அரை இறுதியில் இந்திய அணி ! கோப்பையை வெல்லுமா?

சீனாவின் ஹாங்சோவ் நகரில் நடைபெற்று வரும் 19வது ஆசிய விளையாட்டுப் போட்டிகளில், பெண்களுக்கான கிரிக்கெட் போட்டிகளில் இந்திய மகளிர் அணி மலேசிய அணியை வீழ்த்தி அரை இறுதிக்கு முன்னேறியது.

இன்று (செப். 20) நடைபெற்ற முதல் காலிறுதி ஆட்டத்தில் ஸ்மிருதி மந்தனா தலைமையிலான இந்திய அணி டாஸ் வென்று பந்துவீச்சை தேர்வு செய்தது. இந்திய நேரப்படி காலை 8.15 மணிக்கு தொடங்கிய போட்டியில் மழை குறுக்கிட்டதால் 5 ஓவர்கள் குறைக்கப்பட்டு 15 ஓவர்கள் கொண்ட போட்டியாக நடத்தப்பட்டது.

5.4 ஓவர்களில் முடிவில் இந்தியா 60/1 என்ற நிலையில் இருந்த போது கேப்டன் ஸ்மிருதி மந்தனா (27 ரன்) ஆட்டமிழந்தார். பின்னர் மீண்டும் மழை குறுக்கிட்டதால் ஆட்டம் தாமதமானது. மழை நின்றதும் மீண்டும் ஆட்டம் தொடங்கப்பட்டது.

அதிரடியாக விளையாடிய ஷாஃபாலி வர்மா 39 பந்துகளில் 4 பவுண்டரிகள், 5 சிக்ஸ்சர்கள் உள்பட 67 ரன்கள் எடுத்து ஆட்டமிழந்தார். 15 ஓவர் முடிவில் இந்திய அணி 2 விக்கெட் இழப்பிற்கு 173 ரன்கள் எடுத்தது. இந்திய அணியிம் ஜெமிமா ரோட்ரிக்ஸ்சா 6 பவுண்டரிகளுடன் 47 ரன்னும் மற்றும் ரிச்சா கோஷ் 7 ரன்னும் இறுதி வரை ஆட்டமிழக்காமல் இருந்தனர்.

மலேசிய தரப்பில் மஹிரா இஸ்ஸாதி இஸ்மாயில், மாஸ் எலிசா ஆகியோர் தலா ஒரு விக்கெட் வீழ்த்தினர்.

174 ரன்கள் எடுத்தால் வெற்றி என்ற இலக்கை நோக்கி மலேசிய அணி களமிறங்கிய நிலையில், 1 ரன் எடுத்த போது மீண்டும் மழை குறுக்கிட்டது. இதனால் ஆட்டம் மீண்டும் தடைபட்டது. தொடர்ந்து மழை நீடித்து வந்த நிலையில், ஆட்டம் கைவிடப்படுவதாக அறிவிக்கப்பட்டது.

இதன் மூலம் இந்திய மகளிர் அணி நேரடியாக அரை இறுதி சுற்றுக்கு தகுதி பெற்றது. இன்னும் 3 கால் இறுதி ஆட்டங்கள் நடைபெற வேண்டி உள்ள நிலையில், இந்திய மகளிர் அணி நேரடியாக அரை இறுதி போட்டிக்கு முன்னேறி இருக்கிறது. அரை இறுதி ஆட்டத்தில் இந்தியா - பாகிஸ்தான் மகளிர் அணிகள் மோதும் சூழல் உருவாகும் என எதிர்பார்க்கப்படுகிறது.

இந்திய அணியின் வெற்றிக்கு காரணங்கள்

• ஷாஃபாலி வர்மாவின் அதிரடி ஆட்டம்
• ஜெமிமா ரோட்ரிக்ஸ்சா மற்றும் ரிச்சா கோஷின் பொறுப்பான ஆட்டம்
• மழை குறுக்கிட்டதால் மலேசிய அணியின் திட்டம் தடைபட்டது

அடுத்த கட்ட போட்டிகள்

இந்திய மகளிர் அணி அரை இறுதியில் பாகிஸ்தான் அல்லது ஜப்பான் அணியுடன் மோதும் வாய்ப்பு உள்ளது. அரை இறுதி ஆட்டங்கள் செப்டம்பர் 22 அன்று நடைபெறும்.

இந்திய மகளிர் அணியின் சாம்பியன்ஷிப் வாய்ப்புகள்

இந்திய மகளிர் அணி கடந்த 2010 ஆசிய விளையாட்டுப் போட்டிகளில் தங்கம் வென்றது. இந்த ஆண்டும் தங்கம் வென்று வரலாற்றை மீண்டும் படைக்க இந்திய அணி தயாராக உள்ளது.