ஏப்ரல் 28-ல் மதுரை - காசி ஆன்மிக சுற்றுலா இரயில் இயக்கம்

மதுரை இந்திய ரயில்வே உணவு மற்றும் சுற்றுலா கழகம் மதுரையில் இருந்து திருச்சி கரூர் ஈரோடு சேலம் சென்னை எம்ஜிஆர் சென்ட்ரல் ரயில் நிலையங்கள் வழியாக காசி மாநகரத்திற்கு சுற்றுலா ரயிலை இயக்க இருக்கிறது. இந்த சுற்றுலா ரயில் ரயில் ஏப்ரல் மாதம் 28ஆம் தேதி வியாழக்கிழமை அன்று அதிகாலை மதுரையில் இருந்து புறப்பட உள்ளது.

தமிழ் புத்தாண்டில் முதன் முதலாக வரும் அமாவாசையன்று முன்னோர்களுக்கு சிறப்பு தர்பணம் செய்யவும், காசியில் கங்கா ஸ்நானம் செய்து, ஸ்ரீ விஸ்வநாதர், ஸ்ரீ விசாலாட்சி, ஸ்ரீ அன்னபூரணி, தெய்வங்களையும் தரிசனம் செய்து அலகாபாத் திரிவேணி சங்கமத்தில் புனித நீராடி அட்சய திருதியை அன்று ஹரித்துவாரில் கங்கையில் நீராடி ,மானச தேவியை தரிசித்து  பின்னர் ஆக்ரா தாஜ்மஹால், மதுரா கிருஷ்ண ஜென்மபூமி, புதுடெல்லி நகர் ஆகியவற்றை சுற்றிப்பார்த்து திரும்ப வரும் வழிகளில் ஸ்ரீ ராமானுஜரையும் தரிசித்து வரும்படி சுற்றுலா பயணத்திட்டம் அமைக்கப்பட்டுள்ளது.

சுற்றுலா பயணிகளின் வசதிக்காக இந்த கோடைகால சுற்றுலா குளிர்சாதன மூன்றடுக்கு படுக்கை வசதி பெட்டி இணைக்கப்பட இருக்கின்றன. மேலும் சுற்றுலா தலங்களில் குளிர்சாதன அறைகளில் தேவைக்கேற்ப ஏற்பாடு செய்யப்பட இருக்கிறது. இந்த 11 நாள் சுற்றுலாவுக்கு கட்டணமாக அளிக்கப்படும் வசதிக்கேற்ப ரூபாய் 19,900,முதல் 26,500 மற்றும் 36,900 வசூலிக்கப்படுகிறது.

இதில் பயணக்கட்டணம் தென்னிந்திய சைவ உணவு, தங்கும் வசதி உள்ளூர் பேருந்து வசதி ஆகியவை அடங்கும். இந்த சுற்றுலாவிற்கு மத்திய மாநில அரசு ஊழியர்கள் எல் டி. சி (live travel concession) வசதியை பயன்படுத்திக் கொள்ளலாம். என்று சுற்றுலா பற்றி மேலும் விபரங்களை அறிந்துகொள்ள 9003140714 & 828732122 என்ற அலைபேசிகளை எண்களை தொடர்பு கொள்ளலாம். மேலும் www.irctctourismஎன்ற இணையதளத்தில் முன்பதிவு செய்து கொள்ளலாம் என அறிவிக்கப்பட்டுள்ளது.