ஒரு ஓவரில் 7 சிக்ஸர்களை அடித்து ருதுராஜ் தனித்துவமான சாதனை

உத்தரப் பிரதேசத்திற்கு எதிரான விஜய் ஹசாரே டிராபியின் காலிறுதிப் போட்டியில் மகாராஷ்டிர தொடக்க ஆட்டக்காரர் ருதுராஜ் கெய்க்வாட் தனது சிறப்பான ஆட்டத்தை வெளிப்படுத்தினார். மேலும் அவர் ஆட்டமிழக்காமல் 220 ரன்கள் எடுத்ததன் மூலம் நிர்ணயிக்கப்பட்ட ஐம்பது ஓவர்களில் 330 ரன்களை எடுத்தார்.

அவர் ஷிவா சிங்கின் பந்துவீச்சில் 43 ரன்கள் எடுத்ததால், அவரது சிறந்த ஆட்டம் இன்னிங்ஸின் இறுதி ஓவரில் வந்தது . குறிப்பிட்ட இந்த ஓவரில் ருதுராஜ் கெய்க்வாட் தொடர்ந்து 7 சிக்சர்களை அடித்தார்.

அந்த ஓவரின் ஐந்தாவது பந்து நோ-பாலாக மாறியது. மேலும் ஃப்ரீ-ஹிட்டிலும் சிக்ஸர் அடித்தார். எனவே அந்த ஓவரில் 43 ரன்கள் எடுத்து நினைத்துக்கூட பார்க்க முடியாத அளவு சாதனையை செய்தார்.

ஒரு ஓவரில் 42 ரன்களுக்கு அடித்த பிறகு, லிஸ்ட்-ஏ கிரிக்கெட் வரலாற்றில் ஒரே ஓவரில் இத்தனை ரன்களை எடுத்த முதல் பேட்ஸ்மேன் ஆனார் ருதுராஜ். ஒரு நோ-பால் விளைவாக ஒரு ரன் வந்ததால், ஷிவா சிங் 49 வது ஓவரில் 43 ரன்களை விட்டுக்கொடுத்தார்.

ஒரே லிஸ்ட்-ஏ இன்னிங்ஸில் அதிக சிக்ஸர்கள் (16) அடித்த ரோஹித் சர்மாவின் சாதனையையும் அவர் படைத்துள்ளார். ருதுராஜ் கெய்க்வாட் 159 பந்துகளில் 10 பவுண்டரிகள் மற்றும் 16 சிக்ஸர்களுடன் 220 ரன்கள் எடுத்தார். அவரது இன்னிங்ஸ் ஸ்ட்ரைக்-ரேட் 138.36.

ருதுராஜ் கெய்க்வாட் தவிர, அங்கித் பாவ்னே மற்றும் அசிம் காசி ஆகியோர் தலா 37 ரன்களை பயனுள்ள முறையில் விளையாடினர். உத்தரப்பிரதேசம் தரப்பில் கார்த்திக் தியாகி 3 விக்கெட்டுகள் எடுத்தார் .