ஈராக்கில் 5,000 ஆண்டுகள் பழமையான உணவகம்: தொல்பொருள் ஆராய்ச்சியாளர்கள் கண்டுபிடிப்பு

அமெரிக்க-இத்தாலிய குழுவினர் தெற்கு ஈராக்கில் ஏறக்குறைய 5,000 ஆண்டுகளுக்கு முந்தைய பழங்கால இடிபாடுகளை கண்டுபிடித்துள்ளனர். இது உலகின் முதல் நகரங்களில் உள்ள சாதாரண மக்களின் வாழ்க்கையை ஒளிரச் செய்யும் என்று அவர்கள் நம்புகிறார்கள்.

ஒரு உணவகத்தின் எச்சங்களை தொல்பொருள் ஆராய்ச்சியாளர்கள் கண்டுபிடித்துள்ளனர். மீன் மற்றும் விலங்குகளின் எலும்புகள் கிண்ணங்களில் காணப்பட்டன, பீர் குடிப்பதற்கான சான்றுகளுடன், இது சுமேரியர்களிடையே பரவலாக இருந்தது. பண்டைய ஈராக் சுமேரிய நாகரிகத்தின் முதல் நகர்ப்புற மையங்களில் ஒன்றாக இருந்ததாக ஏற்கனவே அறியப்பட்டது.

பென்சில்வேனியா பல்கலைக்கழகம் மற்றும் பைசா பல்கலைக்கழகத்தின் கூட்டுக் குழு, பழமையான குளிர்பதன அமைப்பு, ஒரு பெரிய அடுப்பு, உணவருந்துபவர்களுக்கான பெஞ்சுகள் மற்றும் சுமார் 150 பரிமாறும் கிண்ணங்களின் எச்சங்கள் ஆகியவற்றை கண்டுபிடித்தது.

பீர் குடித்ததற்கான சான்றுகளுடன் மீன் மற்றும் விலங்குகளின் எலும்புகள் கிண்ணங்களில் காணப்பட்டன. பீர் அருந்துவது சுமேரியர்களிடையே பரவலாக இருந்தது.

திட்ட இயக்குனர் ஹோலி பிட்மேன் கூறுகையில் "இங்கு குளிர்சாதன பெட்டி கிடைத்துள்ளது, பரிமாறுவதற்கு பயன்பட்ட நூற்றுக்கணக்கான பாத்திரங்கள் உள்ளன, மக்கள் உட்காரக்கூடிய பெஞ்சுகள்... மற்றும் குளிர்சாதன பெட்டியின் பின்னால் உணவு சமைக்க பயன்படும் ஒரு அடுப்பு உள்ளது” என்று தெரிவித்தார்.

"இந்த விஷயம் மூலம் இது வழக்கமான மக்கள் சாப்பிட வரக்கூடிய இடம் என்று நாம் புரிந்துகொள்ளலாம். நாங்கள் அதை ஒரு உணவகம் என்று அழைக்கிறோம், ஏனெனில் சுமேரியர்களுக்கு தண்ணீரை விட பீர் மிகவும் பொதுவான பானமாகும். அந்த பகுதியில் தோண்டப்பட்ட கோவில்களில் ஒன்றில் ஒரு பீர் செய்முறை கண்டுபிடிக்கப்பட்டது” என்று அவர் மேலும் கூறினார்

உலகின் முதல் நகரங்கள் தெற்கு ஈராக்கில் வளர்ந்தன, முதல் பயிர்களை வளர்ப்பதன் மூலம் விவசாய உபரிகளுக்குப் பிறகு, உணவு உற்பத்தியில் நேரடியாக ஈடுபடாத புதிய சமூக வகுப்புகள் தோன்ற அனுமதித்தன.

டைக்ரிஸ் மற்றும் யூப்ரடீஸ் நதிகளின் சங்கமத்திற்கு அருகாமையில் உள்ள லகாஷ் பகுதி, அதன் வளத்திற்காக "கடவுளின் தோட்டம்" என்று பழங்காலத்தவர்களால் அழைக்கப்பட்டது மற்றும் ஆரம்ப வம்ச காலத்தைச் சேர்ந்த சுமேரிய நகரங்களின் தோற்றத்திற்கு வழிவகுத்தது.

"லகாஷ் தெற்கு ஈராக்கின் முக்கியமான நகரங்களில் ஒன்றாகும். அதில் வசிப்பவர்கள் விவசாயம், கால்நடைகள், மீன்பிடித்தல் போன்ற தொழில் செய்துள்ளனர். மேலும் பண்டமாற்று முறையை மேற்கொண்டிருந்தனர்" என்று அமெரிக்க-இத்தாலிய குழுவுடன் அந்த தளத்தில் பணிபுரிந்த ஈராக்கிய தொல்பொருள் ஆய்வாளர் பேக்கர் அசாப் வாலி கூறினார்.

கிமு 2700 இல் அதன் உச்சக்கட்டத்தில் முதல் நகரங்களின் சமூக கட்டமைப்பில் புதிய வெளிச்சத்தை வீசுவதற்காக உணவகத்தைப் பயன்படுத்திய மக்களின் தொழில்களைப் பற்றி மேலும் அறிய குழு ஆர்வமாக இருப்பதாக பிட்மேன் கூறினார்.

நவம்பர் மாதம் குழு நிறைவு செய்த அகழ்வாராய்ச்சியின் போது எடுக்கப்பட்ட மாதிரிகள் பற்றிய விரிவான பகுப்பாய்வு மேற்கொள்ளப்பட வேண்டும்.

"நகரங்கள் தோன்றிய இந்த ஆரம்ப காலத்தைப் பற்றி எங்களுக்குத் தெரியாது, அதைத்தான் நாங்கள் ஆராய்ந்து வருகிறோம்/ இந்தப் பெரிய நகரத்தில் உயரடுக்கு அல்லாத மக்களின் சுற்றுப்புறங்கள் மற்றும் வாழ்விடங்களை வகைப்படுத்த முடியும் என்று நாங்கள் நம்புகிறோம், மற்ற இடங்களில் செய்யப்படும் பெரும்பாலான வேலைகள் ராஜாக்கள் மற்றும் பூசாரிகளை மையமாகக் கொண்டுள்ளன. அது மிகவும் முக்கியமானது ஆனால் சாதாரண மக்களும் முக்கியம் என்று அவர் மேலும் கூறினார்