நமது உடலில் உள்ள தேவையற்ற கொழுப்பை கரைக்க உதவும் கழுதைப்பால்
நமது உடலில் உள்ள தேவையற்ற கொழுப்பை கழுதைப்பால் கரைக்க உதவுகிறது.
கழுதைப்பால் கறக்கும் பெண்மணி (கோப்பு படம்)
கழுதை பாலை பயன்படுத்துவது தற்போது புதிதாக தெரியலாம் ஆனால் பல ஆயிரம் ஆண்டுகளுக்கு முன்பிருந்தே மக்கள் அதை உபயோகித்திருக்கிறார்கள் என்று வரலாறு கூறுகிறது. கழுதை பால் மருந்தாகவும் ,அழகு பராமரிப்பு பொருளாகவும் பயன்படுகிறது. பேரழகி கிளியோபாட்ரா தன்னுடைய சரும அழகை பராமரிப்பதற்கு தினமும் கழுதை பாலில் குளித்ததாக சொல்லப்படுகிறது.
கழுதைப் பாலில் உள்ள வைட்டமின்கள் ஆண்டி ஆக்சிடென்ட்கள் ஆகியவை சருமத்தில் ஏற்படும் சுருக்கம் மற்றும் வயதான தோற்றத்தை தடுக்கும் ஆற்றல் கொண்டவை. இதில் உள்ள வைட்டமின் டி சருமத்தின் ஆரோக்கியத்தை அதிகரிக்கும் சருமத்திற்கு தேவையான ஈரப்பதத்தை அளிக்கும். பசு, எருமை, ஆடு போன்றவற்றை ஒப்பிடும் போது கழுதை பாலில் தாய்ப்பாலுக்கு நிகரான பல சத்துக்கள் உள்ளன என்று கண்டறியப்பட்டுள்ளது.
கழுதை பாலில் கலோரிகள் கார்போஹைட்ரேட்டுகள், புரதம், கொழுப்பு கால்சியம் ரிபோபிளைவின் வைட்டமின் இ ,வைட்டமின் ஏ ,வைட்டமின் பி1 வைட்டமின் பி6 ,வைட்டமின் சி ஒமேகா 3 கொழுப்பு அமிலங்கள், அமினோ அமிலங்கள் போன்ற சத்துக்கள் நிறைந்துள்ளன.
ஐரோப்பிய நாடுகளின் பாரம்பரிய மருத்துவத்தில் கீழ்வாதம், இருமல், அறுவை சிகிச்சை காயங்கள் மற்றும் புண்களை குணப்படுத்துவதற்கு கழுதைப் பாலை பயன்படுத்துகிறார்கள். இதில் லாக்டோ பரின் மற்றும் இம்யூனோகுளெபுலிகன்கள் மற்றும் லைசோசைம் ஆகிய இயற்கையான பாக்டீரியா எதிர்ப்பு பண்புகள் நிறைந்துள்ளன .இவை சால்மோனெல்லா, என்டோரா குஷி,எஸ்கெரிச்சியாய், மற்றும் லிஸ்டீரியா போன்ற பாக்டீரியாக்களுக்கு எதிராக செயல்படும்.
கழுதை பாலில் உள்ள லாக்டோஸ் எலும்பு வளர்ச்சிக்கும் மற்ற தாதுக்களை உறிஞ்சிவதற்கும் உதவுகிறது. மேலும் இது எலும்பின் வலிமை அதிகரிக்க செய்கிறது. கழுதை பால் உள்ள சத்துக்கள் உடலில் இருக்கும் தேவையற்ற கொழுப்பை கரைக்கும், இரத்த குழாய்களில் ரத்தம் உறைவதையும் கொழுப்பு சேருவதையும் தடுக்கும். இரத்த அழுத்தத்தை சீராக்கி இதய ஆரோக்கியத்தை அதிகரிக்கும்.
கழுதை பாலில் உள்ள லாக்டோஸ் குடல் நுண்ணுயிர் பெருக்கத்தை ஊக்குவிக்கும். இதில் உள்ள புரதம் எளிதாக செரிமானமாகக் கூடியது. ரத்தத்தில் உள்ள சர்க்கரைகள் அளவை கட்டுப்படுத்துகிறது. கழுதை பாலை காய்ச்சி பயன்படுத்துவதே நல்லது. சூடு படுத்திய பாலை 3 நாட்களுக்கு வரைக்கும் குளிர் சாதன பெட்டியில் வைத்து பயன்படுத்தலாம். கழுதை பால் பவுடர்,சீஸ் போன்ற வடிவங்களிலும் கிடைக்கிறது.