2,000 ரூபாய் நோட்டுகளை புழக்கத்தில் இருந்து திரும்பப் பெறும் ரிசர்வ் வங்கி

2,000 ரூபாய் நோட்டுகளை புழக்கத்தில் இருந்து திரும்பப் பெற இந்திய ரிசர்வ் வங்கி முடிவு செய்து, செப்டம்பர் 30,2023க்குள் அவற்றை மாற்றிக் கொள்ளுமாறு கேட்டுக் கொண்டுள்ளது.

2000 ரூபாய் நோட்டுகளை உடனடியாக வழங்குவதை நிறுத்துமாறு அனைத்து வங்கிகளுக்கும் ரிசர்வ் வங்கி அறிவித்துள்ளது.

மற்ற மதிப்புள்ள ரூபாய் நோட்டுகள் போதுமான அளவில் கிடைத்தவுடன் ₹ 2,000 ரூபாய் நோட்டுகளை அறிமுகப்படுத்தும் நோக்கம் நிறைவேறியது. எனவே, 2018-19 ஆம் ஆண்டில் ரூ. 2000 ரூபாய் நோட்டுகள் அச்சிடுவது நிறுத்தப்பட்டது" என்று ரிசர்வ் வங்கி ஒரு அறிக்கையில் தெரிவித்துள்ளது

பொதுமக்கள் ரூ.2,000 ரூபாய் நோட்டுகளை தங்கள் வங்கிக் கணக்கில் டெபாசிட் செய்யலாம் அல்லது எந்த வங்கிக் கிளையிலும் மற்ற வகை ரூபாய் நோட்டுகளாக மாற்றிக் கொள்ளலாம் என ரிசர்வ் வங்கி தெரிவித்துள்ளது. "வங்கி கணக்குகளில் டெபாசிட் செய்வது வழக்கமான முறையில், அதாவது, கட்டுப்பாடுகள் இல்லாமல் மற்றும் தற்போதுள்ள அறிவுறுத்தல்கள் மற்றும் பிற பொருந்தக்கூடிய சட்ட விதிகளுக்கு உட்பட்டது" என்று அது கூறியது.

செயல்பாட்டு வசதிக்காகவும், வங்கிக் கிளைகளின் வழக்கமான செயல்பாடுகளுக்கு இடையூறு ஏற்படுவதைத் தவிர்க்கவும், ரூ. 2000 ரூபாய் நோட்டுகளை மாற்றுவது, எந்த வங்கியிலும் ஒரே நேரத்தில் ரூ.20,000/- வரை மட்டுமே இயலும். மே 23, 2023 முதல் ரூபாய் நோட்டுகளை மாற்றும் பணி தொடங்குகிறது. மேலும், ரிசர்வ் வங்கியின் 19 பிராந்திய அலுவலகங்களில், ரிசர்வ் வங்கியின் 19 பிராந்திய அலுவலகங்களில் மே 23 முதல் ரூ.2,000 நோட்டுகளை ஒரே நேரத்தில் ரூ.20,000 வரை மாற்றிக்கொள்ளும் வசதி வழங்கப்படும்.