மோச்சா புயல் தமிழகத்தை தாக்காது: அப்பாடா என மக்கள் நிம்மதி

Cyclone Mocha Chennai-மோச்சா புயல் தமிழகத்தை பாதிக்காது என மண்டல வானிலை மையம் அறிவித்து உள்ளதால் மக்கள் நிம்மதி பெருமூச்சு விட்டுள்ளனர்.

தமிழகத்தில் இந்த ஆண்டு கோடை மழை வெளுத்து வாங்கி வருகிறது. அக்கினி நட்சத்திரம் மே 4ந்தேதி தொடங்கியது. பொதுவாக அக்கினி நட்சத்திரம் நாட்களில் வெயில் அதிக அதிகமாக இருக்கும். மக்கள் கடும் அவதி அடைவார்கள். ஆனால் இந்த ஆண்டு அந்த நிலைமை இல்லை. தொடர்ந்து பெய்து வரும் மழையால் ஒட்டுமொத்த தமிழகமே ஊட்டி, கொடைக்கானல் போல் மாறி உள்ளது.

இந்நிலையில் வங்கக் கடலில் நிலவும் சூறாவளி மண்டலம், மே 9-ஆம் தேதிக்குள் புயலாக வலுப்பெறக் கூடும் என வானிலை ஆய்வு மையம் (ஆர்.எம்.சி) ஞாயிற்றுக்கிழமை தெரிவித்து இருந்தது. ஆர்.எம்.சி.யின் படி, `மோச்சா' என்று பெயரிடப்பட்ட சூறாவளி புயல், வடக்கு திசையில் நகரும் என்பதால், தமிழகத்தின் தாக்கம் குறைவாக இருக்கும்.

இது மே 9 ஆம் தேதி தென்கிழக்கு வங்காள விரிகுடா மற்றும் அதை ஒட்டிய தெற்கு அந்தமான் கடற்பகுதியில் காற்றழுத்த தாழ்வு மண்டலமாக வலுவடைந்து, பின்னர் மத்திய வங்காள விரிகுடா மற்றும் வடக்கு அந்தமான் கடலை ஒட்டி வடக்கு நோக்கி நகர்ந்து ஒரு புயலாக வலுவடையும் என்று எதிர்பார்க்கப்படுகிறது.

சூறாவளி புயல் தமிழகத்தில் எந்த தாக்கத்தையும் ஏற்படுத்தாது என்பதால், மாநிலத்தின் உள் மற்றும் கடலோர மாவட்டங்களில் அதிகபட்ச வெப்பநிலை இரண்டு முதல் நான்கு டிகிரி செல்சியஸ் வரை உயரும் என எதிர்பார்க்கப்படுகிறது.

ஆர்.எம்.சி. அதிகாரிகள் கூறுகையில், `மோச்சா' ஆரம்ப கட்டத்தில் இருப்பதாகவும், அது வலுவான சூறாவளியாக உருவான பின்னரே புயலின் மற்ற அளவுருக்கள் பகிரங்கப்படுத்தப்படும் என்றும் தெரிவித்தனர். தமிழகத்தை புயல் தாக்காது என அறிவிக்கப்பட்டு இருப்பதால் மக்கள் நிம்மதி அடைந்துள்ளனர்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2