FIFA உலகக் கோப்பை 2022: அர்ஜென்டினாவை வீழ்த்திய சவுதி அரேபியா

லியோனல் மெஸ்ஸியின் அர்ஜென்டினா சவூதி அரேபியாவுக்கு எதிராக 1-2 என்ற கோல் கணக்கில் அதிர்ச்சி தோல்வியில் தடுமாறியது

உலகின் மிகப்பெரிய விளையாட்டு திருவிழாக்களில் ஒன்றான உலக கோப்பை கால்பந்து போட்டி 1930-ம் ஆண்டு முதல் 4 ஆண்டுகளுக்கு ஒருமுறை நடத்தப்பட்டு வருகிறது. . இந்த நிலையில் உலகம் முழுவதும் உள்ள கால்பந்து ரசிகர்கள் ஆர்வத்துடன் காத்திருக்கும் 22-வது உலக கோப்பை கால்பந்து போட்டி கத்தாரில் நடைபெற்று வருகிறது.

இந்தத்தொடரில் இன்று நடைபெற்ற ஆட்டத்தில் அர்ஜென்டினா, சவுதி அரேபியா அணிகள் மோதின. ஆட்டம் தொடங்கியது முதல் ஆதிக்கம் செலுத்திய அர்ஜென்டினா அணியினர் மிக சிறப்பாக விளையாடி கோல் வாய்ப்புகளை உருவாக்கினர். ஆட்டத்தின் 10வது நிமிடத்தில் அர்ஜென்டினா அணிக்கு பெனால்டி கிடைத்தது. இதனை சரியாக பயன்படுத்திய அணியின் கேப்டன் மெஸ்ஸி கோல் அடித்து அசத்தினார்.

முதல் பாதியில், அர்ஜென்டினா சவுதி அரேபியாவுக்கு எதிராக பெனால்டியைப் பெற்றதைக் கண்ட லியோனல் மெஸ்ஸி அந்த இடத்திலிருந்து ஸ்கோரைத் தொடங்கினார். மெஸ்ஸி மற்றும் லாட்டாரோ மார்டினெஸ் இருவரும் ஆஃப்சைடு காரணமாக பல கோல்கள் மறுக்கப்படுவதைக் கண்டனர். இடைவேளையின் போது அர்ஜென்டினா 1-0 என்ற கணக்கில் முன்னிலையில் இருந்த நிலையில், பாதி நேரத்தில் ஆட்டத்தை தங்கள் கைகளில் இருந்து செல்ல விடாமல் செய்ததற்கு சவுதி அரேபியாவுக்கு பெருமை.

தொடர்ந்து நடைபெற்ற 2வது பாதி ஆட்டத்தில் ஆதிக்கம் செலுத்திய சவுதி அரேபியா அணியின் சலே அல்ஷெரி 48வது நிமிடத்திலும், சலேம் அல்தாவசாரி 53வது நிமிடத்திலும் கோல் அடித்தனர். இதனால் போட்டியில் பரபரப்பு ஏற்பட்டது. இதற்கு பின்னர் பதிலடி கொடுக்க அர்ஜென்டினா அணி போராடியும் கோல் அடிக்க முடியவில்லை.இதனால் சவுதி அரேபியா 2-1 என்ற கோல் கணக்கில் அர்ஜென்டினாவை வீழ்த்தியது.