ஓய்வுபெற்ற நீதிமன்ற ஊழியரின் வீட்டில் திருட்டு

பெருந்துறையை அடுத்த முள்ளம்பட்டி கோர்ட் காலனியை சேர்ந்த ஓய்வு பெற்ற நீதிமன்ற ஊழியர் ராஜேந்திரன் (வயது 60) கடந்த 3ம் தேதி தனது மனைவியுடன் சென்னையில் உள்ள மகன் வீட்டிற்கு சென்று இருந்தார். இவரது இல்லம் காலியாக இருந்த நிலையில், கடந்த இரவு மர்ம நபர்கள் வீட்டின் பூட்டை உடைத்து உள்ளே புகுந்துள்ளனர். இதில் பீரோவில் வைத்திருந்த ரூ.26,000 பணம், கை கடிகாரம் மற்றும் ஒரு மொபைல் போன் கொள்ளையடிக்கப்பட்டது. சம்பவத்தை ராஜேந்திரனின் மைத்துனர் ராஜா முதலில் கவனித்து, அவருக்கு தகவல் அளித்தார். இது தொடர்பாக காஞ்சிக்கோவில் போலீசார் வழக்குப்பதிவு செய்து, விசாரணை நடத்தி வருகின்றனர்.