9 லட்சம் விவசாயிகளின் கடன்களை தள்ளுபடி செய்த தெலங்கானா அரசு; சுதந்திர தின பரிசாக அறிவிப்பு

Telangana, loan waiver, Farmers happy, CM announcement- சுதந்திர தினத்தை முன்னிட்டு, தெலுங்கானா முதல்வர் சந்திரசேகர் ராவ், 2018ம் ஆண்டு மாநிலத் தேர்தலுக்கு முன்னதாக அளித்த வாக்குறுதியை நிறைவேற்றும் வகையில், ரூ. 1 லட்சம் வரையிலான விவசாயக் கடன்களை உடனடியாகத் தள்ளுபடி செய்வதாக அறிவித்துள்ளார்.

ஒரு லட்சத்துக்கும் குறைவான கடன் பெற்ற விவசாயிகள், கடன் சுமையிலிருந்து விடுபடுவார்கள் என்றும், வங்கிகளில் ரூ .99,999 வரை கடன் தொகையை செலுத்தவும் முதல்வர் உத்தரவிட்டுள்ளார்.

இதற்கான உத்தரவை நிதித்துறை சிறப்பு தலைமை செயலாளர் ராமகிருஷ்ண ராவ் திங்கள்கிழமை வெளியிட்டார். விவசாயிகள் சார்பில் உடனடியாக வங்கிகளில் பணம் டெபாசிட் செய்யப்படும். முதல்வரின் அறிவுறுத்தலின்படி, 9,02,843 விவசாயிகளின் சார்பில் 5,809.78 கோடி ரூபாயை நிதித்துறை திங்கள்கிழமை வெளியிட்டது . விடுவிக்கப்பட்ட தொகை கடன் தள்ளுபடியின் கீழ் வங்கிகளில் உள்ள விவசாயிகள் கணக்கில் டெபாசிட் செய்யப்படும்.

கடன் தள்ளுபடி படிப்படியாக அமல்படுத்தப்படும். வங்கிகளுக்கு கடிதம் எழுதி, விரிவான விவரங்களைப் பெறுமாறு மாநில வேளாண்மை மற்றும் நிதித் துறை அதிகாரிகளுக்கு முதல்வர் உத்தரவிட்டார்..

நாட்டில் நிலவும் தொற்றுநோய், லாக்டவுன் மற்றும் பணமதிப்பிழப்பு நடவடிக்கையின் விளைவுகள் காரணமாக, தெலுங்கானா அரசு வளங்களைத் திரட்டுவதில் பெரும் சிக்கலை எதிர்கொண்டது.

50,000 வரை கடன் பெற்ற 7,19,488 விவசாயிகளுக்கு ஏற்கனவே ரூ. 1,943.64 கோடியை வங்கிகளில் செலுத்தியுள்ளது . இந்த தொகை கடன் தள்ளுபடி கணக்குகளில் சரி செய்யப்பட்டது.

சமீபத்தில், வங்கிகளில் ரூ. 99,999 வரை கடன் பெற்ற விவசாயிகளின் கடன் தள்ளுபடிக்காக ரூ. 5,809.78 கோடி விடுவிக்கப்பட்டுள்ளது. ஆகஸ்ட் 2ம் தேதி, விவசாயத் துறை மற்றும் விவசாயிகளின் கடன் தள்ளுபடி குறித்து விரிவான ஆய்வு நடத்தி, விவசாயிகளின் கடன் தள்ளுபடி திட்டம் செயல்படுத்தப்படும் என்று அறிவித்தார். கடன் தள்ளுபடி செயல்முறையை 45 நாட்களுக்குள் முடிக்க அதிகாரிகளுக்கு தெளிவான அறிவுறுத்தல்கள் வழங்கப்பட்டுள்ளன.

முதலமைச்சரின் அறிவுறுத்தலின் பேரில் நிதியமைச்சர் டி ஹரிஷ் ராவ் ஆகஸ்ட் 3 ஆம் தேதி பட்ஜெட் வெளியீட்டு ஆணையை (பிஆர்ஓ) வெளியிட்டார். கடன் தள்ளுபடி நிதி வெளியீடு ஆகஸ்ட் 3-ம் தேதி தொடங்கியது. முதலமைச்சரின் அறிவுறுத்தலின்படி, ரூ. 99,999 வரையிலான கடன் தொகையை செலுத்த புதிய உத்தரவு பிறப்பிக்கப்பட்டுள்ளது. சமீபத்திய முடிவால், மாநிலத்தில் மொத்தம் 16,66,899 விவசாயிகள் பயனடைவார்கள்.

விவசாயிகளின் கடன் தள்ளுபடியை முதல்வர் பரிசீலனை செய்து ஆகஸ்ட் 2ம் தேதி அறிவித்த நாளில் இருந்து, நிதியமைச்சர் ஹரிஷ் ராவ் மற்றும் நிதித்துறையின் சிறப்பு முதன்மைச் செயலர் ராமகிருஷ்ணா ராவ் ஆகியோர் 45 நாள் செயல்திட்டத்தை வகுத்து அதையே நிறைவேற்றினர். இதன் ஒரு பகுதியாக, கடன் தள்ளுபடி திட்டத்தை செயல்படுத்துவது தொடர்பாக, வங்கியாளர்களுடன் தினமும் ஆய்வுகள் மற்றும் கூட்டங்கள் நடத்தப்படுகின்றன.

ஆகஸ்ட் 3ம் தேதி, ரூ. 41,000 வரை கடன் பெற்ற 62,758 விவசாயிகளுக்கு ரூ. 237.85 கோடி விடுவிக்கப்பட்டது . மேலும், ஆகஸ்டு 4ம் தேதி, ரூ. 43,000க்குள் கடன் பெற்ற 31,339 39 விவசாயிகளின் ரூ. 126.50 கோடி கடன் தள்ளுபடி செய்யப்பட்டு வங்கிக் கணக்கில் பணம் டெபாசிட் செய்யப்பட்டது. சமீபத்திய கடன் தொகை ரூ. 99,999 வரை டெபாசிட் செய்யப்பட்டுள்ளது. ரூ. 99,999 வரை பாக்கி வைத்திருக்கும் விவசாயிகளின் எண்ணிக்கை 9,02,843 ஆகும். இது தொடர்பாக ரூ. 5809.78 கோடியை வங்கிகளுக்கு அரசு செலுத்தும் . இதன் மூலம் கடன் தள்ளுபடி திட்டத்தின் கீழ் 16,66,899 விவசாயிகளுக்கு ரூ. 7753.43 கோடியை அரசு செலுத்தியுள்ளது .

விவசாயிகள் கடன் தள்ளுபடி திட்டத்தால் 35,32,000 விவசாயிகள் பயனடைந்துள்ளதாக கூறப்படுகிறது. 16,144 கோடியை அரசு செலவிட்டுள்ளது.இதுவரை 16,66,899 விவசாயிகள் பயன்பெறும் வகையில் ரூ. 7753.43 கோடி விவசாயக் கடன்கள் தள்ளுபடி செய்யப்பட்டுள்ளன.

விவசாயிகளின் குடும்பத்திற்கு ஏதேனும் காரணத்தால் மரணம் ஏற்பட்டால் அவர்களுக்கு நிதிப் பாதுகாப்பு அளிக்கும் வகையில் விவசாய பீமா திட்டத்தையும் அரசு அறிமுகப்படுத்தியுள்ளது.பிரீமியம் தொகை அரசால் செலுத்தப்படுகிறது. மாநிலத்தில் பல்வேறு காரணங்களால் இறந்த 1,08,051 விவசாயிகளுக்கு இன்று வரை ஆதரவு அளிக்கப்பட்டுள்ளது. உயிரிழந்த குடும்பங்களுக்கு ரூ. 5,402.55 கோடி காப்பீட்டுத் தொகை வழங்கப்படுகிறது எனவும், அரசு தெரிவித்துள்ளது.