அற்புத சத்துகளை அள்ளித்தரும் ஆரோரூட் மாவு..

Arrowroot powder in Tamil

கூம்புகிழங்கு என்பது ஊட்டசத்துகள் நிறைந்த ஓரு வகை கிழங்காகும். பெரும்பாலும், இதன் ஊட்டச்சத்து முக்கியத்துவத்திற்காகவே கூம்புகிழங்கு பயிரிடப்படுகிறது. இதில் ஏராளமான வைட்டமின்கள் மற்றும் தாதுக்கள் நிறைந்துள்ளன, இவை உடல் ஆரோக்கியத்திற்கு நன்மை பயக்கிறது. இது, உடல் எடையைக் குறைக்க உதவுகிறது மற்றும் செரிமான செயல்முறையை மேம்படுத்துகிறது.

இது, பல்வேறு மருத்துவ குணங்களையும் கொண்டுள்ளது. மேலும் பிற கிழங்குகளிலிருந்து தனித்துவமானதாக விளங்குகிறது. கூம்புகிழங்கு பெரும்பாலும், கூம்புகிழங்கு மாவு எனப்படும் தூளாகவே பயன்படுத்தப்படுகிறது. சோள மாவுக்கு மாற்றாகவும் இதைப் பயன்படுத்தலாம்.

கூம்புகிழங்கின் நன்மைகள் மற்றும் தீமைகள் பற்றியத் தகவல்களை அறிந்து கொள்வோம்.

கூம்புகிழங்கு என்றால் என்ன?

கூம்பு என்று பொதுவாக அழைக்கப்படும், மராண்டா அருண்டினேசியா மாவுச்சத்து நிறைந்த ஒரு கிழங்காகும். கூம்பு ஒரு சாதாரண தாவரம் போன்றதாகும். கூம்பின் ஸ்டார்ச் மட்டுமல்லாமல், இதன் வேரும் பயன்படுத்தப்படுகிறது.

முதலில் இதன் வேர்கள் தோண்டப்பட்டு, பட்டை அகற்றப்பட்டு, ஸ்டார்ச் பெறப்படுகிறது. பின்னர், இந்த ஸ்டார்ச்கள் நசுக்கப்பட்டு, வடிகட்டி உலர்ந்த பின், அதிலிருந்து மாவுத் தயார் செய்யப்படுகின்றது. இவ்வாறு பெறப்படும் கூம்புகிழங்கின் மாவில் அதிகளவில் ஊட்டச்சத்துகள் நிறைந்துள்ளன.

கூம்புகிழங்கில் உள்ள முக்கிய ஊட்டச்சத்து

கூம்புகிழங்கு மிகவும் சுவையானதாகும். பெரும்பாலும், இதனை வேகவைத்தப் பின்னரே, உட்கொள்கின்றனர். இது, ஏராளமான ஊட்டச்சத்துக்களைக் கொண்டுள்ளது. கூம்புகிழக்கில் கார்போஹைட்ரேட்டுகள், வைட்டமின் பி 9, கால்சியம், பொட்டாசியம், மெக்னீசியம், சோடியம் மற்றும் பாஸ்பரஸ் உள்ளன. இதில் துத்தநாகம், இரும்பு, வைட்டமின் பி 1 மற்றும் வைட்டமின் பி 6 ஆகியவையும் நிறைந்துள்ளது.

100 கிராம் ஆரோரூட் மாவில், :

கலோரிகள்: 65 கி

சோடியம்: 26 மிகி

கார்போஹைட்ரேட்டுகள்: 13 கிராம்

உணவு நார்ச்சத்து: 1.3 கிராம்

புரதம்: 4.2 கிராம்

தாமிரம்: 0.12 மிகி

இரும்பு: 2.2 மிகி

பொட்டாசியம்: 454 மிகி

ஃபோலேட்: 338 எம்.சி.ஜி

துத்தநாகம்: 0.63 மிகி

மெக்னீசியம்: 25 மிகி உள்ளது

கூம்புகிழங்கின் நன்மைகள்

கூம்புகிழங்கு பின்வரும் ஆரோக்கிய நன்மைகளைக் கொண்டுள்ளது, அவை :

முடி வளர்ச்சி: கூம்புகிழங்கு கூந்தலுக்கு நன்மை பயக்கிறது. தலை முடியை பராமரிக்க கூம்புகிழங்கின் தூள் பயன்படுத்தப்படுகிறது. இது தலை முடியை மென்மையாகவும் அடர்த்தியாகவும் ஆக்குகிறது. மேலும், இது கூந்தலுக்கு ஏராளமான ஊட்டச்சத்துக்களை வழங்குகிறது.

சிறுநீர் தொற்றுநோய்களுக்கு சிகிச்சையளிக்க: இதில் அழற்சி எதிர்ப்பு பண்புகள் சிறுநீர் தொற்று நோயால் பாதிக்கப்பட்டவர்களுக்கு பயனுள்ளதாக இருக்கிறது. மேலும், இதில் அதிகளவில் ஆன்டிஆக்ஸிடன்ட்கள் உள்ளன. தொற்றுநோய்களைத் தடுக்க கூம்புகிழங்கை உட்கொள்ள வேண்டும்.

வளர்சிதை மாற்றத்தை மேம்படுத்துகிறது: கூம்புகிழங்கு உடலின் வளர்சிதை மாற்ற விகிதத்தை அதிகரிக்கிறது. இது வைட்டமின் பியைக் கொண்டுள்ளது மற்றும் உடலுக்கு ஆற்றலை வழங்குகிறது

நோய் எதிர்ப்பு சக்தி அதிகரிக்கும்: இதில் உள்ள ஆன்டிஆக்ஸிடன்ட்கள், உடல் ஆரோக்கியத்திற்கு தீங்கு விளைவிக்கும் ஃப்ரீ ரேடிக்கல்களை உடலில் இருந்து அகற்ற உதவுகின்றன.

இதயத்திற்கு நன்மை பயக்கும்: இதிலுள்ள பொட்டாசியம், தமனிகளின் அழுத்தத்தைக் குறைக்கிறது. இது, இரத்த அழுத்தத்தை பராமரித்து மாரடைப்பு மற்றும் பக்கவாதத்தின் அச்சுறுத்தலைக் குறைக்கிறது..

உடல் எடையைக் குறைக்க: கூம்புகிழங்கில் குறைந்த அளவிலேயே கலோரிகள் உள்ளன. இதில் கார்போஹைட்ரேட் மற்றும் ஃபைபர் போன்ற ஊட்டச்சத்துக்கள் நிறைந்துள்ளன, இது உடலில் சேரும் கெட்டக் கொழுப்பைக் குறைக்கவும், உடல் எடையைக் குறைக்கவும் உதவுகிறது.

குழந்தைகளுக்கு பாதுகாப்பானது

இதன் ஊட்டச்சத்துக்களும், சுவையும் குழந்தைகளுக்கு மிகவும் அவசியமானது. குறிப்பாக குழந்தைகளுக்கு பிஸ்கட் செய்யும்போது அதில் இந்த மாவை கலக்கலாம். இது குழந்தைகளுக்கு அலர்ஜிகள் மற்றும் ஈறுகளில் பிரச்சினை ஏற்படுவதை தடுக்கிறது.

சருமத்திற்கு: எண்ணெய் சருமம், உலர்ந்த சருமம் அல்லது கலந்த சருமம் என நபருக்கு நபர் வேறுப்பட்டு இருக்கிறது. தோல் நோய்த்தொற்றுகள், சருமத்தை சேதப்படுத்துகின்றன. இது போன்ற தொற்றுநோய்களைத் தடுக்க கூம்புகிழங்கை உட்கொண்டால், தோலில் ஏற்படும் கொப்பளங்கள், வடு புள்ளிகள் மறையும் .

கூம்புகிழங்கின் பக்க விளைவுகள் என்ன?

கூம்புகிழங்கு உடல் ஆரோக்கியத்திற்கு நன்மை பயக்கிறது. எனினும், இது சில பக்க விளைவுகளை ஏற்படுத்தக்கூடும், அவை:

நீங்கள் தினசரி ஏதேனும் மருந்துகளை எடுத்துக் கொண்டிருந்தால், கூம்புகிழங்கை உட்கொள்வது குறித்து மருத்துவரிடம் ஆலோசனை செய்ய வேண்டும்.

கூம்புகிழங்கிற்கு ஒவ்வாமை உள்ளவர்கள், இதை உட்கொள்ளக்கூடாது. ஏனெனில் இதன் உட்கொள்ளல் இருமல், வாந்தி மற்றும் ஒழுங்கற்ற குடல் அசைவுகளை போன்றவற்றை ஏற்படுத்தக்கூடும்.

பால் அல்லது பழங்களுடன் சேர்த்து கூம்புகிழங்கை உட்கொள்ள வேண்டாம்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2