டெங்கு தாக்கம்: 16 வயது சிறுவனுக்கு டெங்கு உறுதி! மக்களுக்கு விழிப்புணர்வு தேவை!
16 வயது சிறுவன் ஒருவருக்கு கடந்த ஒரு வாரமாக காய்ச்சல் இருந்ததைத் தொடர்ந்து, அவரது ரத்த பரிசோதனையில் டெங்கு காய்ச்சல் உறுதி செய்யப்பட்டது.
ஈரோடு லட்சுமிபுரத்தில் டெங்கு அச்சுறுத்தல் – 16 வயது சிறுவனுக்கு தொற்று உறுதி :
ஈரோடு மாநகராட்சி முதலாம் வார்டு லட்சுமிபுரத்தை சேர்ந்த 16 வயது சிறுவன் ஒருவருக்கு கடந்த ஒரு வாரமாக காய்ச்சல் இருந்தது. அதனைத் தொடர்ந்து, அருகிலுள்ள நகர்ப்புற ஆரம்ப சுகாதார நிலையத்தில் சிகிச்சை பெற்றபோது, அவரது ரத்த மாதிரி பரிசோதனையில் டெங்கு காய்ச்சல் உறுதி செய்யப்பட்டது.
இதை அடுத்து, சிறுவன் உடனடியாக ஈரோடு அரசு மருத்துவமனையில் சேர்க்கப்பட்டார். இந்த சம்பவம் அப்பகுதியில் பரபரப்பை ஏற்படுத்தியுள்ளது. இதை தொடர்ந்து, லட்சுமிபுரம் பகுதியில் தூய்மை பணிகள் தீவிரமாக மேற்கொள்ளப்பட்டு வருகின்றன. நோய் பரவல் தடுப்பு நடவடிக்கைகள் உருமாறிய நிலையில் நகராட்சி அதிகாரிகள் கண்காணிப்பை அதிகரித்துள்ளனர்.
Next Story
