ஒவ்வொரு மனிதனுக்குள்ளும் தெய்வீக சக்தி: சொன்னவர் வீரத்துறவி விவேகானந்தர்

எழும்பி பிரகாசி என முழங்கியவர் விவேகானந்தர். விவேகானந்தரின் இயற்பெயர்  நரேந்திரநாத் தத்தா, 19 ஆம் நூற்றாண்டில் வாழ்ந்த ஒரு இந்திய துறவி, தத்துவவாதி, எழுத்தாளர் மற்றும் சமயப் பிரசாரகர் ஆவார். இந்து மதத்தின் வேதாந்த தத்துவத்தையும் யோகத்தையும் மேற்கத்திய உலகிற்கு அறிமுகப்படுத்தியதில் முக்கிய பங்கு வகித்தவர். இவருடடைய பேச்சு மற்றும் எழுத்துக்கள் வாழ்க்கையில் நம்பிக்கையை ஏற்படுத்துவதாக இருக்கிறது.

பிறப்பு மற்றும் இளமைக்காலம்

1863 ஆம் ஆண்டு ஜனவரி 12 ஆம் தேதி, கொல்கத்தாவில்  ஒரு வழக்கறிஞர் குடும்பத்தில் பிறந்தார். சிறுவயதிலேயே அறிவார்வம் மிக்கவராகவும், கேள்வி கேட்கும் குணம் கொண்டவராகவும் விளங்கினார்.

விவேகானந்தரின் தந்தை பெயர் விசுவநாத தத்தா (வழக்கறிஞர்), தாயார் பவானி தேவி (இல்லத்தரசி) இவருக்கு சகோதரிகள்: ஐந்து பேர். பள்ளி படிப்பை பிரசிடென்சி கல்லூரி மெட்ரோ பாலிட்டர் நிறுவனத்தில் படித்தார். பின்னர் கொல்கத்தா பல்கலைக்கழகத்தில் பிஏ தத்துவம் படித்து பட்டம் பெற்றார்.

இராமகிருஷ்ண பரமஹம்சருடனான சந்திப்பு:

1881 ஆம் ஆண்டு, தனது 18 ஆம் வயதில், இராமகிருஷ்ண பரமஹம்சரை சந்தித்தார். பரமஹம்சரின் ஆன்மீக போதனைகளால் ஈர்க்கப்பட்ட விவேகாநந்தர், அவரது முதன்மை சீடரானார்.

அமெரிக்கா பயணம் மற்றும் உலகளாவிய பணி:

1893 ஆம் ஆண்டு, சிகாகோவில் நடைபெற்ற உலக சமய மாநாட்டில் கலந்துகொள்ள அமெரிக்கா சென்றார். அங்கு, இந்து மதத்தின் பன்முகத்தன்மை மற்றும் அதன் உலகளாவிய செய்தியை பிரபலப்படுத்தினார்.

பின்னர், அடுத்த 8 ஆண்டுகளாக, இந்தியா, இலங்கை, அமெரிக்கா மற்றும் ஐரோப்பா உள்ளிட்ட பல்வேறு நாடுகளுக்கு பயணம் செய்து, வேதாந்த தத்துவத்தின் மீது விரிவான சொற்பொழிவுகளை நிகழ்த்தினார்.

விவேகாநந்தரின் போதனைகளின் முக்கியத்துவம்:

ஆன்மீக விழிப்புணர்வு: விவேகாநந்தர், ஒவ்வொரு மனிதனும் தெய்வீக சக்தி கொண்டவர் என்று நம்பினார். இளைய தலைமுறையினரை தங்கள் உள் சக்தியை உணரவும், ஆன்மீக விழிப்புணர்வு பெறவும் ஊக்குவித்தார்.

சேவை மற்றும் சமூக சீர்திருத்தம்: சமூக சேவை மற்றும் சமூக சீர்திருத்தத்தின் முக்கியத்துவத்தை வலியுறுத்தினார். இளைய தலைமுறையினரை தங்களின் சமூகத்திற்கு சேவை செய்யவும், உலகை ஒரு சிறந்த இடமாக மாற்றவும் ஊக்குவித்தார்.

பலத்துடன் கூடிய இளைஞர்கள்: விவேகாநந்தர், வலிமையான மற்றும் சுயாதீனமான சிந்தனையுடன் கூடிய இளைஞர்களை உருவாக்க விரும்பினார். இளைய தலைமுறையினரை தைரியமாகவும், நம்பிக்கையுடனும் இருக்கவும், தங்கள் இலக்குகளை அடைய பாடுபடவும் ஊக்குவித்தார்.

இளைஞர்களின் வழிகாட்டி

விவேகாநந்தர், இன்றைய இளைய தலைமுறைக்கு ஒரு முக்கியமான வழிகாட்டி. அவரது போதனைகள், ஆன்மீக விழிப்புணர்வு, சேவை, சமூக சீர்திருத்தம் மற்றும் தைரியமான இளைஞர்களை உருவாக்குதல் ஆகிய முக்கிய கருத்துக்களை வலியுறுத்துகின்றன.

இந்தியா, இலங்கை, அமெரிக்கா, ஐரோப்பா உள்ளிட்ட பல்வேறு நாடுகளுக்கு பயணம் வேதாந்த தத்துவம், யோகா, இந்து மதம் பற்றிய சொற்பொழிவுகள் இளைஞர்கள் மற்றும் சமூக சீர்திருத்தம் பற்றிய கவனம்

முக்கிய படைப்புகள்:

ராஜயோகம்

கர்மயோகம்

பக்தி யோகம்

ஞான யோகம்

சமூக சேவை

ஆகிய நூல்களை விவேகானந்தர் எழுதி உள்ளார்.

ராமகிருஷ்ண மிஷன் நிறுவுதல், விவேகானந்தா ராகவேந்திர மடம் நிறுவுதல்

கல்வி நிறுவனங்கள், மருத்துவமனைகள், அனாதை ஆசிரமங்கள் அமைத்தல் பணிகளையும் செய்து உள்ளார். 1901 ம் ஆண்டு ஜூலை   4ம் தேதி விவேகானந்தர் மரணம் அடைந்தார்.

தமிழகத்துடனான தொடர்பு

விவேகானந்தருக்கும் தமிழகத்திற்கும் நெருங்கிய தொடர்பு உண்டு. இந்து மத துறவியான அவரை அமெரிக்காவின் சிக்காகோ நகரில் நடைபெற்ற உலக சமய மாநாட்டில் பேசுவதற்காக பொருட்செலவு செய்து அனுப்பி வைத்தவர் ராமநாதபுரம் ராஜா பாஸ்கர  சேதுபதி என வரலாற்று தகவல்கள் கூறுகின்றன.

அந்த மாநாட்டில் அவர் ஆற்றிய உரை அமெரிக்கர்களையே சிந்திக்க வைத்தது. அதற்கு காரணம் அவரது ஆங்கில மொழி புலமை தான். சீமான்களே, சீமாட்டிகளே என ஆங்கிலேயர்கள் பேசி வந்த அந்த கால கட்டத்தில் பிரதர்ஸ் அண்ட் சிஸ்டர்ஸ் என பேசி உலகில் உள்ள அனைவரும் சகோதர  சகோதரிகள் என பேசியது அவர்களை சிந்திக்க வைத்ததுடன் இந்தியர்கள் மீதான மதிப்பையும் உயர்த்தியது.