ஒரு ஜாதகத்தின் ராசிக்கட்டம் எவ்வாறு அமைக்கப்படுகிறது..? வாங்க பார்க்கலாம்..!

jathagam kattam from date of birth in tamil-ராசி என்பது வான்வெளியின் 360 டிகிரி கொண்ட ஒரு நீள்வட்ட வடிவ அமைப்பு ஆகும். அதாவது கோள்களின் சுற்றுப்பாதை. இந்த 360 டிகிரி 12 பிரிவுகளாக பிரிக்கப்படுகின்றது. வட்ட வடிவில் இருப்பதைவிட கட்டமாக அமைந்தால் எளிதில் புரியும் என்பதால்   12 கட்டங்கள் அமைத்து ஜாதகக் கட்டம் அமைக்கப்படுகிறது.

இதுதான் ராசிக் கட்டம் என்று கூறப்படுகிறது. இந்த பன்னிரண்டு கட்டங்களும் விலங்கு மற்றும் இன்ன பிற உருவ அமைப்பில் சித்தரிக்கப்படுகின்றன. கட்டங்கள் நிலையானவை. இந்தக் கட்டங்களை கிரகங்கள் சுற்றி வருகின்றன. அவை சுற்றி வரும் வேகத்திற்கேற்ப, மாத கிரகம், வருட கிரகம் என்று அழைக்கப்படுகிறது. இந்த வீடுகள் ஒன்று முதல் பன்னிரண்டு எண்களில் குறிப்பிடப்படுகின்றன. முதலாம் வீடு லக்னம் என்று அழைக்கப்படுகின்றது. கடிகாரச் சுற்று முறையில் (clockwise) இந்த எண்கள் ஏறுவரிசையில் குறிக்கப்படுகிறது. ஒரு குழந்தை பிறக்கும் நேரத்தில் கோள்கள் அல்லது கிரகங்கள் இருக்கும் தீர்க்காம்சத்தைக் கணக்கிட்டு அதற்கேற்ப அவற்றிற்குரிய கட்டங்களில் நிரப்பப்படுகின்றன.

பிறப்பு,ஜாதகம் மூலம் ஒருவர் பிறந்த நேரத்தில் ஜோதிடத்தில் கூறப்படும் சூரியன், சந்திரன், செவ்வாய், புதன், வியாழன், சுக்கிரன், சனி, ராகு மற்றும் கேது ஆகிய கிரகங்களின் நிலைகளை அறியலாம். ஜாதகம் என பிரபலமாக அறியப்படும் இது, ஒரு நபரின் பிறந்த இடம் மற்றும் நேரத்தின் அடிப்படையில் ஒரு குறிப்பிட்ட தருணத்தில் ஒரு குறிப்பிட்ட இடத்தில் கிரகங்களின் நிலைகளை குறிக்கிறது. உங்கள் ஜாதகம் என்பது நீங்கள் பிறந்த நேரத்தில் கிரகங்களின் அமைப்பைக் குறிக்கின்றது. அந்த அமைப்பிற்கேற்ப நமது வாழ்க்கை நிகழ்வுகளை சந்திக்க வேண்டியிருக்கிறது.

ஒரு ஜாதகத்தை எப்படி படித்துப் பார்ப்பது ?

jathagam kattam from date of birth in tamil-ஒருவரின் ஜாதகத்தை சரியாக ஆராய்ந்து கணிப்பதன் மூலம் அவரைப் பற்றிய பெரும்பாலான விஷயங்களை அறிந்து கொள்ளலாம். ஒரு ஜாதகத்தை ஆராய்ந்து கணிப்பது என்பது விரிவான ஆய்வுப்பூர்வமான செயல் ஆகும். இங்கு ஓரு ஜாதகத்தை எவ்வாறு வரிசைப்படுத்தி படிப்பது அல்லது பார்ப்பது என்பதை சுருக்கமாக பார்க்கலாம் வாங்க.

ஜாதகத்தில் "ல" அல்லது "லக்" என்று எழுதப்பட்டிருக்கும் வீடு தான் முதல் வீடு அல்லது லக்னம் என்று அழைக்கப்படுகிறது. அந்த கட்டத்தில் இருந்து தான் கடிகாரச் சுற்றில் (clockwise) ஏறு வரிசையில் வீடுகளை எண்ண வேண்டும்.

மேஷம் முதல் மீனம் வரையிலான பன்னிரண்டு வீடுகளில் ஒவ்வொரு வீட்டிற்கும் ஒரு சின்னம் இருக்கும். இந்த சின்னம் மற்றும் வீடுகளின் பெயர்கள் மாறாத , நிலையானதாகும். கடிகாரச் சுற்று முறையில் எண்ணி, தீர்காம்சத்திற்கேற்ப சூரியன், சந்திரன், செவ்வாய், புதன், வியாழன், சுக்கிரன், சனி, ராகு மற்றும் கேது ஆகிய கிரகங்களுள் எந்தெந்த கிரகங்கள் எந்தெந்த வீட்டில் உள்ளன என்று அறிந்து அமைக்க வேண்டும்.

இறுதியாக ஒன்பது கிரகங்களும் எந்தெந்த வீட்டில் உள்ளன என்பதை அறிய வேண்டும்.

jathagam kattam from date of birth in tamil-இவைகள்தான் ஜாதகத்தின் அடிப்படை விஷயங்கள் ஆகும். இவற்றையெல்லாம் நன்கு ஆராய்ந்து ஜோதிட அறிவை பயன்படுத்தி நுணுக்கமாக ஆராய்ந்து வாழ்வின் ஒவ்வொரு அம்சத்திற்குரிய பலன்களை கணித்து எழுதப்பட வேண்டும்.

ஜாதகத்தை கணிக்க முயற்சிக்கும் சுய ஜாதகத்தை வைத்து முதலில் கற்றுக் கொள்ள முயலலாம். வாழ்க்கை மற்றும் உலகத்துடனான தொடர்பை அறிய முடியும். நீங்களே அறிந்து கொள்ளாத சில விஷயங்களை ஜாதகத்தின் மூலம் அறியலாம்.