முதல் டி20 போட்டி: ஆஸ்திரேலியா 4 விக்கெட் வித்தியாசத்தில் வெற்றி

இந்தியா ஆஸ்திரேலியா இடையிலான முதலாவது டி20 கிரிக்கெட் போட்டி மொஹாலியில் நடைபெற்று.

டாஸ் வென்ற ஆஸ்திரேலியா அணி பந்து வீச்சை தேர்ந்தெடுத்தது. தொடக்க ஆட்டக்காரர்களாக ரோஹித் ஷர்மா கே எல் ராகுல் களமிறங்கினர். ரோஹித் 11 ரன்களில் ஆட்டமிழந்தார். பெரிதும் எதிர்பார்க்கப்பட்ட கோலி 2 ரன்கள் மட்டுமே எடுத்து ஏமாற்றமளித்தார்.

இந்திய அணி 35 ரன்களுக்கு 2 விக்கெட்டுகளை இழந்த நிலையில் ராகுலுடன் ஜோடி சேர்ந்த சூர்யகுமார் யாதவ் அதிரடி ஆட்டத்தை ஆடினார். 11.5 ஓவர்களில் ஸ்கோர் 103 ஆக இருந்த போது 36 பந்துகளில் 3 சிக்ஸர் 6 பவுண்டரிகளுடன் 55 ரன் குவித்த கே எல் ராகுல் ஆட்டமிழந்தார்.

பின்னர் களமிறங்கிய ஹர்திக் பாண்டியா எப்போதும் போல தனது அதிரடியை காட்டினார். சூர்யகுமார் யாதவ் 46 ரன்களில் ஆட்டமிழக்க அடுத்து வந்த வீரர்கள் சோபிக்கவில்லை.

ஹர்திக் பாண்டியா30 பந்துகளில் 5சிக்ஸர் 7 பவுண்டரிகளுடன் 71 ரன்கள் எடுத்து கடைசி வரை ஆட்டமிழக்காமல் அணியின் ஸ்கோர் அதிகரிக்க காரணமானார்.

20ஓவர் முடிவில் இந்திய அணி 6 விக்கெட் இழப்புக்கு 208 ரன்கள் குவித்தது.

ஆஸ்திரேலிய அணியில் நாதன் எல்லிஸ் 3 விக்கெட்டுகளும், ஹேசில்வுட் இரண்டு , கேமரூன் 1 விக்கெட்டை வீழ்த்தினர்.

பின்னர் ஆடத்துவங்கிய ஆஸ்திரேலிய அணியில் ஆரோன் பின்ச் மற்றும் கேமரூன் கிரீன் ஆகியோர் தொடக்க ஆட்டக்காரர்களாக களமிறங்கினர். ஆரோன் பின்ச் 22 ரன்களில் அக்சர் படேல் பந்துவீச்சில் போல்டானார். கேமரூன் கிரீன் 30 பந்துகளில் 4 சிக்சர் 8 பவுண்டரிகளுடன் 61 ரன்கள் எடுத்த நிலையில் அக்சர் படேல் பந்து வீச்சில் கோலியிடம் கேட்ச் கொடுத்து அவுட்டானார்.

ஸ்டீவ் ஸ்மித் 35 ரன்கள் எடுத்த நிலையில் உமேஷ் யாதவ் பந்து வீச்சில் அவுட்டானார். அடுத்த மூன்றாவது பந்தில் மேக்ஸ்வெல் ஒரு ரன் எடுத்த நிலையில் அவுட்டானார். இருவரும் தினேஷ் கார்த்திக்கிடம் கேட்ச் கொடுத்து அவுட்டானார்கள்

அடுத்து வந்த ஜோஸ் இங்கிலிஸ் 17 ரன்களில் அக்சர் படேல் பந்துவீச்சில் போல்டானார். அப்போது அணியின் ஸ்கோர் 14 ஓவர்களில் 5விக்கெட் இழப்பிற்கு 145 ரன்களாக இருந்தது,

பின்னர் ஆடிய டிம் டேவிட் மற்றும் மேத்யூ ஜோடி இந்திய அணியில் பந்துவீச்சை துவம்சம் செய்தது. இந்த ஜோடி 26 பந்துகளில் 50 ரன்கள் எடுத்தது.

அதிரடியாக விளையாடிய மேத்யூ 20 பந்துகளில் 2 சிக்ஸர் 6 பவுண்டரிகளுடன் எடுத்து கடைசி வரை ஆட்டமிழக்காமல் இருந்தார்.

ஆஸ்திரேலியா அணி 4 விக்கெட்டுகள் வித்தியாசத்தில் இந்திய அணியை தோற்கடித்தது.