கார் நம்பர கவனிச்சீங்களா? அடடே.. வைரலான 'தல' வீடியோ!

கபில் தேவ் மற்றும் தோனியைத் தவிர எந்த இந்திய கேப்டனும் இதுவரை உலகக் கோப்பையை கைப்பற்றவில்லை. நடந்து முடிந்த கிரிக்கெட் உலகக் கோப்பையில் ரோகித் சர்மா தலைமையிலான இந்திய அணி ஆஸ்திரேலியாவ்பிடம் இறுதிப் போட்டியில் தோல்வி அடைந்து 2ஆவது இடம் பிடித்தது.

இந்திய அணிக்கு டி20, ஒரு நாள் கிரிக்கெட், சாம்பியன்ஸ் டிராபி, ஆசிய கோப்பையை வென்று கொடுத்த முன்னாள் கேப்டன் தோனி, தனது ஓய்வு நேரத்தை சிறப்பாக பயன்படுத்தி வருகிறார். சென்னை சூப்பர் கிங்ஸ் அணிக்கும் 5 முறை சாம்பியன் டைட்டில் வென்று கொடுத்துள்ளார்.

ஓய்வு நேரத்தில் என்ன செய்கிறார்?

முன்னாள் அணி வீரர்களுக்கு விருந்து கொடுப்பது

நண்பர்கள், குடும்பத்தினருடன் நாடு முழுவதும் சுற்று பயணம்

ரசிகர்களிடமிருந்து அன்பை பரிமாறுதல்

ஓய்வு முடிவு குறித்து

கடந்த சில தினங்களுக்கு முன்பு சென்னை சூப்பர் கிங்ஸ் அணியில் தக்க வைக்கப்பட்ட மற்றும் விடுவிக்கப்பட்ட வீரர்களின் பட்டியல் வெளியானது. இதில், எம்.எஸ்.தோனி தக்க வைக்கப்பட்ட வீரர்களின் பட்டியலில் கேப்டனாக இடம் பெற்றுள்ளார். ஆதலால், கடந்த சீசனில் தோனி ஓய்வு முடிவை அறிவிப்பார் என்று கூறப்பட்ட நிலையில் இல்லை இல்லை இன்னொரு சீசன் விளையாட இருப்பதாக அவரே அறிவித்தார்.

கார் மீதான பிரியம்

கிரிக்கெட் தவிர கார், பைக் மீது அதிக பிரியம் கொண்ட தோனி தனது வீட்டில் கார் மற்றும் பைக்குகளை நிற்க வைப்பதற்காக தனியாக கேரேஜ் ஒன்றை வைத்திருக்கிறார். அந்தளவிற்கு கார், பைக் மீது அதிக பற்று கொண்டவர்.

Mercedes G Class கார்

இந்த நிலையில், தான் Mercedes G Class மெர்சிடஸ் ஜி கிளாஸ் கார் ஓட்டும் வீடியோ சமூக வலைதளங்களில் வைரலாகி வருகிறது. இந்த காரின் விலை ரூ.2.55 கோடி முதல் ரூ.4 கோடி வரையில் ஆகும். போக்குவரத்து விதிகளை மதிக்கும் வகையில் அந்த காரில் ஏறி அமர்ந்ததும் தோனி முதலில் சீட் பெல்ட் அணிந்துள்ளார். அந்த காரின் நம்பர் பிளேட் 0007. இந்திய அணியில் தோனியின் ஜெர்சி நம்பர் கூட 7. ஐபிஎல் சிஎஸ்கே அணியில் தோனியின் ஜெர்சி நம்பர் 7.

தோனியின் ஓய்வு வாழ்க்கையில் என்னென்ன மாற்றங்கள் ஏற்படும்?

தோனி தனது ஓய்வு வாழ்க்கையில் என்னென்ன மாற்றங்களை செய்யப் போகிறார் என்பது குறித்து அவரே இன்னும் தெளிவாக அறிவிக்கவில்லை. இருப்பினும், அவரது ஆர்வங்களான கார், பைக், சுற்றுலா போன்றவற்றில் அதிக நேரம் செலவிட வாய்ப்பு உள்ளது. மேலும், தொழில்துறை நிறுவனங்களுடன் இணைந்து பணியாற்றவும், சமூக சேவைகளில் ஈடுபடவும் வாய்ப்பு உள்ளது.

தோனியின் ஓய்வு வாழ்க்கை இந்திய கிரிக்கெட்டிற்கும், ரசிகர்களுக்கும் பெரும் இழப்பு

தோனி தனது ஓய்வு வாழ்க்கையில் என்னென்ன மாற்றங்களை செய்தாலும், அவர் ஒரு அற்புதமான வீரர் என்பதை மறக்க முடியாது. அவரது தலைமைத்துவம், திறமை, விளையாட்டு மனப்பான்மை ஆகியவை இந்திய கிரிக்கெட்டிற்கும், ரசிகர்களுக்கும் பெரும் இழப்பு. அவரது ஓய்வு வாழ்க்கை மகிழ்ச்சியாகவும், சாதனைமிக்கதாகவும் அமைய வாழ்த்துக்கள்!