மது போதையில் இருந்தவரை கல்லால் அடித்துக் கொன்ற மகன்
அடையாளம் தெரியாத கும்பல், அவர்மீது கற்கள் வீசி கடுமையாக தாக்கியதில் தலையில் அடிபட்டு அவர் நிகழ்விடத்திலேயே உயிரிழந்தார்.
திருவலத்தில் கள்ளக்காதல் வெறிச்செயல் கூலி தொழிலாளி கல்லால் தாக்கி கொலை
வேலூர் மாவட்டம், காட்பாடியை அடுத்த திருவலத்தில் பரபரப்பான கொலை சம்பவம் நிகழ்ந்தது. அய்யப்பன் (வயது 35), என்ற கூலி தொழிலாளி, திருமணமாகாமல், விவசாய நிலத்தில் வீடு கட்டி தனியாக வசித்து வந்தார்.
அதே பகுதியில் வசிக்கும் கணவனை இழந்த பெண்ணுடன் அவரது தொடர்பு இருந்ததாக கூறப்படுகிறது. இதற்கு அந்தப் பெண்ணின் மகன் கடும் எதிர்ப்பை வெளியிட்டுவருகிறார்.
இதையடுத்து, கடந்த இரவு, அய்யப்பன் மது போதையில் வீட்டு முன் நின்றிருந்த போது, அடையாளம் தெரியாத கும்பல், அவர்மீது கற்கள் வீசி கடுமையாக தாக்கியது. தலையில் அடிபட்டு அவர் நிகழ்விடத்திலேயே உயிரிழந்தார்.
திருவலம் போலீசார் வழக்குப்பதிவு செய்து, இது கள்ளக்காதலைத் தழுவிய கொலையா என்பதை விசாரித்து வருகின்றனர்.
Next Story
