மீண்டும் லாக் டவுன்- க்கு தயாராகும் இத்தாலி

ஈஸ்டர் வார இறுதியில் இத்தாலி மற்றொரு தேசிய கட்டுப்பாடுகளை விதிக்க உள்ளது.

அந்த வகையில் ஏப்ரல் 3 முதல் ஏப்ரல் 5 வரை அத்தியாவசியமற்ற கடைகள் மூடப்பட்டிருக்கும், மக்கள் வேலை, சுகாதாரம் அல்லது அவசர காரணங்களுக்காக மட்டுமே வீடுகளை விட்டு வெளியேற அனுமதிக்கப்படுவார்கள் என ராய்ட்டர்ஸ் தெரிவித்துள்ளது.

இந்த ஆணை  நேற்று பிற்பகுதியில் சட்டத்தில் கையெழுத்திடப்படும் என்று எதிர்பார்க்கப்படுகிறது.ஒரு வருடம் முன்பு தேசிய கோவிட் - 19 பூட்டுதலை விதித்த உலகின் முதல் நாடு இத்தாலியாகும், பிரேசில்,அமெரிக்கா,இந்தியா, மெக்ஸிகோ,  மற்றும் இங்கிலாந்து ஆகிய நாடுகளுக்குப் பிறகு உலகளவில் ஆறாவது நாடான இத்தாலி 100,000 கொரோனா வைரஸ் இறப்புகளைத் தாண்டியது.

கடந்த வாரம் இத்தாலியின் மொத்த வைரஸ் பாதிப்புகள் மூன்று மில்லியனைத் தாண்டின.மார்ச் மாத தொடக்கத்தில், வைரஸால் கடுமையாக பாதிக்கப்பட்ட பிராந்தியங்களில் உள்ள அனைத்து பள்ளிகளையும் மூட அரசாங்கம் உத்தரவிட்டது. நாட்டை நெருக்கடியிலிருந்து வெளியேற்ற உதவுவதற்காக நாடு தனது தடுப்பூசி பிரச்சாரத்தை விரைவுபடுத்த வேண்டும் என்று பிரதமர் மரியோ டிராகி தெரிவித்துள்ளார்.