கார்த்திகை சோமவாரம்: மதுரை பகுதி கோயில்களில் சங்காபிஷேகம

மதுரை  மாநகரின் பல்வேறு பகுதி கோயில்களில் சங்காபிஷேகம் நடைபெற்றது.

மதுரை மாவட்டத்தில், பல கோயில்களில் கார்த்திகை சோமவாரத்தையொட்டி, சிவனுக்கு 108 சங்காபிஷேகம் நடைபெற்றது. கார்த்திகை சோமவாரத்தையொட்டி, மதுரை அருகே பிரளயநாதர், திருவேடகம் ஏடகநாதர், தென்கரை மூலநாதர், மதுரை மேலமடை சௌபாக்யா விநாயகர், தாசில்தார் நகர் சித்தி விநாயகர், அண்ணாநகர் சர்வேஸ்வர ஆலயங்களில் 108 சங்காபிஷேகம் நடைபெற்றது. முன்னதாக, சிவன் மற்றும் அம்மனுக்கு பால், தயிர் போன்ற அபிஷேக திரவியங்களால் அபிஷேகம் செய்யப்பட்டது. இதற்கான ஏற்பாடுகளை ஆலய நிர்வாகிகள் செய்திருந்தனர்.