தேங்காய்ப் பால் பிரிஞ்சி சாதம், கோவக்காய் பொரியல் செய்வது எப்படி?

Coconut milk brinji rice and courgette fritters recipe- சுவையான ரெஸ்டாரெண்ட் ஸ்டைல் தேங்காய்ப்பால் பிரிஞ்சி சாதம் வித் கோவக்காய் பொரியல் எப்படி வீட்டிலேயே சிம்பிளா செய்வது என்று தெரிந்துக்கொள்வோம்,

தேங்காய்ப்பால் பிரிஞ்சி சாதம் செய்ய தேவையான பொருட்கள்;

தேங்காய்-1

தேங்காய் எண்ணெய்-1 குழிக்கரண்டி.

பட்டை-1

கிராம்பு-1

சோம்பு-1 தேக்கரண்டி.

ஏலக்காய்-4

வெங்காயம்-2

பச்சை மிளகாய்-4

இஞ்சி பூண்டு பேஸ்ட்-1 தேக்கரண்டி.

கேரட்-1

பீன்ஸ்-1கப்.

உருளை-1

கொண்டைக்கடலை-1கப்.

உப்பு-1 தேக்கரண்டி.

புதினா, கொத்தமல்லி- தேவையான அளவு.

அரிசி-1 கப்.

கொத்தமல்லி- சிறிதளவு.

தேங்காய் பால் பிரிஞ்சி சாதம் செய்முறை விளக்கம்: 

முதலில் முழு தேங்காய் நன்றாக துருவி அதை மிக்ஸியில் சேர்த்து தண்ணீர் சிறிது ஊற்றி அரைத்து வடிக்கட்டி எடுத்துக்கொள்ளவும்.

இப்போது குக்கரில் 1 குழிக்கரண்டி தேங்காய் எண்ணெய் சேர்த்து பட்டை 1, கிராம்பு 1, சோம்பு 1 தேக்கரண்டி, ஏலக்காய் 4 சேர்த்துவிட்டு பொடியாக நறுக்கிய வெங்காயம் 2, பச்சை மிளகாய் 4 சேர்த்து நன்றாக வதக்கவும். இப்போது இதில் 1 தேக்கரண்டி இஞ்சி பூண்டு பேஸ்ட் சேர்த்து வதக்கவும். பொடியாக நறுக்கிய கேரட் 1, பீன்ஸ் 1 கப், உருளை 1 ஆகியவற்றை சேர்த்து நன்றாக வதக்கவும்.

இத்துடன் வேகவைத்த கொண்டைக்கடலை 1 கப், புதினா, கொத்தமல்லி தேவையான அளவு, உப்பு 1 தேக்கரண்டி சேர்த்து கலந்துவிட்ட பிறகு ஏற்கனவே தயார் செய்து வைத்திருக்கும் தேங்காய்ப் பாலை சேர்க்கவும். 1 கப் அரிசிக்கு 1 ½ கப் தேங்காய்ப்பால் சேர்க்க வேண்டும். இது சற்று கொதித்ததும் ஏற்கனவே ஊறவைத்திருக்கும் அரிசியை 1 கப் சேர்த்துக்கொள்ளவும். கடைசியாக கொத்தமல்லி சிறிது தூவி குக்கரை மூடி 2 விசில் வைத்து எடுத்தால் சுவையான தேங்காய்ப் பால் பிரிஞ்சி சாதம் தயார். நீங்களும் இந்த சூப்பரான ரெசிபியை வீட்டிலே ட்ரை பண்ணிப் பாருங்கள்.

கோவக்காய் பொரியல் செய்ய தேவையான பொருட்கள்;

கோவக்காய்-2 கப்.

எண்ணெய்- தேவையான அளவு.

கடுகு-1 தேக்கரண்டி.

உளுந்து-1 தேக்கரண்டி.

கருவேப்பிலை-சிறிதளவு.

வெங்காயம்-1

உப்பு-1 தேக்கரண்டி.

தக்காளி-1

மஞ்சள் தூள்-1/4 தேக்கண்டி.

மிளகாய் தூள்-1 தேக்கரண்டி.

தேங்காய் துருவல்- சிறிதளவு.

கோவக்காய் பொரியல் செய்முறை விளக்கம்;

முதலில் கோவக்காயை சின்ன சின்னதாக வெட்டி எடுத்துக்கொள்ளவும். இப்போது அடுப்பில் கடாயை வைத்து தேவையான அளவு எண்ணெய்யை ஊற்றிக் கொள்ளவும்.

அதில் 1 தேக்கரண்டி கடுகு, 1 தேக்கரண்டி உளுந்து சேர்த்து கருவேப்பிலை சிறிது, நறுக்கிய வெங்காயம் 1 சேர்த்து நன்றாக வதக்கவும். இப்போது இதில் 1 தேக்கரண்டி உப்பு, நறுக்கிய தக்காளி 1, மஞ்சள் தூள் 1/4 தேக்கரண்டி சேர்த்து நன்றாக வதக்கவும். இப்போது வெட்டி வைத்திருக்கும் கோவக்காய் 2 கப்பை சேர்க்கவும். இத்துடன் 1 தேக்கரண்டி மிளகாய்த்தூள் சேர்த்து நன்றாக கிளறிவிடவும், கொஞ்சமாக தண்ணீர் சேர்த்து இப்போது இதை ஒரு 2 நிமிடம் வேக வைக்கவும். கடைசியாக தேங்காய் துருவல் சிறிது சேர்த்து கிளறிவிட்டு இறக்கினால் சுவையான கோவக்காய் பொரியல் தயார். நீங்களும் இந்த ரெசிபியை வீட்டிலேயே ட்ரை பண்ணிப் பாருங்கள்!