இரவு நேரத்தில் பெண் வழி தெரியாமல் தவிப்பு

வழி தவறி வந்த பெண் பாதுகாப்பாக மீட்புSalem district news today, Salem news today live, Salem news, Salem news in tamil, Latest Salem news

சேலம் மாவட்டம் சூரமங்கலம் ராமகவுண்டனூர் ஓடைவட்டத்தைச் சேர்ந்த 40 வயதான மணிமேகலை என்ற பெண் வழிதவறி அலைந்து கொண்டிருந்த நிலையில் போலீசாரால் பாதுகாப்பாக மீட்கப்பட்டுள்ளார்.

நேற்று முன்தினம் இரவு ஆச்சாங்குட்டபட்டியில் உள்ள போலீஸ் சோதனைச் சாவடிக்கு வந்த மணிமேகலை குடிக்க தண்ணீர் கேட்டார். இரவு நேரத்தில் தனியாக வந்திருந்த அவரிடம் காவலர் வெங்கடாஜலம் விசாரித்தபோது, அவர் சற்று மனநலம் பாதிக்கப்பட்டவர் என்பதும், வழிதவறி அந்தப் பகுதிக்கு வந்துவிட்டார் என்பதும் தெரியவந்தது.

உடனடியாக காவலர் வெங்கடாஜலம் இதுகுறித்து தகவல் தெரிவித்ததையடுத்து, சூரமங்கலம் போலீசார் சம்பவ இடத்திற்கு விரைந்து சென்று மணிமேகலையை பாதுகாப்பாக மீட்டனர். பின்னர் அவரது குடும்பத்தினரைத் தொடர்பு கொண்டு அழைத்து, மணிமேகலையை அவரது பெற்றோரிடம் பாதுகாப்பாக ஒப்படைத்தனர்.

இந்த மனிதாபிமான செயலுக்காக காவலர் வெங்கடாஜலம் மற்றும் சூரமங்கலம் போலீஸாரின் துரித நடவடிக்கை பலராலும் பாராட்டப்பட்டுள்ளது.