சேலத்தில் பா.ஜ., வினர் காஷ்மீர் தாக்குதலை கண்டித்து ஆர்ப்பாட்டம்

காஷ்மீர் தாக்குதலை கண்டித்து சேலத்தில் பா.ஜ. ஆர்ப்பாட்டம் – பாகிஸ்தான் கொடி எரிப்பு

காஷ்மீரின் பஹல்காம் பகுதியில் பயங்கரவாதிகள் நடத்திய தாக்குதலில் 26 சுற்றுலா பயணிகள் கொல்லப்பட்டதை கண்டித்தும், தீவிரவாதத்தை வேரறுக்கும் கோரிக்கையோடும், பா.ஜ. சார்பில் சேலத்தில் பல்வேறு இடங்களில் கண்டன ஆர்ப்பாட்டங்கள் நடத்தப்பட்டன.

சேலம் கோட்டை மைதானத்தில் நடந்த ஆர்ப்பாட்டத்திற்கு மாநகர் பா.ஜ. தலைவர் சசிக்குமார் தலைமையிலானார். இதில் மாநில துணைத்தலைவர் ராமலிங்கம் பேசுகையில், "பாகிஸ்தானை ஆதரிக்கும் சக்திகளால் காஷ்மீரில் அமைதிக்கேட்ட சூழ்நிலை உருவாகியுள்ளது. பயணிகள் உயிரிழந்துள்ள இந்தப் பயங்கரத் தாக்குதலுக்கு காரணமான தீவிரவாதத்தை வேரறுக்க வேண்டும். ஆனால், தமிழகத்தில் பா.ஜ. சார்பில் அஞ்சலி செலுத்தவும் அனுமதி வழங்காதது வருந்தத்தக்கது," என்றார்.

இந்தக் கண்டன ஆர்ப்பாட்டத்தில், தேசிய பொதுக்குழு உறுப்பினர் சிவகாமி, முன்னாள் மாவட்ட தலைவர் சுரேஷ்பாபு, துணைத்தலைவர் பிரபாகரன், மாவட்ட செயலர் செந்தில்குமார், பொருளாளர் ராஜ்குமார், வக்கீல் நாச்சிமுத்துராஜா உள்ளிட்டோர் கலந்து கொண்டனர்.

இதேபோல், வாழப்பாடி பஸ் நிலையத்தில் சேலம் கிழக்கு மாவட்ட பா.ஜ. சார்பாகவும் மாவட்ட தலைவர் சண்முகநாதன் தலைமையில் ஆர்ப்பாட்டம் நடைபெற்றது. இதில் மாநில துணைத்தலைவர் ராமலிங்கம் பங்கேற்றார். ஆர்ப்பாட்டத்தின் ஒரு பகுதியாக, பாகிஸ்தான் நாட்டின் கொடியை தீ வைத்து எரித்து கண்டனம் தெரிவிக்கப்பட்டது.

மாவட்ட துணைத்தலைவர் சுந்தரமூர்த்தி, பொதுச்செயலர்கள் ராமச்சந்திரன், ராஜா, ராஜேந்திரன், குமார், மாவட்ட பொருளாளர் செல்வம், செயலர்கள் ருத்ரம்மாள், பிரபாகரன், அலுவலக செயலாளர் வெங்கடேசன் உள்ளிட்ட பலர் இதில் பங்கேற்றனர். நிகழ்வின் முடிவில், வாழப்பாடி தெற்கு ஒன்றியத் தலைவர் நெப்போலியன் நன்றி கூறினார்.

இந்த நிகழ்வுகள் தொடர்பாக உங்கள் பார்வை என்ன?