பாக் ஆக்கிரமிப்பு காஷ்மீரில் பெரும் கலவரம்! காவல்துறையினருடன் மோதல்கள்

பாகிஸ்தான் ஆக்கிரமிப்பு காஷ்மீர் பொதுமக்கள் அமைதியின்மையால் பாதிக்கப்பட்டுள்ளது. ஆக்கிரமிக்கப்பட்ட பகுதி முழுவதும் பரவிய போராட்டங்களை அடக்குவதற்கு அதிகாரிகளால் மிகப்பெரிய ஒடுக்குமுறை தொடங்கப்பட்டுள்ளது. சனிக்கிழமையன்று நடந்த புதிய மோதல்களில் ஒரு போலீஸ் அதிகாரி கொல்லப்பட்டார் மற்றும் 90 பேர் காயமடைந்தனர்.

பணவீக்கம், அதிக வரி விதிப்பு மற்றும் மின்சார பற்றாக்குறைக்கு எதிராக தொடங்கிய போராட்டங்கள் பாக். ஆக்கிரமிப்பு காஷ்மீர் முழுவதும் உரிமைகள் மற்றும் சுதந்திரத்திற்கான இயக்கமாக மாறியுள்ளது.

போராட்டக்காரர்கள் " ஆசாதி (சுதந்திரம்)" கோஷங்களை எழுப்பினர் . அவர்கள் முசாபராபாத் மற்றும் பிற மாவட்டங்களில் காவல்துறை மற்றும் பாதுகாப்பு படையினருடன் மோதினர்.

ஜம்மு-காஷ்மீர் கூட்டு அவாமி நடவடிக்கைக் குழுவின் தலைமையில், வர்த்தகர்கள் முன்னணியில் உள்ளனர். வெள்ளிக்கிழமை வேலைநிறுத்தத்திற்கு அழைப்பு விடுத்ததையடுத்து, நடவடிக்கைக் குழுவின் பல்வேறு தலைவர்கள் மற்றும் உறுப்பினர்கள் கைது செய்யப்பட்டுள்ளனர்.

முசாபராபாத் வர்த்தகர்கள் சங்கத்தின் தலைவரும் உறுப்பினருமான சவுகத் நவாஸ் மிர் கூறுகையில், “இந்த பகுதி முழுவதும், குறிப்பாக முசாஃபராபாத்தில் அமைதியான போராட்டக்காரர்கள் மீது நடத்தப்பட்ட வன்முறைக்கு எதிராக முழு அடைப்பு மற்றும் வாகன வேலைநிறுத்தம் கடைப்பிடிக்கப்படும் என கூறினார்

பாகிஸ்தானிய நாட்டிடம் இருந்து விடுதலை கோரும் உள்ளூர்வாசிகளின் வீடியோக்கள் வைரலானதால், "அனைவரையும் இன்று வெளியே வந்து உங்கள் உரிமைகளுக்காக குரல் எழுப்புமாறு நான் அழைப்பு விடுக்கிறேன்," என்று அவர் மேலும் கூறினார்.

2023 ஆகஸ்டிலும் இதேபோன்ற போராட்டத்தை குழு நடத்தியது. "மின்சாரக் கட்டணங்களுக்கு வரி விதிப்பதை நாங்கள் எதிர்க்கிறோம். மாறாக, இப்பகுதியில் உள்ள நீர்மின் உற்பத்திச் செலவுக்கு ஏற்ப நுகர்வோருக்கு மின்சாரம் வழங்கப்பட வேண்டும் என்று நாங்கள் கோருகிறோம் என்று கூறினார்.

மே 5 அன்று, பாக். ஆக்கிரமிப்பு காஷ்மீர் எப்போதும் இந்தியாவின் ஒரு பகுதியாக இருப்பதை வலியுறுத்தி, வெளியுறவு அமைச்சர் ஜெய்சங்கர் கூறுகையில், மிகவும் வருந்தத்தக்க நிலை தொடர்கிறது, ஏனெனில் முந்தைய அரசாங்கங்கள் சுதந்திரத்திற்குப் பிறகு பாகிஸ்தான் பகுதியை காலி செய்வதை உறுதி செய்யவில்லை. பாக். ஆக்கிரமிப்பு காஷ்மீர் இந்த நாட்டிற்கு வெளியே இருந்ததில்லை. இது எப்போதும் இந்த நாட்டின் ஒரு பகுதியாகும். பாக். ஆக்கிரமிப்பு காஷ்மீர் இந்தியாவின் ஒரு பகுதியாகும் என்று இந்திய நாடாளுமன்றத்தில் தீர்மானம் உள்ளது. ஒரு வீட்டின் பொறுப்பான பாதுகாவலராக இல்லாத ஒருவர் உங்களிடம் இருக்கும்போது, ​​​​வெளியாட்கள் வந்து எதையாவது திருடுவார்கள் என்று கூறினார்.

"இதோ நீங்கள் வேறொரு நாட்டை அனுமதித்துள்ளீர்கள்... சுதந்திரத்தின் ஆரம்ப ஆண்டுகளில் இந்த பிரதேசங்களில் இருந்து பாகிஸ்தானை வெளியேற்றுவதை நாம் தொடராததால் தான் இந்த மிகவும் வருந்தத்தக்க நிலை தொடர்கிறது. எதிர்காலத்தில் என்ன நடக்கும் என்பதை கூறுவது மிகவும் கடினம். ஆனால், நான் எப்பொழுதும் மக்களுக்கு ஒரு விஷயத்தைச் சொல்கிறேன், இன்று PoK மீண்டும் இந்திய மக்களின் நனவில் உள்ளது, நாம்அதை மறந்துவிட்டோம், ஆனால் அது இப்போது மீண்டும் வந்துவிட்டது," என்று அவர் மேலும் கூறினார் .

அமைச்சர் ஜெய்சங்கர், சுதந்திரத்திற்குப் பிந்தைய வெளியுறவுக் கொள்கையில் தோன்றிய பல பிரச்சனைகளுக்கு முந்தைய காங்கிரஸ் அரசாங்கங்களைக் குற்றம் சாட்டுவது இது முதல் முறையல்ல. ஒரு வாரத்திற்கு முன்பு ஹைதராபாத்தில் அவர் ஒரு கூட்டத்தில், காஷ்மீர் பிரச்சினையில் இந்தியா ஐ.நா.வை அணுகுவதை சர்தார் படேல் எதிர்த்ததாகவும், ஆனால் இந்தியாவின் முதல் பிரதமர் ஜவஹர்லால் நேரு அதை புறக்கணித்ததாகவும் கூறினார்.