இந்தோனேசியா ஜாவா தீவில் ரயில்கள் மோதி விபத்து

இந்தோனேசியாவின் முக்கிய தீவான ஜாவாவில் வெள்ளிக்கிழமை இரண்டு ரயில்கள் நேருக்கு நேர் மோதியதில் பல பெட்டிகள் கவிழ்ந்து விபத்துக்குள்ளானதில் மூன்று பேர் உயிரிழந்தனர்.

இதுகுறித்து தேசிய ரயில்வேயான பி.டி கெரெட்டா அபி இந்தோனேசியாவின் செய்தித் தொடர்பாளர் அயிப் ஹனாபி கூறுகையில், மேற்கு ஜாவாவின் பாண்டுங் நகரில் உள்ள சிகலெங்கா ரயில் நிலையத்திலிருந்து சுமார் 500 மீட்டர் தொலைவில் இந்த விபத்து நிகழ்ந்துள்ளது.

கிழக்கு ஜாவா மாகாணத்தின் தலைநகரான சுரபயாவிலிருந்து பாண்டுங் நோக்கிச் சென்ற துரங்கா விரைவு ரயில், சிகலெங்கா நிலையத்திலிருந்து படாலராங் நோக்கிச் சென்ற பயணிகள் ரயில் மீது மோதியதாக என்று அவர் கூறினார்.

இந்த விபத்தில் குறைந்தது மூன்று பேர் உயிரிழந்ததாகவும், மேலும் பலர் காயமடைந்துள்ளதாகவும் மேற்கு ஜாவா காவல்துறை செய்தித் தொடர்பாளர் இப்ராஹிம் டோம்போ தெரிவித்துள்ளார்.

தொலைக்காட்சியில்ல வெளியான வீடியோவில், பல வண்டிகள் தலைகீழாக கவிழ்ந்து மோசமாக சேதமடைந்தன. ஒரு ரயில் அருகில் இருந்த நெல் வயலில் கவிழ்ந்தது. பீதியடைந்த பயணிகள் ரயிலில் இருந்து இறங்க முயன்றதால் மக்கள் அலறினர். காயமடைந்தவர்களை ஆம்புலன்ஸ்கள் வெளியேற்றியதால் சிலர் சூட்கேஸ்கள் மற்றும் பிற பொருட்களுடன் வயல் வழியாக நடந்து சென்றனர்.

பயணிகள் ரயிலில் 106 பயணிகளும், துரங்காவில் 54 பயணிகளும் மீட்கப்பட்டுள்ளனர். விபத்துக்கான காரணம் குறித்து விசாரிக்கப்பட்டு வருகிறது.