்கு ஓடுகிறாள். கரிகாலனும் மாமா வாக்கு குடுத்தா அதுல இருந்து மீற மாட்டார்ம்மா என்கிறான் கரிகாலன். அதற்கு அவனது அம்மா அந்த தேங்கா மண்டயன் ஏதாது திரிசமம் பண்ணான்னு வச்சிக்கோ மொத்த குடும்பத்தையும் சந்தி சிரிக்க வச்சிடுவேன் பாத்துக்க என கரிகாலனிடம் வெத்தலை போட்டு மென்ற வாயால் பேசுகிறாள் அவனது அம்மா.

இதனைக் கேட்ட கரிகாலன் கொஞ்சம் வருத்தத்தில் இருக்கிறான். அங்கே சக்தி தனிமையில் நின்று எதையோ யோசித்துக் கொண்டிருக்கிறான். அவனைக் காணவில்லை என்று தேடினாளோ என்னவோ சக்தி தனியாக இருப்பதை பார்த்துக் கொண்டு அவனிடம் பேச வருகிறாள் ஜனனி.

சக்தி தனது நிலைமையையும் தங்கை நிலைமையையும் நினைத்து வருத்தத்தில் இருக்கிறான். நாம இத்தன அண்ணன்களோட பொறந்துருக்கோம் இவ்ளோபேரு இருக்காங்களேன்னு நினைப்பு. ஆனா இப்பதான் தெரியுது அநாதை மாதிரி இருக்கேன் என்று கூறி அழுதே விடுகிறான் சக்தி. உடனே ஜனனி சக்திக்கு ஆறுதல் கூறுகிறாள்.