நீங்கள் டெபிட், கிரெடிட் கார்டு பயன்படுத்துபவர்களா? இதைப்படிங்க..

நீங்கள் டெபிட், கிரெடிட் கார்டு பயன்படுத்துபவர்களா? இதோ உங்களுக்காக ரிசர்வ் வங்கி பண பரிவர்த்தனையை பாதுகாப்புக்காகவும், வேகமாகவும் இருக்க சில விதிகளையும், மாற்றங்களையும் கொண்டு வந்துள்ளது.

புதிய விதிகள்:

2 காரணி அங்கீகாரம் (Factor Authentication) கட்டாயம்:

அதே நேரத்தில், மின்னணு அட்டை பரிவர்த்தனைகளை மிகவும் பாதுகாப்பானதாக மாற்ற, இந்தியன் ரிசர்வ் வங்கி அனைத்து டெபிட் மற்றும் கிரெடிட் கார்டு கட்டணங்களையும் டூ-ஃபேக்டர் அதென்டிகேஷன் செயல்முறை மூலம் மட்டுமே தொடர அனுமதிக்கிறது.

இதன் கீழ், அட்டைதாரர் கூடுதல் வெரிஃபிகேஷன் செயல்முறைக்கு செல்ல வேண்டும். எடுத்துக்காட்டாக, Unique PIN அல்லது OTP மூலம் மட்டுமே உங்கள் பரிவர்த்தனை பாதுகாப்பாக இருக்கும்.

தொடர்பு இல்லாத அட்டை பரிவர்த்தனை வரம்பு )Contactless Card Transaction Limit)

ரிசர்வ் வங்கி (RBI) கார்டுதாரர்களுக்கு மற்றொரு வசதியை அளித்து, காண்டாக்ட்லெஸ் கார்டு பரிவர்த்தனைகளின் வரம்பை திருத்தியுள்ளது.

இதில், எந்த PIN உள்ளிடாமல் ஒரு பரிவர்த்தனைக்கு ரூ.5,000 வரை காண்டாக்ட்லெஸ் பேமெண்ட்களைச் செய்யலாம்.

இந்த மாற்றத்தின் மூலம், சிறிய பரிவர்த்தனைகளுக்கான டிஜிட்டல் பணப்பரிவர்த்தனைகளை ஊக்குவிக்கவும், அவற்றை மிகவும் எளிதாக்கவும் ரிசர்வ் வங்கி முயற்சி மேற்கொண்டுள்ளது.

வெளிநாடுகளில் கார்டுகளை பயன்படுத்துவதில் சில மாற்றங்கள்

டெபிட் மற்றும் கிரெடிட் கார்டுகளைப் பயன்படுத்துவதற்கு ரிசர்வ் வங்கி சில வரம்புகளை நிர்ணயித்துள்ளது.

கார்டுதாரர்கள் தங்கள் விருப்பப்படி சர்வதேச பரிவர்த்தனைகளுக்கு கார்டை இயக்குவது அல்லது முடக்குவது மிகவும் முக்கியம்.

இந்த அம்சத்தின் மூலம், கார்டுதாரர்கள் தங்கள் கார்டுகளை நாட்டிற்கு வெளியே தவறாகப் பயன்படுத்தாமல் பாதுகாக்கப்படுவார்கள்.

ஆன்லைன் மாற்ற எச்சரிக்கை (Online Transition Alert)

அனைத்து வகையான கார்டுகளுக்கும் வாடிக்கையாளர்களுக்கு எஸ்எம்எஸ் மற்றும் மின்னஞ்சல் விழிப்பூட்டல்களை கட்டாயமாக அனுப்புமாறு அனைத்து வங்கிகளுக்கும் ரிசர்வ் வங்கி அறிவுறுத்தியுள்ளது.

இந்த எச்சரிக்கை அனைத்தும் Real-time Update ஆக இருக்க வேண்டும் மற்றும் பரிவர்த்தனை நடந்து முடிந்த 5 நிமிடங்களுக்குள் வாடிக்கையாளர்களை அடைய வேண்டும்.

Card on File Tockenaization (சிஓஎஃப் கார்டு டோக்கனைசேஷன்) விதிகளை அக்டோபர் 1 ஆம் தேதி கொண்டு வருவதாக ரிசர்வ் வங்கி தெரிவித்திருந்தது.