சோனா கல்லூரியில் விளையாட்டு விழா

சோனா கல்வி நிறுவனத்தில் விளையாட்டு விழா கொண்டாட்டம்

சேலம் தியாகராஜர் பாலிடெக்னிக், சோனா தொழில்நுட்பம் மற்றும் கலை அறிவியல் கல்லூரி மாணவர்களுக்கான விளையாட்டு விழா கல்லூரி மைதானத்தில் சிறப்பாக நடைபெற்றது. விழாவில் சோனா கல்வி குழும துணைத்தலைவர் தியாகு தலைமை வகித்தார். நிகழ்ச்சியின் தொடக்கத்தில், விளையாட்டுத் துறை இயக்குனர்கள் சவுந்தராஜன், ஸ்ரீதரன் மற்றும் அனிதா ஆகியோர் விளையாட்டு அறிக்கையை சமர்ப்பித்தனர். இந்திய கபடி அணியின் முன்னாள் உறுப்பினரும் தற்போது போலீஸ் துறையில் எஸ்.ஐ. பதவியில் உள்ளவருமான கணேசன் மற்றும் போலீஸ் எஸ்.ஐ. துர்காதேவி ஆகியோர் சிறப்புரையாற்றினர். விழாவில் தேசிய அளவில் நடைபெற்ற போட்டிகளில் வெற்றி பெற்று சாதனை படைத்த மாணவ-மாணவியருக்கு தியாகு, கணேசன் மற்றும் துர்காதேவி ஆகியோர் பரிசுகளை வழங்கி பாராட்டினர். மண்டல, மாநில மற்றும் அகில இந்திய பல்கலைக்கழக அளவில் பளுதூக்குதல், சதுரங்கம், கைப்பந்து, கூடைப்பந்து, டேபிள் டென்னிஸ், பேட்மின்டன் போன்ற விளையாட்டுகளில் வெற்றி பெற்ற அணிகளுக்கு கோப்பைகள் வழங்கப்பட்டன. மேலும், கல்லூரி பேராசிரியர்கள் மற்றும் பணியாளர்களுக்கு நடத்தப்பட்ட போட்டிகளில் வெற்றி பெற்றவர்களுக்கும் பரிசுகள் வழங்கப்பட்டன. இந்நிகழ்ச்சியில் சோனா கல்வி குழும இயக்குனர் கார்த்திகேயன், முதல்வர்கள் செந்தில்குமார், காதர்நவாஷ், கனகராஜ் மற்றும் கவிதா உள்ளிட்ட பலரும் கலந்து கொண்டனர்.