அதிகாரி வரம்பு மீறியதால் கலெக்டர் அலுவலகத்தில் கிராம உதவியாளர்கள் போராட்டம்

ஈரோடு கலெக்டர் அலுவலக வளாகத்தில், தமிழ்நாடு வருவாய் துறை கிராம உதவியாளர் சங்கத்தின் சார்பில் போராட்டம் நடைபெற்றது.

செங்கல்பட்டு மாவட்டம் மதுராந்தகம் வட்டத்திலுள்ள அச்சிரப்பாக்கம் கிராமத்தில், வருவாய் துறையில் கிராம உதவியாளராக பணியாற்றி வந்த கீதா என்பவரிடம், ஆர்.டி.ஓ., ஆர்.ஐ., மற்றும் வி.ஏ.ஓ. ஆகிய மூவரும் தகாத வார்த்தைகளால் பேசிய சம்பவம் தொடர்பாக, இந்த ஆர்ப்பாட்டம் நடத்தப்பட்டது.

அதிகாரிகள் செயற்பாட்டை கண்டித்து, உரிமை மற்றும் மரியாதைக்காக உரத்த குரலில் கோஷங்கள் எழுப்பப்பட்டன.

மாவட்ட கிராம உதவியாளர் சங்கத் தலைவர் குருநாதன் தலைமையில் போராட்டம் நடைபெற, ஒருங்கிணைப்பாளர் வெங்கிடு சம்பவத்தின் தீவிரத்தையும், தேவையான நடவடிக்கைகள் எடுக்கப்பட வேண்டிய அவசியத்தையும் வலியுறுத்தி உரையாற்றினார்