கஞ்சா விற்பனை - 2 கிலோ கஞ்சாவுடன் இருவர் கைது

கன்னியாகுமரி மாவட்டத்தில் கஞ்சா விற்பனை செய்ததாக 2 பேர் கைது செய்யப்பட்டனர்.

கன்னியாகுமரி மாவட்டத்தில் மாவட்ட எஸ்பி., பத்ரி நாராயணன் தலைமையில் போலீசார் கஞ்சா விற்பனையை ஒழிக்க நடவடிக்கை எடுத்து வருகின்றனர். இந்நிலையில் வடசேரி பகுதியில் போலீசார் ரோந்து பணியில் ஈடுபட்ட போது சந்தேகப்படும் படியாக இருந்த 2 நபர்களை பிடித்து விசாரித்த போது இரண்டு பேரும் கஞ்சா விற்பனையில் ஈடுபட்டது தெரிய வந்தது/

மேலும் அவர்களிடம் மேற்கொண்ட விசாரணையில் அவர்கள் குமரி மாவட்டம் முளகுமூடு பகுதியை சேர்ந்த கிங்ஸ்லி(36) மற்றும் கேரளாவை சேர்ந்த ஜெனிட்டன்(31) என்பதும் இவர்கள் கேரளாவில் இருந்து கஞ்சாவை வாங்கி வந்து விற்பனையில் ஈடுபட்டதும் தெரிய வந்தது,தொடர்ந்து அவர்களிடம் இருந்த 2 கிலோ கஞ்சாவை பறிமுதல் செய்த வடசேரி போலீசார் குற்றவாளிகள் மீது வழக்குப்பதிவு செய்து சிறையில் அடைத்தனர்.