நான் பேச ஆரம்பித்தால் பூகம்பம் ஏற்படும்: ஏக்நாத் ஷிண்டே
ஷிண்டே மற்றும் பிற சிவசேனா எம்.எல்.ஏ.க்கள் காங்கிரஸ் மற்றும் என்சிபி உடனான அவரது கூட்டணி அரசுக்கு எதிராக கிளர்ச்சி செய்ததை அடுத்து, ஜூன் மாதம் தாக்கரே தனது முதல்வர் பதவியை ராஜினாமா செய்தார். கிளர்ச்சி எம்எல்ஏக்களை உத்தவ் தாக்கரே அடிக்கடி "துரோகிகள்" என்று குறிப்பிட்டு வந்தார்.
மாலேகானில் சனிக்கிழமை நடைபெற்ற பேரணியில் பேசிய மகாராஷ்டிரா முதல்வர் ஏக்நாத் ஷிண்டே, தான் பேச ஆரம்பித்தால் பூகம்பம் ஏற்படும் என சிவசேனா தலைவர் உத்தவ் தாக்கரேவுக்கு மறைமுக எச்சரிக்கை விடுத்துள்ளார்.
அவர் மேலும் கூறுகையில், சிலரைப் போல் நான் ஆண்டுதோறும் விடுமுறைக்காக வெளிநாடுகளுக்குச் சென்றதில்லை. சிவசேனாவும் அதன் வளர்ச்சியும் மட்டுமே என் மனதில் இருந்தது.
உத்தவ் தாக்கரேவின் பெயரைக் குறிப்பிடாமல் ஷிண்டே, பாலாசாகேப் தாக்கரேவின் பாரம்பரியத்தைக் காக்க விரும்பியதால் தான் கலகம் செய்தேன். முதல்வர் ஆவதற்காக பாலாசாகேப்பின் சித்தாந்தத்துடன் சமரசம் செய்துகொள்பவர்களை நீங்கள் என்னவென்று அழைப்பீர்கள்?" என்று அவர் கேட்டார்.
பாஜகவுடன் கூட்டணி வைத்து தேர்தலில் போட்டியிட்ட சிவசேனா எப்படி காங்கிரஸ் மற்றும் என்சிபியுடன் இணைந்து ஆட்சி அமைத்தது துரோகம் இல்லையா?" என்று ஷிண்டே கேள்வி எழுப்பினார்.
அடுத்த சட்டப்பேரவைத் தேர்தலில் 288 இடங்களில் 200 தொகுதிகளில் பாஜகவும், அவர் தலைமையிலான சிவசேனாவும் வெற்றி பெறும் என்றார்.
