செவ்வாயால் பூமியில் டான்ஸ் ஆடும் கடல்...! வெளிவந்த மர்மங்கள்..!
செவ்வாய் ரகசியம்: பூமியின் கடல்களை ஆட்டுவிக்கும் விந்தை
கடற்கரை மணல், அலைகளின் ஓசை, அந்த ஈரக் காற்றின் வாசம்... கடல் ஏதோ மாயம் செய்கிறது நமக்கு. ஆனால், அந்த மாயத்தின் பின்னால் இருக்கும் ஒரு விந்தையை சொன்னால் நம்புவீர்களா? பக்கத்து வீட்டுக்காரன் போல நம் கண்ணுக்குத் தெரியும் செவ்வாய் கிரகம், பூமியின் கடல் அலைகளை ஆட்டி வைக்கிறது!
என்ன விளையாடுகிறாயா என்று நினைக்காதீர்கள். இது விளையாட்டு அல்ல, அறிவியல் ஆராய்ச்சியின் அதிர்ச்சி முடிவு. பல லட்சம் வருடங்களாக, செவ்வாயின் ஈர்ப்பு விசை நம் கடல்களை தன் இசைக்கு ஆட வைத்திருக்கிறது என்பதுதான் அந்த ஆய்வு காட்டும் உண்மை.
இந்த செவ்வாய் சதி எப்படி?
நிலவு எப்படி பூமியைச் சுற்றிவருகிறதோ, அதுபோல நாமும் செவ்வாயும் சூரியனை மையமாக வைத்து சுற்றி வருகிறோம். ஆனால், இந்த சுற்றுப்பாதை என்பது சும்மா வட்டமாக இல்லை. பூமியின் பாதை சற்று நீள்வட்டம், செவ்வாய் பாதை ஒழுங்கற்ற வடிவம். இப்படி நாம் சுற்றும்போது ஒருவருடைய ஈர்ப்பு விசை மற்றவரை லேசாக இழுக்கும், தள்ளும். விளைவு?
கடலுக்குள் குழப்பம்
இந்த இழுப்பு பூமி சுழலும் வேகத்தில் மிக நுட்பமான மாற்றங்களை சில லட்சம் வருடங்களுக்கு ஒருமுறை ஏற்படுத்துகிறது. இதனால், பூமியின் ஆழ்கடல் நீரோட்டங்கள் மாறுபடுகின்றன. பொதுவாக அமைதியான கடலடி, சில காலங்களில் கொந்தளித்து ஓடுவதாக அந்த ஆய்வுகள் காட்டுகின்றன.
சரி, இதனால் நமக்கென்ன?
அந்த ஆழ்கடல் நீரோட்டங்களின் மாற்றங்கள்தான் மிக முக்கியம். அவைதான் பூமியின் வெப்பச் சலனத்தை ஒரு இடத்திலிருந்து இன்னொரு இடத்திற்கு கொண்டு செல்கின்றன. கடலுக்கு அடியிலேயே இப்படி ஒரு தட்பவெப்ப அமைப்பு இருப்பது சிலருக்கு ஆச்சரியத்தைத் தரலாம். அதனால்தான், செவ்வாய் 'ஆட்டிய' நேரங்களில், பூமியின் ஒட்டுமொத்த காலநிலையே மாறியிருக்கிறது.
இது கதை அல்ல, வரலாறு
அதாவது, அண்டவெளியில் அமைதியாக சென்று கொண்டிருக்கும் செவ்வாய், லட்சக்கணக்கான ஆண்டுகளுக்கு முன் பூமியில் பனி யுகங்களையும் வெப்ப காலங்களையும் தூண்டிவிட்டிருக்கிறது என்பதுதான் ஆச்சரியம்.
அடுத்து என்ன?
செவ்வாயின் இந்த சேட்டை ஒரு இயற்கையான நிகழ்வு. ஆனால், கிரகங்களின் விளையாட்டு நமக்கு ஒன்றை மிகத் தெளிவாக சொல்கிறது – பூமியின் சுற்றுச்சூழல் எவ்வளவு நுட்பமானது, எவ்வளவு எளிதாக அதன் சமநிலை குலைந்து போகலாம் என்பதை!
கடல் சர்க்கஸ்
கடலின் மேற்பரப்பை நாம் அறிவோம். ஆனால், ஆழ்கடல் என்பது வேறு உலகம். அங்கு அடர்ந்த இருட்டு, உறைபனி குளிர், மனிதர்களை நசுக்கிவிடக்கூடிய அழுத்தம். இந்த சூழலில்தான், நதிபோல மாபெரும் நீரோட்டங்கள் மெதுவாக, ஆனால் சக்தி வாய்ந்ததாக பாய்கின்றன. இவைதான் உலகெங்கும் வெப்பத்தை பங்கிட்டு வைக்கின்றன.
இந்த நீரோட்டங்களை கற்பனை செய்து பாருங்கள் – கடலுக்கு அடியில் ராட்சத அனகொண்டா பாம்புகள் ஊர்வது போல! அவை மேலே எழுந்து குளிர்ந்த பகுதிகளுக்கு சூட்டை எடுத்துச் செல்கின்றன, பிறகு மீண்டும் ஆழத்தில் மூழ்கி வெப்பமான பகுதிகளிலிருந்து குளிர்ச்சியை இழுத்து வருகின்றன. இந்தப் பரிமாற்றம் இல்லாவிட்டால், பூமியின் பல பகுதிகள் வாழத் தகுதியற்றவையாக மாறியிருக்கும்!
செவ்வாய் குழப்பிய காலங்கள்
செவ்வாய் நம் கடலை சுண்டி இழுக்கும்போது, இந்த நீரோட்டங்களின் வேகமும் திசையும் மாறுகின்றன. சில ஆண்டுகளில் இது பெரும் தாக்கம் தராமல் இருக்கலாம். ஆனால், பல லட்சம் வருட காலப்போக்கில், நிலையான கடல் சர்க்கஸ் குழம்பிப் போகிறது. விளைவு, பூமியின் ஒரு பகுதி அதிகமாக சூடாகும் போது, இன்னொரு பகுதி பனிக்கட்டியாக உறைகிறது.
