தமிழ்நாடு வேதர்மன் மழை நிலவரத்தை பற்றிய ட்விட்டரில் தகவல் அறிவிப்பு
மன்னார் வளைகுடா பகுதியில் நிலவி வரும் ஆழ்ந்த காற்றழுத்த தாழ்வுப்பகுதி காரணமாக தமிழ்நாடு, கேரளா, கர்நாடகா, ஆந்திரா போன்ற மாநிலங்களில் கனமழை பெய்து வருகிறது. நேற்று முழுவதும் சென்னை, காஞ்சிபுரம், செங்கல்பட்டு, திருவள்ளூர் மற்றும் டெல்டா மாவட்டங்களில் பலத்த மழை பெய்தது.
வேதர் மென் கருத்து | Vedar Men's opinion
தனியார் வானிலை ஆர்வலர்களும் கனமழை குறித்து எச்சரிக்கை விடுத்துள்ளனர். இந்நிலையில், தமிழ்நாடு வெதர்மேன் பிரதீப் ஜான், தமிழகத்தில் எந்த மாவட்டங்களில் கனமழை பெய்து கொண்டிருக்கின்றது என்பதை பற்றிய பட்டியலை வெளியிட்டுள்ளார். அவர் தனது ட்விட்டரில், தமிழகத்தின் நீண்ட பருவமழை காலத்தின் கடுமையான நாளாக அமைகின்றது என கூறியுள்ளார். பத்தாம் தேதி வரை கிட்டத்தட்ட அனைத்து மாவட்டங்களிலும் கனமழை பதிவாகியுள்ளது. ஒரு மாவட்டத்தையும் தவிர்க்க முடியாது என்று அவர் குறிப்பிட்டுள்ளார்.
மாஞ்சோலையில் 500 மிமீ மழை பதிவாகியுள்ளது, மயிலாடுதுறை-கடலூர் பெல்ட்டில் 300 மிமீ மழை பெய்துள்ளது. தூத்துக்குடி கோவில்பட்டியில் 350 மிமீ மழை பெய்துள்ளது. குற்றாலம், வரலாற்று சிறப்புமிக்க நீர் வீழ்ச்சியையும் கண்டுள்ளது. திண்டுக்கல், பெரம்பலூர் மற்றும் அரியலூர் இடையே பரவலாக மழை பெய்துள்ளது.
மேலும், ராமநாதபுரம் மற்றும் விருதுநகர் பகுதிகளிலும் கனமழை பெய்துள்ளது. KTCC மற்றும் ராணிப்பேட்டையில் வெள்ளம் உருவாகியுள்ளது, இதனால் நந்தியாற்றில் அதிக அளவு நீர் வெளியேறி, பூண்டி அணைக்கு 13,000 கனஅடி நீர் வரத்து உள்ளதாக கூறப்படுகிறது. நீர் திறப்பு 12,000 கனஅடியாக அதிகரிக்கப்படும் என எதிர்பார்க்கப்படுகிறது.
சில பகுதிகளில், குறிப்பாக தென்காசி மற்றும் நெல்லையில், இன்னும் மழை பெய்து கொண்டிருக்கிறது. அங்கு வரலாற்று சிறப்புமிக்க மழை பெய்துள்ளது. மாஞ்சோலையில் மீண்டும் கனமழை பெய்யும் என்று எதிர்பார்க்கப்படுகிறது. திருநெல்வேலியில் 200 மிமீ மழை பதிவாகியுள்ளது, மணிமுத்தாறு அணையில் 300 மிமீ மழை பதிவாகியுள்ளது. மாஞ்சோலை நிலையங்களில் 400 மிமீ மழை பெய்யும் என அறிவிக்கப்பட்டுள்ளது.
டெல்டா மாவட்டங்கள், மயிலாடுதுறை-கும்பகோணம்-அரியலூர் பெல்ட்டில் 150-200 மிமீ மழை பெய்துள்ளது. மணிமுத்தாறு அணைக்கு அதிக அளவு நீர்வரத்து எதிர்பார்க்கப்படுகிறது. குற்றாலத்தில் வரலாற்றுச் சிறப்புமிக்க மழை பெய்துள்ளதாகவும் தமிழ்நாடு வெதர்மேன் குறிப்பிட்டுள்ளார்.
