காலநிலை பற்றிய தவறான தகவல் விளம்பரங்களுக்கு கூகுள், யூடியூப்பில் தடை

காலநிலை மாற்றத்தை மறுக்கும் யூடியூப் வீடியோக்கள் மற்றும் பிற உள்ளடக்கங்களில் வரும் விளம்பரங்களை நிறுத்துவதாகவும், அது போன்ற விளம்பரங்களை தடை செய்வதாகவும் கூகுள் கூறியுள்ளது.

இது குறித்து அந்த நிறுவனம் கூறுகையில், காலநிலை மாற்றம் மற்றும் அதனை சுற்றியுள்ள அறிவியல் ஒருமித்த கருத்துக்கு முரணான உள்ளடக்கத்திற்கான விளம்பரங்கள் மற்றும் பணமாக்குதல் ஆகியவற்றுக்கு தடை விதிக்கப்படும். இதனை மெஷின் மற்றும் மனிதர்கள் மதிப்பாய்வு மூலம் செயல்படுத்தப்படும்.

நீண்ட காலமாக உலகளாவிய காலநிலை வெப்பமடைதல் மற்றும் மேலும் பசுமை இல்ல வாயு உமிழ்வு அல்லது மனித செயல்பாடு காலநிலை மாற்றத்திற்கு பங்களிக்கிறது என்பதை மறுத்து, காலநிலை மாற்றத்தை ஒரு புரளி அல்லது மோசடி என்று குறிப்பிடுகிற அனைத்து உள்ளடக்கத்திற்கும் இது பொருந்தும்.

மாற்றங்கள் காலநிலை மாற்றத்தை மறுக்கும் உள்ளடக்கத்திலிருந்து விளம்பர வருவாயை சம்பாதிப்பதில் இருந்து யூடியூப் படைப்பாளிகள் நிறுத்தப்படுவார்கள் என்று கூறியுள்ளது.

உள்ளடக்கத்தின் பணமாக்குதலை நிறுத்துவது மட்டுமே அதை அகற்றாது அல்லது அதன் முக்கியத்துவத்தை குறைக்காது. ஆனால் கூகுள் அது இரண்டையும் செய்வதாகக் கூறுகிறது, மேலும் மக்கள் காலநிலை தொடர்பான சதித்திட்டங்களைத் தேடும்போது கூட அதிகாரப்பூர்வ தகவலை வழங்க முயல்கிறது.

காலநிலை மாற்றம் போன்ற பிரச்சினைகளில் செயல்பாட்டை ஊக்குவிக்கும் ஒரு அமெரிக்க இலாப நோக்கற்ற அமைப்பான ஆவாஸின் 2020 அறிக்கையில், யூடியூப் இந்த காலநிலை தவறான தகவல் உள்ளடக்கத்தை அதன் பணமாக்குதல் திட்டத்தின் மூலம் ஊக்குவிக்கிறது" என்று குற்றம் சாட்டியது.

முக்கியமான கிளாஸ்கோ உச்சிமாநாட்டிற்கு மூன்று வாரங்கள் உள்ள நிலையில், அதை குறைமதிப்பிற்கு உட்படுத்தும் காலநிலை பற்றிய தவறான தகவல்கள், மற்ற சமூக ஊடக தளங்கள் கூகுளின் கொள்கையை விரைவாக பின்பற்ற வேண்டும். கூகுளின் இந்த நடவடிக்கை, சமூக ஊடகங்களில், காலநிலை மாற்றத்தின் உண்மையான அச்சுறுத்தலை மறுத்து, குறைத்து மதிப்பிடுவதிலிருந்து லாபம் பார்க்க விரும்புவோரை விலக்க முயற்சிக்கும் முதல் படியாகும்.

காலநிலை மாற்றம் பற்றி தவறான உணர்ச்சிகரமான உள்ளடக்கத்தை உருவாக்கி, அதன் மூலம் அதிக பார்வையாளர்களை கவர்ந்து அதன் மூலம் விளம்பரம் செய்து பணம் சம்பாதிக்கின்றனர். இந்த புதிய கொள்கை, குறைந்தபட்சம் கூகுள் தளங்களில் விளம்பரங்களுக்கு முற்றுப்புள்ளி வைப்பதை நோக்கமாகக் கொண்டுள்ளது.

ஆனால் தொற்றுநோய் பற்றிய பொய்களைப் போலவே, அதே தீவிரத்தோடு - காலநிலை மாற்ற தவறான தகவலை சமாளிக்க சமூக ஊடக தளங்களுக்கு விமர்சகர்கள் அழைப்பு விடுக்கின்றனர்.

தவறான தகவல்களை பரப்புவது மற்றும் தளங்களின் வழிமுறைகளிலிருந்து காலநிலை மாற்றம் குறித்து தவறாக வழிநடத்தும் வீடியோக்கள் மற்றும் உள்ளடக்கங்களை அழித்தல் ஆகியவை அடங்கும். அதனால் அவை பயனர்களுக்கு பரிந்துரைக்கப்படவில்லை. தடுப்பூசி எதிர்ப்பு மற்றும் கொரோனா வைரஸ் சதித்திட்டம் போன்றவை சமூக ஊடக தளங்களை செயல்பட தூண்டியது.

இந்த பூமியை காப்பாற்றும் முயற்சிகளுக்குத் தடையாக இருக்கும் தீங்கு விளைவிக்கும் பொய்களை எதிர்த்துப் போராடுவதற்கு சமூக ஊடக தளங்கள் தீர்க்கமாகவும் விரைவாகவும் செயல்படுமா? என்ற கேள்வி மட்டும் எப்போதும் இருக்கிறது.

கிரீன்பீஸின் சில்வியா பாஸ்டோரெல்லி இந்த அறிவிப்பை வரவேற்றாலும், "பெரிய காலநிலை தவறான தகவல்கள், மற்றும் பெரிய தொழில்நுட்ப தளங்களில் வெளிப்படையான காலநிலை மறுப்பு ஆகியவற்றை நிறுத்த எமுடியவில்லை என்று கூறினார்.