புதுக்கோட்டை மாவட்டத்தில் பலத்த மழை
புதுக்கோட்டை மாவட்டத்தில் காலை முதலே பலத்த மழை பெய்து வருகிறது.
சென்னை வானிலை மையம் இன்னும் மூன்று தினங்களுக்கு பல்வேறு மாவட்டங்களில் தொடர்ந்து மழை பெய்யும் என அறிவித்துள்ள நிலையில் சென்னை உள்ளிட்ட பல்வேறு மாவட்டங்களிலும் மழை பெய்து வருகிறது. அதேபோல் புதுக்கோட்டை மாவட்டத்திலும் நேற்றிலிருந்து தொடர்ந்து அவ்வப்போது விட்டு விட்டு மழை பெய்து வந்தது. இன்று காலை முதல் புதுக்கோட்டை மாவட்டத்திலுள்ள புதுக்கோட்டை, ஆலங்குடி, அன்னவாசல் உள்ளிட்ட பல்வேறு பகுதிகளில் பலத்த மழை பெய்து வருகிறது.
இதனால் பொதுமக்களின் இயல்பு வாழ்க்கை பாதித்தாலும் தொடர்ந்து பெய்து வரும் மழை விவசாயிகளுக்கு பயனுள்ளதாக இருந்து வருகிறது. தற்போது புதுக்கோட்டை நகர பகுதிகளில் பலத்த மழை பெய்து வருவதால் சாலைகளில் மழைநீர் வெள்ளம் போல் பெருக்கெடுத்து ஓடியது. இதனால் வாகன ஓட்டிகளுக்கு மிகுந்த சிரமம் ஏற்பட்டது.
