சங்கமேஸ்வரர் கோவிலில் சித்திரை தேர்த்திருவிழா கோலாகலமாக தொடக்கம்

பவானியில் சங்கமேஸ்வரர் கோவிலில் சித்திரை தேர்த்திருவிழா கோலாகலமாக தொடக்கம்

பவானி கூடுதுறை பகுதியிலுள்ள பிரசித்தி பெற்ற சங்கமேஸ்வரர் கோவிலில், ஆண்டுதோறும் நடைபெறும் சித்திரை தேர்த்திருவிழா சிறப்பாக தொடங்கியது. விழாவின் தொடக்கமாக, பக்தர்கள் சிவனடியார்களுடன் இணைந்து பவனி எடுத்துச் சென்று, கோவிலில் உள்ள லிங்கத்துக்கு அருகே கொடியை அழைத்து வந்து, சிறப்பு பூஜைகள் நடத்தினர். 'சிவ சிவ' எனும் முழக்கத்துடன் ஆன்மிக வளத்தில், கோவில் கொடிமரத்தில் புனிதக் கொடி ஏற்றப்பட்டது.

அதனைத் தொடர்ந்து, நேற்று மாலை பஞ்சமூர்த்திகளின் புறப்பாடு நிகழ்ச்சி சிறப்பாக நடைபெற்றது. இன்று காலை ஆதிகேசவ பெருமாள் சன்னதியில் கொடியேற்றம், அபிஷேகம் மற்றும் ஆராதனை நடைபெற உள்ளது.

விழா நாள்களில், மே 5ம் தேதி சிம்ம வாகனத்தில், 6ம் தேதி ரிஷப வாகனத்தில் சுவாமி மற்றும் கருட வாகனத்தில் பெருமாள் புறப்பாடு, 7ம் தேதி யானை வாகனம், 8ம் தேதி சிம்ம மற்றும் ஹனுமந்த வாகனங்களில் வலம் வரும் நிகழ்ச்சிகள் நடைபெறவுள்ளன. தினந்தோறும் ஆயிரக்கணக்கான பக்தர்கள் கலந்து கொண்டு தரிசனம் செய்கின்றனர்.