இந்தியாவுக்காக 5 தங்கப் பதக்கங்களை வென்ற நடிகர் மாதவன் மகன்
மலேசியா நாட்டின் தலைநகர் கோலாலம்பூரில் நடப்பு ஆண்டில் நடந்த மலேசியன் இன்விடேஷனல் சாம்பியன்ஷிப் போட்டிகளில் நடிகர் மாதவனின் மகன் வேதாந்த் பங்கேற்றார். அவர் இந்தியாவுக்கு 5 தங்க பதக்கங்களை வென்று தந்து நாட்டுக்கு பெருமை சேர்த்து உள்ளார்.
நடிகர் மாதவன் இன்று ஒரு பெருமைக்குரிய அப்பா. அவரது மகன் வேதாந்த் மாதவன் நீச்சல் சாம்பியன்ஷிப்பில் இந்தியாவுக்காக 5 தங்கப் பதக்கங்களை வென்றுள்ளார்.
இதன்படி 50 மீட்டர், 100 மீட்டர், 200 மீட்டர், 400 மீட்டர் மற்றும் 1500 மீட்டர் ஆகிய பிரிவுகளில் தங்க பதக்கங்களை தட்டி சென்று உள்ளார். இதனால், சர்வதேச அளவில் புகழ் பெற்றவராக ஆகியுள்ளார். இந்த மகிழ்ச்சியை நடிகர் மாதவன் தனது இன்ஸ்டாகிராமில் பகிர்ந்து கொண்டார்.
மாதவனின் மகன் வேதாந்த் 58வது MILO/MAS மலேசியா நீச்சல் சாம்பியன்ஷிப்பில் பங்கேற்றார். இந்தியக் கொடி மற்றும் பதக்கங்களுடன் அந்த இளைஞன் போஸ் கொடுக்கும் புகைப்படங்கள் இடம்பெற்றுள்ளன. மாதவனின் மனைவி சரிதா பிர்ஜே ஒரு புகைப்படத்தில் வேதாந்துடன் காணப்படுகிறார்.
புகைப்படங்களைப் பகிர்ந்துகொண்டு, மாதவன் கூறியுள்ளதாவது: “கடவுளின் கருணையுடனும், உங்கள் அனைவரின் நல்வாழ்த்துக்களுடனும், இந்த வார இறுதியில் 2023 இல் நடைபெற்ற மலேசிய இன்விடேஷனல் சாம்பியன்ஷிப்பில் 2 பிபிகளுடன் வேதாந்த் இந்தியாவுக்காக 5 தங்கங்களை (50 மீ, 100 மீ, 200 மீ, 400 மீ மற்றும் 1500 மீ) வென்றுள்ளார். மகிழ்ச்சி மற்றும் மிகவும் நன்றியுடன் என்று பதிவிட்டுள்ளார்
இந்த பதிவு ரசிகர்கள் மற்றும் பிரபலங்கள் மத்தியில் பெரும் வரவேற்பை பெற்றது. நடிகரும் அரசியல்வாதியுமான குஷ்பு சுந்தர் , “வாழ்த்துகள் மேடி.. என்று பதிவிட்டுள்ளார்
கடந்த இரண்டு ஆண்டுகளாக, வேதாந்த் மாதவன் தேசிய மற்றும் சர்வதேச அரங்கில் பல வெற்றிகளைப் பதிவு செய்துள்ளார்.
