ஜூன் 20: கங்குலி, டிராவிட், கோலி டெஸ்ட் போட்டிகளில் அறிமுகமான நாள்

இந்திய கிரிக்கெட் வரலாற்றில் மூன்று சிறந்த வீரர்களான ராகுல் டிராவிட், சௌரவ் கங்குலி மற்றும் விராட் கோலி ஆகியோர் டெஸ்ட் அரங்கில் அறிமுகமான ஜூன் 20ஆம் தேதி ஒரு குறிப்பிடத்தக்க நாள்.

1996 இல் இந்தியாவும் இங்கிலாந்தும் கிரிக்கெட்டின் தாயகமாக விளங்கும் பிரபலமான லார்ட்ஸ் கிரிக்கெட் மைதானத்தில் மோதியபோது டிராவிட் மற்றும் கங்குலி ஆகியோர் அறிமுகமானார்கள்

கங்குலி சதம் அடித்ததோடு மட்டுமல்லாமல், விக்கெட்டுகளிலும் ஒரு மறக்க முடியாத ஆட்டத்தை வெளிப்படுத்தினார். இந்தியாவின் இடதுகை ஆட்டக்காரர், முதல் இன்னிங்ஸில் 20 பவுண்டரிகளுடன் 131 ரன்கள் எடுத்தார் முதல் இன்னிங்ஸில் 124 ரன்கள் எடுத்ததற்காக ஜாக் ரசல் ஆட்ட நாயகன் விருதை வென்றார் என்றாலும், கங்குலி பாராட்டுகளைப் பெற்றார்.

டிராவிட் ஒரு கெளரவமான ஆட்டத்தை வெளிப்படுத்தினார், ஆனால் ஹோம் ஆஃப் கிரிக்கெட்டில் நடந்த போட்டி அவருக்கு அதிர்ஷ்டத்தை தரவில்லை. இந்திய அணியின் தற்போதைய தலைமைப் பயிற்சியாளராக இருக்கும் வலது கை ஆட்டக்காரர், ஆறு பவுண்டரிகளுடன் 95 ரன்கள் எடுத்த நிலையில் வேகப்பந்து வீச்சாளர் கிறிஸ் லூயிஸ் அவரை ஆட்டமிழக்கச் செய்தார்.

கோலியைப் பொறுத்த வரையில், இந்தியாவில் நடந்த 50 ஓவர் உலகக் கோப்பையில் சிறப்பாகச் செயல்பட்ட பிறகு 2011 ஆம் ஆண்டு மேற்கிந்தியத் தீவுகள் சுற்றுப்பயணத்தில், டெஸ்ட் போட்டியில் அறிமுகமானார். ஜமைக்காவில் உள்ள கிங்ஸ்டனில் உள்ள சபீனா பார்க் மைதானத்தில் நடந்த ஆட்டத்தில் கோலி 4 மற்றும் 15 ரன்களை எடுத்தார்.

வேகப்பந்து வீச்சாளர் பிடல் எட்வர்ட்ஸ் இரண்டு இன்னிங்ஸிலும் அவரை அவுட்டாக்கினார். 11 ஆண்டுகளுக்குப் பிறகு, கோலி டெஸ்ட் கிரிக்கெட்டில் இந்தியாவின் புகழ்பெற்ற பேட்ஸ்மேனாக உருவெடுத்து, 101 போட்டிகளில் 27 சதங்கள் மற்றும் 28 அரை சதங்களுடன் 8043 ரன்கள் குவித்துள்ளார்