Post-Workout Food: - உடற்பயிற்சி செய்த பிறகு மறந்தும் இந்த பழங்களை சாப்பிடாதீங்க!

Post-Workout Food-உடலை ஆரோக்கியமாகவும், கட்டுக்கோப்பாகவும் வைத்திருக்க, ஆரோக்கியமான உணவுகளை உண்பதும், உடற்பயிற்சி செய்வது மட்டும் போதாது. செய்யும் உடற்பயிற்சியை சரியாக செய்வது, சரியான உணவுப் பழக்கத்தை கடைப்பிடிக்க வேண்டியதும் அவசியம். ஏனென்றால், எந்தவொரு உணவையும் தவறான வழியில் அல்லது தவறான நேரத்தில் உட்கொள்வது உடலுக்கு கடுமையான தீங்கு விளைவிக்கும்.

ஜிம்மில் ஒர்க் அவுட் செய்த பிறகு அல்லது உடற்பயிற்சி செய்த பிறகு, உணவு தொடர்பான முக்கிய விஷயங்களை கவனித்துக்கொள்ள நிபுணர்கள் அறிவுறுத்துகிறார்கள். கடுமையான உடற்பயிற்சி செய்த பின், மக்கள் பெரும்பாலும் உணவுப் பழக்கம் தொடர்பான தவறுகளை செய்கிறார்கள். இதனால், நமது உழைப்பிற்கான பலன் கிடைக்காமல் போய்விடும். நம்மில் பெரும்பாலானோர் வொர்க் அவுட் செய்த பின் பலன்களை சாப்பிடுவோம். ஆனால், உடற்பயிற்சி செய்த பிறகு எந்தெந்த பழங்களைச் சாப்பிடக்கூடாது என்பது பற்றி பார்க்கலாம்.

வொர்க்அவுட் செய்த பின் தவறான உணவை எடுத்துக்கொள்வது உடலுக்கு தீங்கு விளைவிக்கும். உடல் எடையை குறைக்க மட்டும் அல்ல, உடல் எடை அதிகரிப்பதை தடுக்கவும், உடலை கட்டுக்கோப்பாக வைத்துக் கொள்ளவும், பெரும்பாலானோர் உடற்பயிற்சிகள் அல்லது வொர்க்அவுட்களை மேற்கொள்கின்றனர். உடற்பயிற்சி செய்த பிறகு உடல் சோர்வடைகிறது, இதனை சரி செய்ய மக்கள் பழங்களை உட்கொள்கிறார்கள். பழங்கள் சாப்பிடுவதால் உடலுக்கு உடனடி ஆற்றல் கிடைக்கும். ஆனால் உடற்பயிற்சி முடிந்த உடனேயே சில குறிப்பிட்ட பழங்களை சாப்பிடுவதை தவிர்க்க வேண்டும் என நிபுணர்கள் கூறுகின்றனர்.

உடற்பயிற்சி செய்பவர்கள் அல்லது ஜிம்மில் ஒர்க் அவுட் செய்பவர்கள் பெரும்பாலும் வொர்க்அவுட்டிற்குப் பிந்தைய உணவை எடுத்துக்கொள்கிறார்கள். சிலர் இந்த நேரத்தில் புரோட்டீன் ஷேக்கை உட்கொள்கிறார்கள், சிலர் பழங்கள் அல்லது பழச்சாறுகளையும் உட்கொள்கிறார்கள். ஆனால், பழங்களை உட்கொள்ளும் போது முன்னெச்சரிக்கை நடவடிக்கைகளை எடுக்க வேண்டும். உடற்பயிற்சி முடிந்த உடனேயே சில பழங்களை உட்கொள்வதும் உடலுக்கு தீங்கு விளைவிக்கும்.

ஆரஞ்சு

உடற்பயிற்சி முடிந்த உடனேயே ஆரஞ்சு சாப்பிடுவதை தவிர்க்க வேண்டும். ஆரஞ்சு புளிப்பு, அதாவது அமிலம் மற்றும் அதன் தன்மை குளிர்ச்சியாகவும் இருக்கும். வொர்க்அவுட்டிற்குப் பிறகு உடனடியாக இதை உட்கொள்வது உடல் வெப்பநிலையை மோசமாக்கும் மற்றும் பல பிரச்சனைகளை ஏற்படுத்தும்.

திராட்சை

திராட்சையும் ஒரு சிட்ரிக் அமிலம் நிறைந்த பழம். உடற்பயிற்சி செய்த உடனேயே திராட்சையை உட்கொள்வது சளி மற்றும் இருமல் போன்ற பிரச்சனைகளின் அபாயத்தை அதிகரிக்கிறது. வொர்க்அவுட்டிற்குப் பிறகு உடல் தீவிரமாக இருக்கும், எனவே, திராட்சை சாப்பிடுவதையோ அல்லது அதன் சாறு குடிப்பதையோ தவிர்க்க வேண்டும்.

ஸ்ட்ராபெர்ரி

உடற்பயிற்சி செய்த உடனேயே ஸ்ட்ராபெர்ரி சாப்பிடுவதையும் தவிர்க்க வேண்டும். வொர்க்அவுட்டிற்குப் பிறகு உடனடியாக இதை உட்கொள்வதால் உடல் வெப்பநிலை கட்டுப்பாடில்லாமல் இருக்கும். உடற்பயிற்சி செய்த 20 நிமிடங்களுக்குப் பிறகு இதை உட்கொள்ளலாம்.

புளுபெர்ரி

அவுரிநெல்லிகளை உட்கொள்வது ஆரோக்கியத்திற்கு மிகவும் நன்மை பயக்கும் என்றாலும், உடற்பயிற்சி முடிந்த உடனேயே அதை உட்கொள்வது உடலுக்கு கடுமையான தீங்கு விளைவிக்கும். உடற்பயிற்சி செய்த பிறகு இவற்றை உட்கொள்வதை நாம் தவிர்க்க வேண்டும். அதே போல, உடற்பயிற்சிக்குப் பிறகு து மற்றும் காஃபின் உட்கொள்ளக்கூடாது. மேலும், வொர்க்அவுட்டிற்கு பிறகு மிளகாய் மற்றும் காரமான உணவுகள் சாப்பிடுவதை தவிர்க்கவும்.